¹ Nti ila malajisyo igatile chiwilili pe, cha indu yambone yaikwika, ni ngawa indu isyene yaitite kuwa yeleyo usyene ikulosya kwa kanandi pe yakuti indi yaikwika ngaikukombola kwakulupusya wandu mu sambi syao kwa litala lya kutyosya mbopesi chaka ni chaka ni kwetenda awe wamalile. ² Ikaliji apali wandu wakwapopela akunnungu ni sambi syao kuswejekwa kusyene ngakaliwone sooni akwete sambi ni mbopesi syo syose siklejikwe kutyochekwa. ³ Nambo pamalo pakwe kwa litala kya mbopesi syo sikwakumbusya wandu sambi syao chaka ni chaka. ⁴ Ligongo moasi ja mikambako ja ng'ombe ni mbusi ngajikombola kusityosya sambi. ⁵ Kwa ligongo lya kilisto pawaiche pachilambo wasalile akunnungu alakwe nganinsaka mbopesi namose sadaka nambo mwamba ngani chisye chiilu. ⁶ Mbopesi sya kocha namose mbopesi sya kulechesya sambi nganinnonyelwa nasyo. ⁷ Pelepo ntite ndidi pelep a alakwe akunnungu iiche kukulitenda lisasa lyenu mpela yatite pakulembekwa nkati une mu choitabu cha malajisyo.'' ⁸ Kundanda kilisto watite mbopesi ni sadaka ni sya kocha namose sya kulechelesya sambi nganisaka atamuno nganinnonyelwa nasyo watite yeleyo namu no mbopesi syo syosye sikutyochekwa malinga ni malajisyo. ⁹ Sooni watite uneji ndili pelepa alakwe akunnungu iiche kukulitenda lisosa lyenu kwapele akunnungu atyosisye mbopesi kilisto awe mbopesi jimo pe. ¹⁰ Pakuwa che yesu kilisto achitesile chasachile akunnungu uweji tupatile uswelo kwa litala lya chiilu chao chaachityosisye mbopesi kamo pe kwa liwamba lya wandu wose. ¹¹ Jwambopesi jwalijose akwima paujo pa kaunnungu lyuwa ni lyuwa achilamilaga ni kutyosya kawili lyua kusityosya silasila syangasikumbola ku kusityosya sambi. ¹² Nambo kilisto watyosiye mbopesi jimo pe kwa kusityosya sambi mbopesi jajili ni machili mowa gose pangali mbesi nipele watemi peuto pakuchinbichikwa kundyo kwa akunnungu, ¹³ Walindite mpaka wamagongo wao wose awichikwe paasi ni kwatenda chiti cha makongolo gao. ¹⁴ Pakuwa kwa mbopesi jimo pe akwatenda awe wamalilwe kwa mowa gase pangali mbuji wele wose wakuswejechekwa sambi sayo. ¹⁵ Nombe mbumu jwa akunnungu akuwakanga umboni nkati yeleyo kundanda akuti. ¹⁶ ''Alili ni lilangano lichindawe nawo pa mowa gaga kwika akuti ambuje chimiche malajisyo gangu mmitima jao ni kugalemba mu nganisyo syao.'' ¹⁷ Nombejo akupunda kusala nim une ngangumbuchila sooni sambi syao naose yangulumbana yao yatesile.'' ¹⁸ Nipele sambi syamalaga kulecheleswa ngapagwa sooni kutyosya mbopsi kwa ligongo lya kusityosya sambi. ¹⁹ Nipele achillalongo achijangu kwa miasi ji che yesu tukwete ntima wangali woga wa kupajinjila peuto papaswela nnope. ²⁰ Jwelejo atyaugopolelka litala lyasambano lya likupitila pa ajila nguo ja lusasa malumbo gakwe chiilu chakwe nsyene. ²¹ Nipele tukwete jwambopesi jwankulu jwakwete ulamusi pa nyuumba jose ja akunnungu. ²² Kweyele twawandichile akunnungu kwa mtima wa usyene ni chikulupi chemanijilwe kwa mitima jeswejechekwe jangali yejosyekwe kwa messi gakusalala. ²³ Tuchikamusi chilolelo chetu chitukucheala kwa kangwa syetu pakuwa akunnungu jawatupele chilanga jwakulupichiuka. ²⁴ Tukamuchisye jwine nim jwine kuti tuchisye mu unonyelo ni masengo gambone. ²⁵ Tukaleta kusongangana pamo mpela yatitye pakuwa masyowelelo ga wane nambo tuyamukangane nim kupunda nnope pauliwina kyuwa lay ambuje lilikuwandichila. ²⁶ Pakuwa twajendelechelaga kutendanya sambi melepe tuli tumanyilile usyene ngajipagwa mbopesi jiine jajikukomnola kutyosyekwa sooni kwa ligongo lya kusityosya sambi syetu. ²⁷ Chachikusigalila kuli kulindilila mu woga kulamulikwa ni akunnungu kwa mooto wakalipa uchi wajonanje wose wakwakanila akunnungu. ²⁸ Mundu jwalipose jwanyosye malajisyo akuulajukwa pangali chansa kwawaga ni umboni wa wandu wawili pane watatu. ²⁹ Ana mundu jwakunyosya mwana jwa akunnungu ni kujwona miasi ja lilangano lya akunnungu jiwaswejechekwe najo kuwa ngawa chindu ni kuntukana mbumu jwa akuungu jwawikanawo umbone nganisye ana ngakusachikwa kupegwa lijamuko lyajikulungwa? ³⁰ Pakuwa tukummanyilila jwelejo jwatite kuuchisya magambo kuli kwangune uneji chiuchisye sooni watite ambuje chachalamula wandu wakwe.'' ³¹ Kugwilila mmakono akunnungu wali ni umi! ³² Nambo nkumbuchile mowa gapitile baada nja pamwatandite kuumanyilila usyene wa akunnungu nambo mwapatite masusyo ga makulungwa nambo mwajimi mwakulimbila ngani nlepela. ³³ Katema kane mwatukenwe ni kunyeluswa palanga nim katema kane mwakundile kunsumulanga awala wawatendelwa yeleyo. ³⁴ Mwaatendele chansa welewo watawikwe sooni mwakundile kunsumulanga iapanje yenu mwapilile kwa kukondwa pakuwa mwaimanyi kuti nkwete indu yejinji yambone nnope yaikulonjela. ³⁵ Kwayele nkakujasa kulimbaganya kwenu pakuwa chikumpe ntulilo waikulungwa. ³⁶ Nkusachilwa kupilila kuti nkombole kundyo kangu lisosa lya akunnungu ni sooni chimpegwe aila iwalanjile. ³⁷ Pakuwa mpela yagakuti kusala malembo ga akunnungu,''pasigalile kanandi pe jwakuka jo chaiche ngasakawa. ³⁸ Mundu jwali jwambone paujo pangu chikulu lile ili katema chikulupi nambo alekwe ka jo kungulupilila nganonyelwa najo.'' ³⁹ Uweji nganituwa wandu wakuchileka chikulupi ni kusowa nambo uwe tuli wandu wakululupilila ni kukulupuswa.