¹ UYesu pine wawine iwungano, wawuka na kuwala kuchitunda. Pine iza aikile pasi, ahemba wakwe wawala kukwakwe. ² Winula untwe wakwe na kuwalanganizya, watela, ³ ''Ivinonu wene apina awa roho vine uwumwene wa kululu uwa kuluwene. ⁴ Ivinonu wene wasukupile, vine wawasamalizya. ⁵ Ivinonu wene wali nu utekamu, vine watupyanye isi. ⁶ Ivinonu wene wali ni zala ni nyota iye mmwene, vine awene wakwikuta. ⁷ Ivinonu wene wali ni chidimbano vine na pinye wapata ichitimbano. ⁸ Ivinonu wene wali nu moyo unonu vine wakumbona Umulungu. ⁹ Ivinonu wene ayanguzi, vine awene wakwitwa awana wa Mulungu. ¹⁰ Ivinonu wene wali na magayo kuwunonu, vine uwumwene wa kululu uwa kuluwene. ¹¹ Ivinonu umwemwe wene awandu wawatukana na kuwagazya, ama kutera chila chindu icha ui kulu umwemwe kulongofi kulunene. ¹² Sekelayi va kupundilila, vine indupo yimu ingulu kululi. Vine uli vine awandu wawagazizye awilagu wene alinge wikile kupita umwemwe. ¹³ Umwemwe umunu uwa pawelelo. Nanga uli ngi umunu watyezya unonu wakwe, iwezya wuni kuwikiwa umunu unonu kalinji? Italifumile kukuwa ichinonu ku chindu ichinji chochosi kalinji ngani kusumbwa pazi na kudyatwana amanama ya wandu. ¹⁴ Umwemwe mwawela wa pawelelo. Ikaya yene izyengiwe palulu ya chitunda itapisamaya. ¹⁵ Nanga awandu watalumikya itala na kuiwika pasi iyi kapo, ngani palulu, nape yawalumika wasi wene wali inkasi ya numba. ¹⁶ Leka uwelu winu ulumike ku wandu vine kukuti, wayaone yene mulonga umwemwe amanonu na kukunsalifya utayi winu yene alikululu. ¹⁷ Mutelenganye kukuti nizile kuiluwanga amasunde nanga awilagu ndizile kuluwanga ngani kulindikisha. ¹⁸ Epa nampozya kukuti mpaka kululu na pawelelo zyosi zipite kutakola iyodi idyimwi nanga unukta idyimwi iya masunde yene iushwa kumasunde mpaka pine chila chindu pine chikuwa chadimika. ¹⁹ Yoyosi yene amavuna amasunde amafiti yene aya masunde eya na kuwalanganizya awanji kulonga ulo akwitwa untinti kuwumweene wa kululu. ²⁰ Vine nawapozya unonu winu ngi utapota unonu uwa alanganizyi na Afarisayo, ku vyovyosi vila mtakakwinjila kuwumwene uwa kululu. ²¹ Mwivwa yateliwe kali kukuti, ''Utakomange'' na yoyosi yene amakomange ali kuhukumu.' ²² Nanga ulo nampozya yoyosi yene akunyesela uwaluko dwakwe akuwa kuhukumu. Na yoyosi yene amakumpozya uwaluko dwakwe kukuti, ''Uwewe wandu utafwaya! Akuwa kuchiwaza cha nangwa. Na yoyosi yene amatela.'' Uwewe wantivu!' Akuwa kundilo uwa jehanamu. ²³ Ngi umafunya indupo yako kwi itekelo, na umakwizuka kukuti uwaluko dwako ali ni chindu chochosi kuluwewe. Ileke indupo kumatekelo, epo lema izile yako. ²⁴ Ukiyivwe tamu nu wuluko dwako, pine uyize kufunya indupo yako. ²⁵ Iyivwe na yene akulemile ichikarakasha pine ulipapamwi nakwe inzila kuwala kumahakama, ngi utawika ulo yene ukushitike angakuleka mmikono mwa njangazi nu njanguzi akuleke imikono mwa aluwu, nawe usumbwa mwidyeselo. ²⁶ Zumilayi nampozya, utakawikwa pa unonu mpaka ulipe isenti iya mwisho iya hela yosi yene umadaiwa. ²⁷ Mukwivwa yateliwa kukuti, 'Utawe wa nkuwi.' ²⁸ Nanga ulo nmpozya yoyosi yene amakundola uwachichima nuku wakundumwa wawika ukuwi mu moyo wakwe. ²⁹ Na ngi iliso dyako idya unkono wako undyilo likuwika ukumbe, liushe na kulisumba kutani. Vine ivinonu chichimwi icha umbili wako chiluwa ngike, kupita umbili umpuma kusumwa kujehanamu. ³⁰ Na ngi unkono wako undyilo ukuwika kuluwanga, udumle uwusumbe kutana, vine ivinonu ichindie chichimwi icha umbili wako chiluwangike kupita umbili umpuma kusumbwa kujehanamu. ³¹ Yaateliwa kukuti, yoyosi yene aakunchi mbizya unchima, na ampe italaka.' ³² Nanga ulo unene nampozya, yoyosi yene amakundeka unchimakwe, kukuwi, amakumbika kukuwa unkuwi. Nu undu yoyosi ene amakundowola pine watangana italaka na pinye amawika uwukuwi. ³³ Kalinji, mwivwa yateliwe ku wala awakali, 'Mutalape ku ulongofi, ngani mutwale ivilapo vinu kwa Tayi.' ³⁴ Nanga ulo nampozya, mtalape nanga kache ama kululu, vine ienzi ya Mulungu; ³⁵ Nanga ku welelo, vine apawika ichiti icha dyatila inayo yakwe, ama ku Jerusalemu, vine mazi ya mweene unkali. ³⁶ Utalape kuntwe wako, vine tanga uwike akanyele kakamwi kukuwa akelu ama akilu. ³⁷ Inongwa zinu ziwe, 'Mmwene, mmwene, ndali, ndali,' Vine yapita eyo kufuma kwa yula undonga mawi. ³⁸ Mwivwa yateliwa kukuti, 'Iliso kwi iliso, ni lino kwi lino.' ³⁹ Nanga ulo unene nampozya, Mtapotane nundu uwa amawi; nanga ulo ngi undu wakulamba iwuli idya nkono undyilo ingeluzizye ni dya myao. ⁴⁰ Nu undu yene wavwamba kukushitaki na kukupoka ihanzu yako, indekele nu mwenda. ⁴¹ Nundu yene akupatikizya kukwenda imaili idyimwi, wala nakwe ziwili. ⁴² Yene wakulenga mpe, na mwene wakukopa, utampe ingosi. ⁴³ Mwivwa yaateliwa, 'Untogwe uwa lumbanda wako, na unyesele undwani wako.' ⁴⁴ Nanga ulo nampozya, muwatogwe adwani winu, muwalengele wene watawatogwa, ⁴⁵ Ngani kukuti muwe mwa wana wa tayi yene ali kululu. Vine wawika uzuwa uwalumikile awawi na anonu, na wawatonela ivula awawi na anonu. ⁴⁶ Ngi mwawatogwa wene wamtogwile umwemwe, mupata chinduchi? Epa asuluzya watalonga ulo? ⁴⁷ Nangi mwawalamka anawinu tumupata chinduchi ichikulu kupita awanji? Epa awandu awa masi watawika ulo nyulo? ⁴⁸ Epa muvwambiwa kukuwa mwa anonu, changati Utayi winu wa kululu vine unonu.