¹ Ningoro niya ta munawii ha firo rii ti lalaali sato inaa sa hira tiga arafaataqi. ² Kwakuwa iniara tiba aauru koma sa lalaa lakini sagamu kobatsi sigi khuiyee. ³ Kwa kuwa khuiyaabatsa haki ta lalaa dabahiti ya li tlahhiya haki roini kilosi iya talaama konae batsi sa haku ta lalaa. ⁴ Kwa kuwa Kristo na qatli ko sheria sa haki ta kila hini kwa yaaani. ⁵ Kwa kuwa musa tlaqani sa haki takhakha khau hara sheria hiru kuaaisasima haki ta sheria ibiti hara lakiti.'' ⁶ Lakini haki tatiiti hata imani doti oainti mare kaooti muna wogi miya na daurikhuu? Isi na Yesu hubitina hara bira. ⁷ Mare kahhabiti miya ,'Neyukutiti bohondali?'' (Hii na Yesu hubitina ti hira kwafakiyaa). ⁸ Lakini mioini?'' Ara tlayuli wana ha kuu ti rogo hati muna wogi isi na aaara ko imani ko tlabimani.'' ⁹ Kwa kuwa hara oarogo anoyasaaanti Yesu tiba na Bwana kima ngaa yaaaanti hara muna wogo tiba lalaa iyatlafisiti ti hira wadi kwa fakiyaa basi korofataga. ¹⁰ Kwa kuwa hara muna iya yaaani mingi haki tsai hara kinywa ya yaaaani nongi fataqa. ¹¹ Kwa kuwa tlaqaru oini kila kwa yaaaani muritiya batsi. ¹² Kwa kuwa pantla patli yaaabtsi Myahudi ha Myunani kwa kuwa Bwana wodo naqoro Bwana ko hira tuku kara hindaqarimo ado diro togo oainni. ¹³ Kwa kuwa kila hiru ko aao aao mamina uma ko Bwana korofataga. ¹⁴ Hara do kalo liitsa aaoaaa ini kwadi kwa yaaaanei batsi au hara do kalo liyaana kwa kwa akhasiyeibatsi male akhasiyaa bila mhubiri? ¹⁵ Hara do kalo itlayaa hhaba bila yaaabo ado do tiga taqani malaki wanti hhoa ta yaa ko hira wadi ko arasi tlababima aremo ko qese ha hhoo!'' ¹⁶ Iniko tuku iyaitimasiyei batsi injili kwa kuwa isaya iya gimbusi miya na aaara wori akhasi. ¹⁷ Hara dosi imani iyakhakhakhauru sa khaasa haraakhasa aaara ko Kristo. ¹⁸ Umahami kwawis iyaaakhasiyeibatse? ee aakhasan.''Sauti roini iyatiiti hara fandi ti hhapapu tuki gimba woini pakati qaiitli ko yamuli.'' ¹⁹ Ana oini ,ya umahamisi,''Je Israeli iyatlahhibatse? Musa ningiila batli ikhitsu si aaoaaa slome tihita wadi ko hhapako batsi hara afaamo ta hhape ta tlatlahhahhamibatsi irifahha paka liqupimitiyaa.'' ²⁰ Isaya aauru kono neja oaini ya kiya tsayi ha kwa kwa ana dabahiyeibatsi ningi ani na kwadi kwa ana tsaiyeibatsi.'' ²¹ Iniko ti israeliko oainaa balu slome alaqama dabaiwii ti hira kwa siiyei hati hira kwa khalaiyei.''