¹ Tusiwasi iyawane hira wakina tosokwa hhabakay rawa ta wagalilaya iniko tikiya tsuuu na Pilato ni inkiri slaha tsere roini a naamisu woini. ² Yesu ni kihhabu nisiki hhabu ma ointaa ma wagalilay wasi iya tlakwe kone baaa wagali lay waki na tuku naqa siki ya slay na kwesi? ³ Uu sunu hhahhhabimu iniko bere laki ii taabasla hungura e fakila dosi. ⁴ Awu kwadi hirawadi miba tsigahha ti siloamu iniko munara iya huuu niki tsuuu wawuma misitaa ina iya ale tlakwe kone neja baaa hira wakina ti Yerusalemuli. ⁵ Uu ana oimu iniko bere kiii taabsla hungura tuku efakita. ⁶ Sikiyahhabu na Yesu slaqwasasi hiru woko iya ale khaimo kono tokwa dahasi ti qay moro si iya hautu iya aamu dabali tu kau rawawasi iniko iya slawini basla. ⁷ Nosoko hhabu kwa bositani boiimimisi ila khumisi kwara tamu ana khawu a wa ra hhakawa dabaha kaymu aamu ti khaimosi iniko asla mibasla lotlaqa fiti ma lahubiti hhae linga. ⁸ Kwa basitani boiimisi nikihha bu nikioo mawenki kwari ki noawatu uu ma lo tsehha eqasi rawawasi. ⁹ Bere ini laqwali aamu kwari kwa khotsi ta booo iniko bere ini laqwali basla lotlaqafiti. ¹⁰ Iniko Yesu iyaale tsahhamimisi ti doeri wakinai kolalaali ti balu ko sabatoli. ¹¹ Ilakhumisi iya wanti iyo waka iniko kwara miba dakati iya ale munai kotla ku konto kwa tsaqumitiri aini iya ale ekhonqooto iya konti basla islay mu ka qarita. ¹² Takaani na Yesu ta oooo naka oo iyo kini aasi hhoali ti waraama waqa. ¹³ Nikieaasi dabaiwa rawawasi ma numudikiisiti slaqwa roso niki lalaa diresiti. ¹⁴ Iniko qatimasay ko doo ko lalaa iya qupiti saga Yesu sikiya hhaesi balu ko sabatoli ma qatimusay niki hha bu soslaslaslimu wado balu wana lahhoo iniko uuuru iisiru yandu hautare kunu hhaesi ma kunu hhaesi ti balu ko sabatoli. ¹⁵ Dadiro nikihhabu nikioo lamusay hhaku kila koqo qoki gwera da kway wogo awu sle ti qwamaka li gatisi lehhisa woholi balu ko sabatoli? ¹⁶ Ma dosi khway la ta Abrahamu iniko ta ka tseqe na jinini kwara miba dakati ma iya fayintibasla tsegaroso laka gweriya basla balu ko sabatoli? ¹⁷ Kiya hhahhabibini aaremo waki kwadi tuku tikiya difu iyamure ane inika slaslahimu tuku kowa kina iyae tsotsoiri saaare mo kamure kiyaiisini. ¹⁸ Yesu niki hhabu dira ta lalaa unu slanqwasi ami islawu loqomaitisi a mi? ¹⁹ Ado pisakaro ta haradari taka tslesi hiru woko naka dahamisi qay morosi ikidirawu tu niki tlehhiti khaimo kodadiri a tsiraoo ta rawa niki slehheti tsurema waimi ti elemu wasi. ²⁰ Kara niki oo o alehhisi ami dirata lalaa. ²¹ Ado mahhaame takatleso na hati hare nakara slahha ti etlua tamu ta gubara mo niki yae baya. ²² Yesu iyara khotsini ki mji a ki jiji afaamoli iya Yerusalemu khukhakhu ma liki tsahhamimisi. ²³ Hiru woko niki mahasi ama hira kota urebasla ti kirifa taqa? Hinko manisihhabu. ²⁴ Unetadinti laedafito tafusi ti ara ifodoo ko sonhhar iniko naaa warahhiri islaya abasla edafa. ²⁵ Makodo kodoo boiimamisa ni kiqariti nikitseqi ifodoo basi qarimitaa fendili ma la hodi dififi nta ifo dooli ma laowiinta dadiro dadiro sunu fohinti ini hhabu mankuoo unu khuaba hungura wala yamu kadahhate. ²⁶ Ma oso oota aaagimani akita hhamani panda rogi ku atsahha misiti li ri amawatini kwaqi. ²⁷ Iniko ini sunku hhabu nunu oimu unu khuabasla yamu kadahhate haute diroa hungura ko ii sasimi gimbaba tatlaku. ²⁸ Wanti aaee a sihheri go tlira siwa kiante ana Abramu Isaka Yakobo a yaaa but iniko hungura loe kunu kwa hha fendili. ²⁹ Iyadahiri kwa masla riki dahhaa maaharibi kaskazini a kusini ma kwahasitaa ti meza ta aago ta khwai tidira ta lalaali. ³⁰ A khuu heti koefako ta tlatleso ta tlatseso tletleli ko alu. ³¹ Siwa taqunqumari iniko wakina hira iya khaye nisikihhaba hauti dita ku kogasa slaa na herode. ³² Nikoo na Yesu haute sahhaba kwa mwonjo wodo ila khumisi mwurahi rimu majini o ii sasimu hhaemisu lasi a matle ko a balu ko tamu e fakisi ara faririi. ³³ Ti hali wakali uuru sa ana panda khua lasi matliko a balu koququsima na gasi kidikii nti basla yaaabutay gasi sige a Yerusalemu. ³⁴ Yerusalemuli miya na yaabutay tsu uunu likikho bibiti ara tleee kwadi tikiyayaaabu dirokini mara magi anaslaamu li kuranka ru ay wakini adodo konki kirikurunkurarinti tsuntsaroso bera ta hhanpera wasi iniko ana slaanti i basla heti. ³⁵ Ila khumisi doo wogo kono may hunguraasle sunu hhahhabimu islawu taabasla lianta kuma laota kono boiisi isi kwa khakhawa ara uma ko dadiro.