¹ Vavaha, muvahombaghe avavombi viinu sino sa kyang'haani .Kange mukagula kuuti muli nu Mutwa kukyanya. ² Mughendelelaghe kuva vakangafu mu nyifunyo. mukalaghe maaso mu nyongesio. ³ Musumaghe palikimo vwimila jiitu, neke kuuti uNguluve adindule umulyango vwimila ilisio, kujova ulufiso lwa kyang'haani lwa Kilisite. mu ili nifinyilue ifipinyua. kange ⁴ Musumaghe kuuti muwesie kukulivika pavuvalafu ndavule luninoghiile kujova. ⁵ Valutulaghe ku vukoola ku va panji na kukughokombola unsiki. ⁶ Amasio ghinu ghavisaghe nu vumosi unsiki ghwoni, na kukolela umwinyo unsiki ghwoni neke kuuti mwesie kukagula ndavule luvanoghiile kukumwamula umuunhu ghweni. ⁷ Mu nongua sango uTikiko ivomba kuuti ghakagulike kulyumue. Umwene ghwe nyalukolo mughanike, m'bombi ghwa kyang'haani kange nsung'ua n'jitu mwa mwa. ⁸ Nikunsung'a kulyumue vwimila ili kuuti muwesie kukagula sino situ kange awesie kukuvakangasia inumbula. ⁹ Nikuvasung'a palikimo nu Onesimo unyalukolo ghwitu umughanike nywilifu nu junge mu lyumue. Vikuvavula ifinu vyoni fino fihumile apa. ¹⁰ UArisitariko, un'dindilua n'jango ikuvahungila nu Maruko ubinamu ghwa Barinaba juno mukupile uvutavike kuhuma kwa mwene." ndeve ikwisa kulyumue mumwupilaghe," ¹¹ Nu Yesu juno ikemelua ghwe Yusito. ava vene vakekua ve vavomba mbombo vajango vwimila uvutwa vwa Nguluve lwe luhuvilo kulyune. ¹² U Epafula ikuvahingila umwene ghwe jumonga mu lyumue kange nsung'hua ghwa Kilisite Yesu. umwene ivomba mu ngufu sooni vwimila jiinu, neke kuuti muweise kukwima kikangafu na kuhakikisivua kinywilifu mu lughano lwoni lwa Nguluve. ¹³ Ulwakuva nikusagha kuuti ivomba imbombo ku ngufu fiijo vwimila jinu, ku avuo vano vali ku Laodekia navuo vano vali ku Hierapoli. ¹⁴ U Luuka juno mughanga mughanike nu Dema voope vikuvahungila. ¹⁵ Vahungilaghe avanyalukola vango vano vali ku Laodekia na ku Nimfa ni tembile jila jino jili kulikaaja lwake. ¹⁶ Ikalata iji kyande jiva jimbilue ku vaanhu vamonga, jimbuaghe na kutembile ja va Laodekia, najumue kange muhakikisiaghe mukwimba ikalata ijio kuhuma ku Laodekia. ¹⁷ Mu m'buule u Arikipo kuuti "lola imbombele inofu jino akupile mwa Mutwa, kuuti jimunoghile kukujimalisia.'' ¹⁸ Une ne Paulo nikuvahingila ku luvoko lwango june. mukumbukaghe ifipinyua fyango. Uvumosi vuvisaghe numue.