¹ Ikoraniro dyose lirahagara, bamutwara imbele ya Pilato. ² Batangura kumagiriza bavuga, "Bat uyu twamubonye agomesha ubwako bwachu, ababuza kutanga ikoridya kaisari na avuga yuko wene nyene nikiristo umwami". ³ Pilato aramubaza avuga, mbega wewe uri umwani wa bayahudi? "Na Yesu aramwishura, avuga, "Wewe uvuze gutyo". ⁴ Pilato abwira umuheezi mukuru nikoramiro, "Simbo ikichumuro kuruyu muntu". ⁵ Aliko nabobemeza bavuga, "Yaguma asibanganya abuntu, yigisha iyudaya hose, na kuhera Garilaya ubu ari ngaha. ⁶ Pilato yumvishe ayo, arabaza yuko uyu muntu ni wa Garilaya: ⁷ Amenye yuko yari hasi yubutwale bwa Herode, atwara Yesu kwa Herode, na hari Yerusalemu muriyo misi. ⁸ Herode abonye Yesu, anezegwa chane kubera yashaka kumbona imisi myishi, yalumvishe inkuru ziwe yifuza kubona ni kutangaza kimwe kikogwa nawe. ⁹ Herode abaza Yesu amajambo menshi, aliko Yesu ntiyamwishura na rimwe. ¹⁰ Abaherezi bakuru hamwe na banyambwenge bahagarara bakovya kumwagiriza. ¹¹ Herode hamwe na busirikale biwe, baramutukani kumushinyagurira, bamwambika imyamboro myiza, hanyuma bamusubiza Yesu kwa Pilato. ¹² Herode na Pilato baba abagenzi kuhera uwo musi (kuko ubwakare baribankana) ¹³ Pilato ahamagara hamwe, abaherezi bakuru na babwale ni shengero dya bantu. ¹⁴ Arababwira, "Mwanzaniye uyu muntu gwagomesha abantu bakora mabi, na raba, none jewe namuchumagurije imbele yanyu, nta chaha mbona kuriwe kuvyo mwamubeze. ¹⁵ Oya, na Herode, nukwo nyene kuko yamutu subije twebwe, nareba ntachochose kikwiye ikihano cho kupfa. ¹⁶ Nuko ndamukubita, ndamurekure. ¹⁷ (Kuko Pilato yarakwiye kubarakurira umufungwa yamwe kubayahudi mwiyo misi mikuru) ¹⁸ Aliko bose basemerera icharimwe, bavuga, Mukure uwo, na uturekurite Baraba. ¹⁹ Baraba yariyafunzwe kubera ubwasi bwabaye muriyo nijibwo kwicha. ²⁰ Pilato arababwira kandi, yopfuza kurekura Yesu. ²¹ Aliko bene burasemerera, bavuga, "but mubambe mubambe". ²² Arababaza ubugira katatu, "Kuki, uyu munt yakoze amabi nyabaki? Sindamubonako ikwiye kumwichisha. None rero komara kumukubita incha ndumurekura. ²³ Aliko bemeza nijwi dyo hejuru, bashaka abambwe. Amejwi yabo geramunesha Pilato. ²⁴ Nuko Pilato acha urubanza nkuko bamusa vye. ²⁵ Arekura yudya bashaka yari yafunzwe bamuhoye ubugaranji nubwichanyi. Aliko abaha Yesu kukushaka kwabo. ²⁶ Baliko baramutwara, bufata muntu yunuwe yitwa Simoni wa ukirene, avuye mumisozi, bamukorera umusalaba auheke amukurikira Yesu. ²⁷ Ishengero dya bantu bensi na bagore bari ni huzuri numubabaro kubere Yesu, bari bamu kurikira. ²⁸ Aliko arabahindukiria, Yesu arababwira, "Abakobwabi Yerusalemu, ntimundilite jewe, ni mwititira mwebwe ni kubera abana banyu. ²⁹ Reba, imisi zizoza zobuzovuga, "Hahezagiwe abagumbashe ninda zitavyara, na mabere atonsa. ³⁰ Niho bazabanza kubwira imisozi, "Bati ni mutugweko, ni mirambi, mutufuke". ³¹ Kuko bagirira batyo ikikibisi, vyoba kutu ikiti chunye?" ³² Abagabo bandi babiri binkozi zikibi, batwagwa kumwe nawe kugira bichwe. ³³ Bageze abantu hitwa Nyagihanga bamubambanaho naza nkozi zikibi, yumwe muruhande gwi budyo uyundi muruhande gwu bumoso. ³⁴ Yesu yaravuze, ati Daha, nubaharire, kuko ntibazi ichobakora. Nabo butera ikura bagaba impuzu ziwe. ³⁵ Abantu bahagarara baraba, abatwara nabo bamusekera mwijigo, bavuga, "Yakijije abandi None niyikize wene, nimba wene ari umukiristo wi mana, yatoranijwe" ³⁶ Abasirikare kandi baramugoya, baramwegera wene ni kumuha inkarihsa. ³⁷ Bavuga, "Nimba wewe uri umwami wa bayahudi niwikize wewe nyewe:. ³⁸ Hari kandi ichandiko hejuru yiwe chandichwengo UYU NU MWAMI WA BAYUDA". ³⁹ Yumwe mu nkozi zikibi yabambwe aramutuka avuga at, "Siwewe kiristo? Niwikize wewe nyene natwe". ⁴⁰ Aliko yudya yandi arishura avuga, "Mbega wewe ntutinya imana, nawe uchiriwe urubanza rumwe nugwiwe? ⁴¹ Tweho turingoha kubikwiye kuko tugiriwe ibihwanye nivyo twakoze. Aliko uyu ntiyakoze ikintu chochose kibi". ⁴² Na arongera, Yesu unyibuke niwinjira mubwami bwawe". ⁴³ Yesu aramubwira, "Izere ndakubwira, uyu musi uzakuba naje muri paradiso". ⁴⁴ Ahohari hofi yisaha mukaga, umwiji ma uza hejuru yisiyose kugeza isaha mwenda. ⁴⁵ Izuba rirazima. Hanyuma ikihuzu kikiza ahera hurusengero kitabukira hagati kuhera hejuru. ⁴⁶ Arila nijwi rihenga, Yesu aravuga, "Daha mumaboko yawe nihonisze ubugingo bwanje, "Amaze kuvuga ayo arapfa. ⁴⁷ Umugabisha wa basirikale abonje ibibaye ahimbaza imana avuge at kweli uyu muntu yari umugororochi. ⁴⁸ Ishengero dyabantu dyaje hamwe kushuhudia babonye ibabaye, basubira inyuma ino bakubita mukatuntu kabo. ⁴⁹ Aliko abagenzi biwe, nabagore baribamukurikiye kuva Galilaya, bahagara kura baraba ivyo. ⁵⁰ Raba hariho umuntu yitwa Yusufu, uri yumwe mubi baraza, umuntu mwiza kandi umugorohchi, ⁵¹ (Uwo ntiyari yafatanije inama na bandi chanke ibikogwa vyabo, kwuva Arimataya, umuji wi kiyahudi, uwaritegereje ubwamibwi mana. ⁵² Uyu mutnu yegera Pilato, asega umubili wa Yesu. ⁵³ Arawumanura, azingirako impuzu yera, na ushira mumva yimbwe mubitandara vya mabuye itarahambwamweo numwe. ⁵⁴ Hari umusi wu kwitegura. Isabato igira ishike. ⁵⁵ Abagore, baribavanye nabo kuva Galilaya, baramukurikira, na babona imva ni kungene umubili wiwe wadyamichwe. ⁵⁶ Basubira inyuma tatangura kutegura ibimotaneza na mavua atamirana, kandi kwi sabato bararuhuka nkuko vyagezwe.