¹ Vine viyo, ngi twaleka chine twilanganizye kuwandilo kukuti Ukilisitu, tuvwambiwa kukuwa twakamu pine twazile kukamba, tutawike kalinji imimpaka iya tonda kufuma kumulimo yene kasi imbuma nizumilo kwa Mulungu, ² Nanga imimpaka iya malanganizyo ya ubatizyo, na kuwawikila imikono, kuzyuka kwafwile, ni hukumu ya siku zyosi. ³ Tuwika ulingi Umulungu watela. ⁴ Vine yapotana kuwala wene wapatile uwelu uwa wandilo, wene wayozizye chene wawapile kusulu, na kuwikwa kukuwa alemanyi umoyo uwa chitambo. ⁵ Nwene wayoizye unonu wa nongwa ya Mulungu na kumaka ayi sambi dyene lizile. ⁶ Nape wawa watawezizye kuwasuvya kalinji kutonda uli vine awene wankominge Umwana wa Mulungu udwa uwili ku njele zyao, wambika kukuwa ithilongelo icha byediwa pawetu wamiso. ⁷ Vino isi yene yatangine ivula yene yatona dyawilapalulu yakwe, na kufunya umelo unonu ku wao walongile imilimo ku isi, watengana ithitimbana kufuma kwa Mulungu. ⁸ Nanga ulo ngi yalela amivwa na masote, itakola kalinji unonu yakuwa pauwi kulitiwa, kusililo wakwe kukomangwa. ⁹ Nanga vine tupanga uli, maunda wane, tulongopiwa neya amanonu yene aya kulumwemwe naya upulushi. ¹⁰ Vino Umlungu kasi unsini na atakwiwa imilimo yinu kulutogo mwaulondizye kwi tawa dyakwe. kulili mwaiwalongelile awi izumilo na muchili muwalongela. ¹¹ Tulumwa ichisini kukuti chila ndu alondezya ukamu ulanye ula pausililo uwa lindikisha uyivu. ¹² Tutatogwa muwe mwa kofu, nanga ulo muwe mwa ahemba wa wala wine wapyana ulufingo vino izumilo nu uyivu. ¹³ Vine Umulungu pene wampile Abrahamu ulufingwa, walapile kunjele zyakwe, vine ngati atalapa kwa winji yoyosi yene unkati kupita umwene. ¹⁴ Watezile, ngutimbamila, na ngonjezya ululelo dwako ichisini,'' ¹⁵ Kuzila hii, abrahamu watengine chili chene wafingine pine wawetile kuyivu. ¹⁶ Vino awandu walapaya kulumwenu yene unkulu kupita awene, na kumyao usililo uwa kupotana yosi ululapo kwa kuyalindikisha. ¹⁷ Pine Umulungu walamla kusondezya uwelu ichisini kwa apyani awa lufingawa amelenganyo yakwe amanonu yane yatagaluka, walindikishe kwilapo. ¹⁸ Wawikile ulo ngani ku vindu ziwili vine vitawezya kutana, vine kulilo Umulungu atawezya kulela, ulongofu, tupate kuwikwa umoyo kulemelela, kuamaka izumilo lile liwikiwe pamiso yitu. ¹⁹ Tuli nu yivu iu changati inanga iya maka niya zumila aya imyo yitu, uyivu wene ukwinjila inkati kunuma iya pazia. ²⁰ UYesu winjile pala changati unkolezi witu, ngani kuwikwa umwene unkulu nanga isiku zyesi ku masunde aya Malkizedeki.