¹ Alababwile akalolelo kuntu ashakigwa kusenga imisi yosi, na ntimbi hebule. ² Alavuga, "Haliho hakimu mumji fulani, ntiyafinya imana na ntiyumbaha ambantu. ³ Haliho ipfakzi mwijiji idyo nawe yalamugile keshi, avuga, "Nufashe kulonka uchile ulumbaza luinki za umwasi waje. ⁴ Kumwanya mulemule ntiyatali kumufasha, aliko hanyuma yumwanya alavuga munitima wiwe. Kubela ikijewe nkatinya imana au kumbaha umuntu. ⁵ Aliko uyu mupfakazi alangola ndamufasha alonke ulunibanza gwiwe ntaze andushe kunzila uwanya kumwanya. ⁶ Umwami alavuga, uviliza vyoyavuze ivyo hakimu ni sawa. ⁷ Kadi imana ilochila ulumbaza ambakizwabwiwe mbamu ililila umutaga ni jolo? kadi ntalamba umuvimulivu iwambo. ⁸ Ndambabwila yuko alochila ulumbanza gwambo goloshe aliko mwanya mwana wa Adam halozila, kadi? Ulamba nichizelo kwiyisi. ⁹ Niho yambabwila akalolelo aka hanyuma ya mbantu balimbona mbene jene kumba ni mbene bihaki nikutumbaha abantu mbandi. ¹⁰ Ambantu mbabili balanduze kugenda kwikanisa kusenga; yumwe umufalisayo uyundi umutoza ushulu. ¹¹ Falisayo alahangalala asegele imbintu mbili hejulu yinse wenenyene, "Imana ndaishimila kubela jewe sintambantu mbandi niko alambakanyi, imbigamba, amba sambanyi, au ntuyu mutoza ushulu. ¹² Funga kambili mwiwiki ndatanga ikigila chumi mumbintu vyose ndanta. ¹³ Aliko yudya atoza ubushulu, alahagalala kulete niyashombeye kukiliza amaso yiwe mwijulu akubita akatuntu kiwe avuga. Mana ganyila jewe wivyaha. ¹⁴ Ndambabwila umuntu uyu alasumbiye muhila yahaluliwe ihaki kusumbayudya yundi, kukubela wulonyenyekea alokululuchwa, aliko kila muntu anyenyekea alotelugwa. ¹⁵ Abantu mbalamuzaniya ambana mbombo mbayoya kugila ashobole kumbafatako, aliko ambanafunzi bwiwe mbamumbonye ambo mbali yuvila. ¹⁶ Aliko Yesu alambabwila, "Nimumbaleke ambana mbato mbaze kwangewala ntimubabuze ubwami bwi mana ni bwabwantu ntambo. ¹⁷ Mwemele, ndambabwila, umuntu wewesi atakila ubwami bwimana ntumana nu mbuhakika ntalokwijila. ¹⁸ Umulogozi yumwe alamuboza, avuga, mwalimu mwiza, nkoli iki kugila ndagwe umbuzima bwimisi yosi. ¹⁹ Yesu alamubwila kumbele iki unyita mwiza? Ntamuntu alimwiza ila imana yenta. ²⁰ Ulimbaza amri-ntusabane, ntiwiche, ntiwimbe, ntiwemeze ububeshi, wumbahe sowawe na yokowawe" ²¹ Yudya mtawala alavuga, "Imbintu imbi vyose ndalabifashe kuva ntilumu sole. ²² Yesu yuvishije ivyo alamubwila, "Upungukiwe ijambo limwe. Nilazima unguze vyose vyufishe na umbagambile ambakene, nawe ulomba ninazina mwijulu hanyuma uze, ukwilikile. ²³ Aliko umufajili yuvishije ivyo, yalababaye chane, kukubela yalumutajili chane. ²⁴ Hanyuma Yesu alamumbona kuntu ya mbabaye chane alavuga, "Elenga bila goye kombavyishi kombijila mubwami bwi mana. ²⁵ Kukubela mbiloloshe chane ingami kuchila mukitombolo gulushinge, kuliko tajili yigile mubwami bwimana. ^{26 27} Badya mbuvishije ayo, balavuga, nindo none aloshombola kulokoka? Yesu alishula, "Imbintu mbitashomboka kumwana umuntu kumana mbilishomboka. ²⁸ Petro alavuga, "Naam twenge twaleche kilakintu natwakwili kiye wewe. ²⁹ Yesu alamubwila, mwemebe ndambawila ntamuntu yasize inzu, au umugole au mbene wambo, au ambavyeyi au ambana, kukubela ubwami bwimbana. ³⁰ Wutalokwakila vyishi chane kwiyisi iyi, kubela isi gulaza, nuumbuzima bwimisi yosi. ³¹ Hanyuma yokukosanya badya chumi na mbabili, alamubwila, "Lemba, tululiye kugenda yelusalemu, nibintu vyose ivyandichwe na bavugishwa kuvyelekeye umwana wa Adamu bilosohozwa. ³² Kukubela aloshigwa mumamboko yambantu mbanahanga alokolegwa nikushinya guligwa ni kuetewezwa ni kumuchwilako amate. ³³ Hanyuma yokukumbitwa inkoni alowichwa ni misi zitatu azozuka. ³⁴ Ntimbamenye imbitu imbi, ni jambo ili dyalidyanyengegwe iwambo, ntimbamenya imbintu ivyavuzwe. ³⁵ Yesu alimo alosohola yeliko, umuntu yumwe yahumye aliyikaye hofi yibirabala amasega umusaada. ³⁶ Yurishije ambantu beshi mbachaho alambaza nibiki mbitokeye. ³⁷ Balamubwila yuko Yesu munazaleti amalachano. ³⁸ Nuko yudya yahumye alalila kwisauti, avuga, "Yesu, mwana wa Daudi nunganyile. ³⁹ Badya batabula balamubuza vyo yahumye, bamubwila anume aliko wene anguna alalila kwi sauti, "Mwana wa Daudi nganyila. ⁴⁰ Yesu alahangalala alambabwila umuntu yudya mumuzane kwange, hanyuma nyudya yahumye agamba amusoholeka Yesu alamumbaza. ⁴¹ Ushaka ndakukolele iki? Alavuga, "Mwami, shaka kumbona. ⁴² Yesu alamubwila, "Ulonke, kumbona ichizelo chawe kilakukijije. ⁴³ Mala iyo alonta kumbona, alamukwilikila Yesu amuhezagila imana bambonye lino ambantu bose balashimila imana.