¹ Niho Festo yingiye mwidyo jimbo hanyuma yi siku zi tatu yavuye Kaisaria agenda Yelusalemu. ² Askofu mukulu na bayahudi bahambaye bazanye amashtaka hejuru ya Paulo kwa Festo. ³ Bamusaba Festo kugila neza hejuru yivya Paulo kugila amutumeko Yelusalemu bamwibundile bamwichile munzila. ⁴ Aliko Festo yishuye yuko Paulo yalumufugwa Kaisaria, yuko awene nyene azoshubila hiyo ni ngoga. ⁵ Yavuze, "None lelo badya bashoboye, boshobola kugenda na twebwe nimba hali ikintu kibi kuyu muntu, mushakigwa kumushitaka." ⁶ Amaze kwikala na bene amasiku munani chanke chumi, asubila Kaisaria. Isiku ya kulikiye yikala kukitebe cho kuhukumu ategeka bamuzane kwiwe Paulo. ⁷ Asohoye, Abayahudi kuva Yerusalemu bahagalala hofi, bavuga amashtaka menshi galemeye nago batabonye. ⁸ Paulo alitetea avuga, haba kwizina dya Bayahudi, haba kulili kanisa no kuli Kaisari ndakoze bibi! ⁹ Aliko Festo yashaka kwikundiliza kubayahudi, kulidyo yishula Paulo avuga, mbe ushaka kugenda Yelusalemu kuchiligwa ulubanza nange kwayo majambo? ¹⁰ Paulo alavuga, ndahagaze imbele yikitebe chihukumu cha Kaisaria aho shakigwa kuhukumiwa, ntakibi ndakoleye abayahudi nkiko wewe umenya neza. ¹¹ Nimba ndalakoze ikibi choshakigwa yuko nakwichwa, sindanka kupfa. Aliko nimba vyobashitaka ataliko bimeze ntamuntu ashobola kubampa. Ndasavye Kaisaria. ¹² Festo amaze kuganila nabaje kulubanza alishula, "Useze kaisari, uzogenda kwa Kaisari." ¹³ Hahoye amasiku, Umwami Agripa na Bernike basohoye kaisaria kula mucha Festo. ¹⁴ Bamaze kwikala ngaho isiku nyinki, Festo yalasohoje ikesi ya Paulo ku mwami, avuga umuntu yumwe yasizwe ngaha na Feliki alumufugwa. ¹⁵ Hondali Yelusalemu ama kuhani bakulu na bazehe babayahudi balanye amashtaka hejuru yuyu muntu kwange, nabo bala bajije kondo muchila ulubanza. ¹⁶ Kulili nange ndalabishuye yuko sakamenyele kuba Roma kutanga umuntu kubupendeleo ahubwo wugegwa ashakigwa kuba nu mwanya wokubalana naba mushitaki no kwiteteya kuvyo bamutuhumu. ¹⁷ None ahobaza bose hamwe ngaha sinda tevye ulusiku gwa kulikiye nikaye kukitebe chihukumu ntegeka yuko uyo muntu bamuzana munzu. ¹⁸ Mukihe abamushitaka bahagala bamushitaka ndiyumvila ntamashitaka manini gali kuliwene. ¹⁹ Ahubwo bahaliye na wene vyelekeye idini yabo na Yesu yali yalafpuye aliko Paulo akavuga yuko ali muzima. ²⁰ Ndalinda nyegejwe kungene ndobaza ili jambo, ndamubaza yuko yoja Yelusalemu kuhukumiwa kulibi bintu. ²¹ Aliko Paulo bamuhamagaye ashigwe hasi yubulinzi umamuzi yu mwami, nategeche alindwe mpaka ahonzo mutwala kwa Kaisari. ²² Agripa yabwiye Festo, "Ndashaka nange kumwumviliza uyu muntu" Festo, alavuga "Kyibucha ulo mwumviliza." ²³ Bukeye bwaho, Agripa na Bernike basohola ni chuba hilo kinini, Basohoye mubukumbi na bahofisa babana jeshi, nabakulu bo mulugo muji, Festo atanze itegeko, Paulo balamuzane kwabo. ²⁴ Festo alavuga, "Mwami Agrapa, nabantu bose mulingaha hamwe natwe, mula mubona uyu muntu, ikanisa yose ya Bayahudi hiyo Yelusalemu no ngaha kandi bansavye ndabafashe batela ugwamo kwange ngo ntakwiye kubaho. ²⁵ Ndabonye yuko atakoze chochose chotuma yichwa; Aliko kubela Umwami ya muhamagaye nachiye ndamuzana kwiwe. ²⁶ Aliko sifishe kintu kibonekana no kuvandika ku mwami kubela icho ntamuzanye kwawe, hasa kuli wewe mwami Agripa, kugila mbe ni kintu cho kwandika kuliyi kesi. ²⁷ Kubela mbona ntacho bimaze kutwala umufugwa utelekanye amashtaka ashitakiwa.