¹ Wana watimiki uso nu noko kwa Tayi, vino icho icha kulumwene. ² "Muwatimike uso nu noko" (Vino eya yene amaka iya uwandilo udwafingano), ³ "ili muwe ni timbano na muwezye kukwikala uwikalo utani palulu ni isi." ⁴ Na mwinye mwatayi, mutawakalipile awana nakuwaletelezya ikuo, na ngulo wasungi kumafunde na malagilizyo iya ka Tayi. ⁵ Na mwinye mwawazya, muwe ni shima kwa alume winu awa epa piwelelo kwishima ikulu na kutetema ku uoa ine yafuma imyoyo inu, muwe mwatekamu kumyao changati vine mukutimika uUklistu. ⁶ Kukutimika kwinu kutawe to pine wamlola ngani wamsekishe. Nanga ulo iwi nishima changati mwa wazya wa Kristo. Wiki Ulutogo nu Mulungu kufuma mmiyoyo yinu, ⁷ walongeli kumiyoyo inu yosi, kukuwa mukundongela Utayi nanga sawandu, ⁸ muvwambiwa kumana kukuti chila chindu chine undu walonga, apokela indupo kufuma kwa Tayi, ngi uzya ama undu wine alipawelu. ⁹ Na mwinye mwatayi wiki ulo nyulo kwa akatumwa winu. Mutawatinishe nanga mumanile kukuti umwene wine yula wine ali ku lulu. Nanga mumanile kukuti kutakola ulutogo inkasi yakwe. ¹⁰ Nangulo muwe na maka kwa Tayi nu uwezyo wa maka yakwe. ¹¹ Vwali imbalala zyosi ka Mulungu, ngani muvwambe kukwimilila kunuma nu shetani. ¹² Lino kupotewa kwitu usweswe kasi kunyama nu ulanda, ngani kwa amwene na maka ya akali wachisi na aluku awa mazimu amawi nu welelo kwa azimu. ¹³ Vino ulo, vywali imbala zyosi izya kaMulungu, ngani muwezye kukwimilila kumaka kupita amawi kuchipindi ichi icha mawi. Ngani ulo tumala chila chindu, mukwimilila kumaka. ¹⁴ Na ngulo imilili kumaka. Mviki uli vino mu fungile umsibi kumwene nu usokofu pachifuwa. ¹⁵ Wiki uli pine muvite utayari mminama yinu kulanganizya kuinjili iteko. ¹⁶ Kupita vyosi musende ingawo izumilo, yene ingawavwa kuzimya inyeto zyosi izya undilo wa umbi yula. ¹⁷ Vyali ingofila iya upulushi nu upanga wa Moyo, wine inogwa ya Mulungu. ¹⁸ papamwi na malengelo ni ndimbano. Rengi kumoyo chila lusiku. Kulolelo huu. Muwe muli nu utekelo chili isambo kuyivu wosi na malengelo kuwala wene wazumila. ¹⁹ Lengi kwa ajili yane, ngani wambe imbola pine nafungula undomo wane. Lengi kukuti mundinganizye kuyimba ukwamwene wene upisime changati injili. ²⁰ Vino kuinjili unene na balozi yene na nyepiwe iminyororo, ngani kukuti inkasi yao ndele kuyivu changati vine navwambiwa kutela. ²¹ Nanga ulo umwemwe mumane aya kulunene na kwine mbalilile, Tikiko mwanitu iwunda nu chilongelo nu wizumilo kwa Tayi, awapozya chila chindu. ²² Ntumile kuminu kulili, ngani kukuti mumane eya kulusweswe, awezye kuwapa umoyo imiyo yitu. ²³ Ichitimbano chiwe kwa wana witu, nu lutogo papamwi ni zumilo kufuma kwa Mulungu utayi na kwa Tayi U Yesu U Klistu. ²⁴ Ni chitimbano chiwe papamwi na osi wene wantogwile Utayi uYesu uKilisitu kulutogo lula lwine lutakufwa.