¹ Muvusililo,vanyalukolo, tukuvakangasia inumbula nakukuvasuma mwa Yesu kilisite. Ndavule mulyupile uvulolesi kuhuma kulyusue ndavule jikuvanoghela kughendela na kukumunoghesia uNguluve, musila ijio kange mulutile na kuvomba vunono kukila. ² lwakuva mukagula vwe vulolesi vuki vuno tuvapalile kukilia u Mutwa Yesu. ³ Ulwakuva agha ghe maghanike gha Nguluve, uluvalasio lwinu kuti muvuleke uvuvwafu, ⁴ Kuti kila jumonga ghwinu ikagula kugadilila un'dala ghwake jujuo muvwimike nuvugholofu. ⁵ Nungavisaghe nu n'dala muvunoghelua vwa m'bili (ndavule avamuisi vanonavamanye u Nguluve). ⁶ nangavisaghe umunhu ghoghoni junoilovoka imaka/uvutavike nakumuhoka unyalukolo ghwake mu ili. lwakuva u Mutwa ghwenyakuhomba ighalasi ku agha ghoni, ndavule panotukalongwile kukuvavunga na kuvaholela. ⁷ lwakuva unguluve nalyatukemelile muvunyali, looli muvwimike . ⁸ Neke lino junoikulikana ili naikuvakana avanhu , looli ikun'kana uNguluve, junoikuvapela Umhepo umwimike ghwake. ⁹ Mulughano lwa nyalukolo, kusila vulasima vwa munhu ghwoghwoni kukuvalembela, ulwakuva muvulanisivue nu Nguluve kughanana jumue, ¹⁰ kyang'ani, mukavombile agha ghoni kuvanyalukolo vanovali kumakedonia joni. Neke tukuvasuma vanyalukolo, muvombe nambe kukila. ¹¹ tukuvasuma munogheluaghe kukukala muvwumi vwa lutengano, kusimilila imbombo sinu, nakuvumba imbombo samavoko ghinu, ndavule finotukavalaghile. ¹² Vombagha isi neke uwesie kulutila vunono na kuvukola ku avuo vanovalikunji ja lwitiko, neke nunapungukivuaghe ni lighanike lyolyoni. ¹³ Natulonda umue mkagule sino nasesene, umue vanyalukolo, pankyanya ja avuo vanovaghonelile, neke muleka pisukunala ndavule avange vanovasila kyang'ani mun'siki ghunoghukwisa. Ndeve tukwitikila kuti uYesu alyafwile nakusyuka kange, ¹⁴ Vulevule uNguluve ilikuvaleta palikimo nu Yesu avuo vanovaghonelile vufue mwa mwene. ¹⁵ Mu avuo tukuvavula umue mulisio lwa Mutwa, kuti usue twevano tulivumi, twevano pwetuliva un'siki ghwa kwisa kwa Mutwa, kyang'ani natulikuvatalila natulukuvalongolela vala vanovaghonelile vufue. ¹⁶ lwakuva uMutwa jujuo ilikwika kuhuma muvulanga, ilikwisa ni savuti ing'ome, palikimo ni savuti ija nyamhola um'baha,palikimo nulukemelo lwa Nguluve, vope vanovafwile mwa Kilisite vilisyuka tasi. ¹⁷ Pepano twevano tulivumi twevano tusighile, tulikong'ana kuvulanga palikimo navo kumung'inia uMutwa kukyanya. mu sila iji tuliva nu Mutwa ifighono fyoni. ¹⁸ Pe lino munyamasaniaghe jumue mumasio agha.