¹ Tisisiwati maelfu naaa ko hira iyakurunkuritiri diwaki paka nku ansine kala oo niki ansini qimba a tsatsahhatimusay wasi, Tlatleso unu qaaatea mahhaameta hira iniko lama. ² Tlehhiti hhaku takayaku tanahhati taka poisi basla awu aara tokwa yaku iniko kopoibasla. ³ Awa kahhabite e boaali taakhasuti pisaruli waka kahhabite ti eili waay doeri wakini ko waay takatseqiti katsa bini rawa bembe ta dooli. ⁴ Sunu hhahhabimu wereeerii mare kitlaamute kwadi kotsuaauuma slaqo ma konaaabasla qamu woko ko iisiru. ⁵ Inko oro dihhawu ko tlaamute tlaaamuta kodo kwa qasi uuru kono kohha Jehanamu e unuoimu hungura tlaamutaki isi. ⁶ Ma shomoro koani kikiriqaqinabasle ara miberi njadi? Hinko hhaku kama wati woi tokoehhamisi panda ta lalaali. ⁷ Iniko la tsahhata qubuko sagarima kini nkafari maro ka talaamute hungura kunu koo neja kuliko shomoro na aa. ⁸ Unu oimi woko koana yaaama panda ta hirali koyaaani na nuko Adamu panda ta malay ka ko lalaali. ⁹ Iniko woko koana sia panda ta hira li initle kosii panda la malaika ko lalaali. ¹⁰ Woko kohhaba aara kotlaku rawa tanu ko Adamuli komay iniko woko kohhaba qimba kotlaku komayabasla na muna ko hhoo. ¹¹ Tikihehhisi panda tako diyani ko doerikolalaa kwari ibitiri akwadi kouuru mari katlaa mute arawa ado taqimba ati do tara iisali awu mi oota. ¹² Iniko kunu tsahhatisi na muna kohhoo do kaoote ti siwasi. ¹³ Hiru woko tikurunkuritali nikihhabu ti tsahhamusay li, oenki ninqoro lisiidehhe yamuko alima wii. ¹⁴ Yesu nikihhabu miya ni aasi tiba ara ohimu say ara slahha musay tidirokini? ¹⁵ Ma nisiti oso hhabu unu qaaawute aki do ta ilalauma iniko slafimako hiru hhaku ti nauumu ko qamamati kikoni. ¹⁶ Niki oo na Yesu slanqasa li oo qaimo ta hiru woko hindaqarimo iya laqaliti neja. ¹⁷ Ma nunkumahasi waay wasi liowiini mele iisi ini konabasla yamu koqasa baluwi. ¹⁸ Niki oo dosoiisi qetisi kuqiri ta nini na matlehhe ta dadiri maqasi baluwii tuku a gamama waka. ¹⁹ Aoo slaqwari slaqwa unuqasiti ana qasiti qamu ko qama waka sa kwara naaa. Kwahhasi la aaginti laki ta hhanti a hhoa." ²⁰ Iniko nokoo na lalaa ku hiru kwane tlutu amasi ko lasi munai slairi kwa diroqo dahhaa a gama tuku kaha boiimisiti tamiini? ²¹ Na do kiri tlehhiti ti kila hiruli tunsunquqamaniti qamu siyo lunku hinda qarutisi sa dadiro. ²² Yesu niki oo ti tsatsahhamusay wa si hinko sunu hhahhabimu mare katlaamu te rawa ko ibinawokini ma mi aaqita awu rawa ko slaqowakini ma mi eluuuta. ²³ Iniko ibina neja taaaqo asla qwa neja taelu uumiru. ²⁴ Khuumei tsiraoo ta rawa doslasli naa basla kama buaunaa basla konaabsla kohay kama kuqi ta taqamitu iniko tata woki kunu aaqimamisi hungura kunu hho ebasla neja ado tsiraoo. ²⁵ Naka ti dirokini tunkunu hangesasini koislawa rogiro daba waki ti ibina wosi? ²⁶ Bere islawutabasla iisiru isi gama koninina ko eslahha sa miini kunu hagesasi a isi waka? ²⁷ Arimei gugu dokiyara tiimiti yundu mamitabasla kama aa mami ta basla. ²⁸ Bere lalaa iya e luuuminti ta boii tsokono ko paheri iniko lasi wanti matliko ka kwahha ti aslali ma neja ko basle kune luuu hunguraa? Hungura ko ya aaru. ²⁹ Mare katlaritlarimete rawa ta aagoli hungura ayu khuti ta hunguraa mare katlatamute raa. ³⁰ Iniko hhapapu tuku ko fitsima nini iimamitiri sa aaremowaini a tatawokini khuu he slaata. ³¹ Iniko dabahe diraroso gisa ahe waka sungu rogini. ³² Mare ka tlaamute hungura rugu mi ta ninina iniko lata wo kini kwaan lunsunku harisi hungura dirasi. ³³ Kirigei gamama roki lisi hari sakawu ta naragumusay luiisi nta pinda koefakakimai basla gamu ko dawuri taefa faka kimaibasla yamu fisisay kiesapiri basla kama nondo koislaya basla linga. ³⁴ Iniko yamu gamu wogo kiwani nayamu munawoqo kiwani. ³⁵ Qay rowakini kotledeni litlehhi tiri kiyatsegili ara tsoaay a taha rokin tle laka yuutu panda khukhuutu ohima. ³⁶ La tlehhita ado hira kokhuuma dadiro woini kwati losona ko harusi dahha ini bere ina khay ina hodi slahha kay islayaa fohiru ifodoo tsiga ³⁷ Kiyaboisi yandwamusay kwadi tikitlay na dadiro khumi siri iniko tsige qay ru wosu kotleri ara tsoaay makiibitisi hha peli sa aago ma siki harimi si. ³⁸ Bere dadiro iya khay mara ta njadi ta gaaaaawu ara amasi awu mara tatamu ta gaaaayu likislay ini hheesi tlehheti tahhodiro ini ti yandumusay li. ³⁹ Neja ta heti latsahhata heti ado dadiro ko doo lakaini tsahha tiwa ta fisisimo khay mu laka iniyaaa niba doo wos loko tsegi. ⁴⁰ Tlehhetei tsiga kwani khuutaabasle siwa mi heti nuko Adamu iya kiii. ⁴¹ Petro nikioo bere sunku hhabu anda loe slanqwasati awu sohha hhabinti kila hiru. ⁴² Ikioo na dadiro miya na yaaabutay ko tsaba awu ko hhoo toko qasi na dadirowos ti rawa aabuta wakinai lisiki dehhini aagoroini ara siwa ta tsaba. ⁴³ Kono boiisi yandumusay wodo iniko dadirowoso bere ina khay koslay yandumamiti todo tokwa kamuuutisi. ⁴⁴ Iniko sonu hhahhabimu hungura iniko qasi rawali gamamaroso tuku. ⁴⁵ Iniko yandumusay wodo oini muna wosi adiro wii iyaaada ani kiaa dosi niki talatlesi difita yandumusay ko hhawate a ko tikay ma niki talatlesi aago khufo a animitu. ⁴⁶ Dadiro ko yaaabutay iya khay ti balu kiriwanti basla a siwa takakhuibasla ini tle kosiki bare mo waki waki mako qasi ti ya mu kodiwaki akwa kotsabakobasla. ⁴⁷ Yandumusay kokhua slaaama ko dadiro rowoso ini unu goiimisi basla kama ini iisini nibasla la goii a slaama wasi kodo fu hharo naaa. ⁴⁸ Iniko yandumusay kwahha slaama ko dadiro woso iniko iya iisini basla tokoslaa dohha ko difu hharo koninina sagaini tosokwaharis naaa kodaya yeni tirosa dahaa initle takwa ya aani ara naaa dirosi kada naaa neja. ⁴⁹ Ana khawu ana asla ohisakawu fi tsimali ilalaumamiti laka ini ohoto. ⁵⁰ Iniko komu hhutsu iniko tiki hhutsu slahhaame komu paka li buutu. ⁵¹ Hinko wawumamisi ta ini akhawu ahubu hhoa fitsimali? Uu sunu hhahhabimu iniko anahubu dehho. ⁵² Paka hinko panda khua tlehhitir hira koani ti doo waki unade hhine tamu tlehhiti kiiiri njadi tlehhitiritiiiri ma tamu. ⁵³ Udehhina tata tlehhiti kiii mada kati a nu tlekiii a ba tata iyo tlehhiti kiiiti a hatos ma khway la tlehhiti kiiiti a iyoroini kumboo tlehhiti kiiiti a kumbaawoso initlehumbooo tlehhiti kiiiti a kubooroso. ⁵⁴ Yesu nikitlehhiti sikihhahha bini slooslemu kara bere ana arinte tlafo iya tsindo da hhati ointa siwa ta tluba inadahati na do kiri tlehhi mamiti. ⁵⁵ A tsaqwa ta panda bere inaefa hhati ointa hameri awantita dihi nado kiri tlehhimamiti. ⁵⁶ Hungura humusay islawata hhahaa biru tiita la hhape ata ta rawa iniko male tle himiti islawutaa basla hha ba siwa ta wara? ⁵⁷ Sami kila koqo woki dehhinabasla ta tsaba dirosi lakaiisini siwa ta dabaha bari ta iisiru dosi? ⁵⁸ Iniko bere hauta a quruuumasay qogo panda ta li hakimu, unetaudinti luakhamisi taa a quru uumusay wogo kama kahha taa afa amoka mare toko lehhisi li hakimuli ma loko lehhisi na hakimu ti ligatimusay li loko kwa hha magerezali. ⁵⁹ So hhahhabimu atii ta basla tay sa paka la buutu senti ta efako.