¹ U Paulo, Ukatumwa uwa U Yesu Klisto, kukwendana na amasunda iya U Mulungu na Umpulushi witu U Yesu Klisto unyimbu witu, ² ku uTimotheo umwanane uwa mwene ku-izumilo: Ichitimbano, itimbano ni izumilo zenezifuma ku Umulungu Utayi nu uYesu Klisto Nkali witu. ³ Chavine ngufundile pene iza nawuka kuwala ku Makedonia, ushale ku Efeso ili wawezye kuwapozya awandu watalanganizywe amalanganizyo yanji. ⁴ Nanga ulo wativwe ichili nu ufwatinganyi uwa inasaba zyene zitakola isililo. Eya uletelezya uluma dwinji nanga kuwavwa chene Umulungu amachivwamba ku Izumilo. ⁵ Nangalulo amanani idya ilagizyo idya ulutegowine ufumilo, kumoyo umwelu kumanonu na kuizumilo iya mwene. ⁶ Kula wanda wene waulizya amanani wayaleka amalanganizyo eya na kugelukila amapangwi iya chitivu. ⁷ Wavwamba awalanganizyi awa amasunde, nanga lulo watamana chene watela na chene wachindindikishe. ⁸ nangalulo tumanite kukuti isunde inonu nge undu akwilumila ku umwene. ⁹ Tumanite kukuti, isunde alinge yatalinganizya kwandu mwene alinu usokovu, nanga ulo ila kwa avunifu awa amasunde nu alwazi, awandu wene kasa atimu na awa imbi, na awene watakola Umulungu na uwi. Yatungwa kuwala wene wakomanga uise nu mayi wakwe, ku akomazi, ¹⁰ ku akuwi, ku awangu, kuwala wene wamawalema awandu na kuwanika akatumwa, ku alongofi, ku amashuda alongfi, ku yula mwene alikunuma ni amalanganizyo iya usokofu. ¹¹ Amalinganizyo eya yanafumila ku injili yene ilimitimu uwa Umulungu mwene ichitimbariki yene kumyao nzumiliwe. ¹² Nakunsalifya uYesu Klisto Nkali witu. Ambikile amaka, ambwazyizye unene na nsokofu, ambikile kukwavwa. ¹³ Iza nandu uwa amawi, nagazya awandu nu uvwalanganu. Iza napati itimbano vino nalongile ku utivu bila izumilo. ¹⁴ Itimbano idya Umulungu witu lizula izumilo nu ulutogo wene ulina U Yesu Klisto. ¹⁵ Imbola izyi iyakuzumilwa na upitishizywe kusendewa ku wosi, ya kuwa Kristo Yesu alikuja duniani kuokoa wenye dhambi. Mimi ni mbaya zaidi ya wote. ¹⁶ Vino unene napenile itumbano, vino nkasi yane unene poshe ulo uYesu Klisto alondezye uvivu wosi. Alongile ulo changati ilinganizyo ku wosi Wene wakunzumila umwene ku upuma udwa isiku zyosi. ¹⁷ Nisalizi ku umwene atakola pasililo, sangaafwe, sangaaaloleke, Umulungu adyumu, iwi ishima nu utimu udwa isiku zyosi. Amina. ¹⁸ Naliwika ilagizyo kumiso yako uTimotheo, mwanane, nalonga uli chavile umbilangu wene wafumila udwandilo kusu uwee, ufwaye kuulu unonu. ¹⁹ Longa ulo ngani usenda izumilo inonu na amanani, kulawandu wayakana eya wakomanga. ²⁰ Changati vine uHimeneyo nu Alekizanda wene nampa ushetani vwafundishwe watatyege.