¹ Basi oimi ya umahamisi lalaa iya siiti hira wasi kama to di nina anatse Mwisraeli kabira ta Abrahamu ko kabira ta Benjamini. ² Lalaa iya siiti batsi hira wasi kiya khuu toka tsatsesoka umahamisi khuutaa tlaqaru mioini sa Eliya doro kiyari qadini lalaa sa Waisraeli. ³ ''Bwana ama kiyatluaau deemusaiya ga ningi kara tseaaiyee madhahabarogo ana ana waka na meti tsafi wii baqomitiyaa.'' ⁴ Hinko hhabata lalaa miointi dirogi? Onoqasi saana loimo hira Elfu miberi faqwa inaa tlihhimisi yaaabatsi baali. ⁵ Kama dosi siwati ta hinko wanaa ko metiye sa elehhitu ko hhoa. ⁶ Bere ado sa hhoa siyo kama hara aaisiru bere batsi hhoa tlehitabatsi hhoa. ⁷ Miyaini isi aaara ko Israeli kiyadabalihiti kwatsayibatsi ila kwa tlaiyi na wateule iyatsawinee wakinaa ningi eloesi. ⁸ Ado doro tiga tlaqani lalaa iyahari siti munai ko dufai ila marakiarinee ea mareki akhasiyei paka lasi doti.'' ⁹ Daudi tse oini mawi meza roini kina li tlehhiti wavu mtego yamua ko tlupitu hara aaimbayi ekiaai misu diroini. ¹⁰ Mawenki ila waini kieboaaesi ili mare kianee kima liyaekuluusu danda elo waini paka bobo.'' ¹¹ Oimi yaaa kitlupiri ningi pahhiyee mare ka dosi aluikubere ini matlinee waokovu ini dahiyee ti hhapapuli kima inaa ligieqamiti munai kotsako. ¹² Sa tiha nqatu woini isi na hinda qaru ma ta hhapapu kwakuwa ana yaaaabutayi ko hira ko hhapapu wakinaa ungu daraaama sa harisarii. ¹³ Ana hinko gimbumamisi ha hira ko hhapapu kwa kuwa ana yaaaabutay ko hhapapu hara kiyasi ini kima li buutuya maa. ¹⁴ Iniko imunai ko tlaku hatlisi kwadi ko tlaqwa waka ha ana labuda irifata qani wakinaa. ¹⁵ Bare ado ara siaroini bere ana mapatano roini ta yamu ilaoharoini male tlaehiti ial tlafi iya diroini dahha ti kwadi kwa fakiyea. ¹⁶ Bere ado matunda ta panda na Akiba isi naaado donge ta gubara bere ado deaarimo elimu tse qorotuku. ¹⁷ Bere ado elimu wakinaa kiya tlaqa ado kuu Elimi ta kwara ta mzaituni kadahasi ti wokoli bere ado adiwaki wante ti deaarimai ko hind qarumali ta mzaitunili. ¹⁸ Mare kune hhobiti sa Elimu bere ado unehhobiti kukobatsi na deaarimo ara aaauti lakini deaaarino ku araaaayi. ¹⁹ Kima laooti elimu kiya tlaqa kima la tlamu ko dahamisu ti gamali. ²⁰ Dosi na tsoba kwakuwa a yaaaantibatsi kiyatlaqa ila kuaaqaritita boaao saa muna wogo ko hhoo mare kunekwawusiti ku waka hara hali ta rawa ila tlaamuti. ²¹ Bere ado lalaa bere iya gomautibatsi Elemu todi ansi sogo kiaaiya batsi kuu. ²² Ila khumisiya aremo ko hhoo hara dihhayi ko lalaa bara waka dihhayi iya harati Wayahudi kwadi kwa pahhiyei ila hara bara wakako hhoa ta lalaa iya khahhatu sa kuu bere laibiti ti hhoali bere batsi kuko sii sigeli. ²³ Bere ado ara matliyaabatsi ti yaaaruli diroini sigi dahamisi kara maana lalaa aauru konti ko dahamisu kara. ²⁴ Bere ado hunguraa kuna tlaqa fendi sa kodi ko ansi mazaituni ko kwra ha ahiko asilili kunadahamisi ti mzaituni ko hhoi neja kobatsi Wayahudi waka ado Elimu ko asili tiga dahamisi kara weti mzaitunili ina loe.? ²⁵ Dawai rii tlaamabatsi la tlahhataa batsi ti siri ti tiba la mure kontaaabatsi ti wawi wokini hunguraa siritiya tiba khalaameiyati Israeli dahhati paka libuuti ti hapapuli bere inakhayee. ²⁶ Dosi Israeli tuku kilifataqa ado do tiga tlaqani ti sayunika iyakhayi mkombozi kima li batli tihakwe ti Yakoboka. ²⁷ Heti na agano rii diwaki ha inaa siwa kababatli tsakwe roini.'' ²⁸ Hara bara wakako injili kihubini sa hunguraa hara bara wakako sa amatsiru ko lalaa kiya tsaa sa hana babu. ²⁹ Kwa kuwa zawadi hara aaoaao ta lalaa ka fokakina batsi. ³⁰ Kwa kuwa hunguraa pandaka alalaa siitee hinko ana ilaohotee hhoa sa gasiga siiye. ³¹ Hara afaamosi hinko kwaka Wayahudi wameasi aluwasi iyatiiti huruma tiga harisi sa hungura fana lailaohotaa hhoa. ³² Iniko lalaa iya tlegiti hira tuku ti bolo quli kian li tsay a semehhiru tuku. ³³ Do kiyanti hindaqaruma hala mure hara marifa ta lalaa kaeyuumamiti yabatsi amuri rosi hara afaamorosi katlatlahhama batsi. ³⁴ Miya ana tlahhi ti muna ko Bwanali? Au miya na gimbumimisiye ha ini? ³⁵ Miya na gamu harisi sa lalaa? Kima losogo harisi kara. ³⁶ Hara dosi ti dirosa hara afaamo rosi gama slome wanti wanti dirosi la tlehhiti kohho paka lanko Amina.