¹ Hoyasohola umusi wa ipentekoste, bose balihamwe mwisehemu imwe. ² Ikitulubuka haza ikihinda kuva mwijulu ikuhuhula umuyaga gukaze guzuza izu yose balimo bikaye. ³ Aho zilababonekela indimi nti ndimi za zumulilo zagabanyiche, zaka hejulu yabo kila mwumwe wabo. ⁴ Bene bose buzuzwa numutima mwelanda na babanza kuvuga kwilugha zindi nuko kudya mtima wabujuje kuvuga. ⁵ Ubu hadya baliho abayahudi baliha dyambamba iyelusalemu, boleka Imana kuva kila kihugu hasi yijulu. ⁶ Kuhinda kuvikaye ikikundi cha bantuliza hamwe na kifishe iwasiwasi kukubela kila muntu yalabuvishije bavuga mululimi gwiwe wene yene. ⁷ Balumiwe ni kutagala, mbene mabvuga kweli aba bose bavuga sibo abagalilaya? ⁸ Kubela iki twebwe tubuva, kila mumwe kubela indimi zotwavuche na zene? ⁹ Waparthia na wamedi na waelamu, na badya mbamba mesopotamia, abayahudi na Kapadokia na kukubela ponto na Asia. ¹⁰ Kubela Frigia, Pamfilia kubela mislini biche vya libya ni kilenena bageyi kuva Rumi. ¹¹ Abayahudi na waongofu, waklete na balaa haba tulabuva bavuze kubela indimi zachu vyelekeye ikazi zubushozi bwi mana. ¹² Bose balumigwa balazazanigwa balavugana bene kuli bene ibi ni biki. ¹³ Aliko abandi balabane bavuga "Aba bujujwe bubolegwa muvino mushasha." ¹⁴ Aliko Petro alahagalala hamwe na badya chumi numwe, aladuza ijwi alababwila, abantu, bi Yudea na bose muba hano Yerusalemu, iyi imenyekane iwanyu, mwuvilize kubwitozi amajambo yaye. ¹⁵ Abantu aba ntibabolewe ntiko mwiyumvila kubela isaha izi ni zumu kitondo isaha zitatu. ¹⁶ Aliko ili dya vuzwe kuchila mumuvugishwa Yoeli. ¹⁷ Iloba kubela imisi ya nyuma, Imana yavuze ndosesa umutima wange kubantu bose, abana banyu na bakobwa banyu balotanga ubuvugishwa abasole banyu balotanga chobiyumvila na bazehe banyu balatanga indoto. ¹⁸ Bidya bidya hejulu ya bakozi baje na bakozi baje babakobwa kubela imisi izo, ndosesa umitima waje, nambo balotabili. ¹⁹ Ndokwile kana ibigelagezo hejulu mwijulu nibimeyesho hasi mwisi, amalaso umulilo, ni kufyuduka kumwochi. ²⁰ Ni zumba lizohidugwa kuba umwijima nu kwezi kuba amalaso hatalaze uwo musi mukulu ni yi bigelagezo vyu mwami. ²¹ Iloba yuko kila muntu alolihama gala dyu mwami alolokola. ²² Abantu bi izilaeli, mwuvilize majambo aya. Yesu winazaleti umwana wumuntu uwemelewe nimana ku bikogwa ni kushobola ni bigelagezo, ibitangaza kutwamiza mubimegati yanyu nuko mwebwe nyene niko mumenya. ²³ Kubela imipango mwishakiye kuva ubwabele amahanga yi mana, yalakuweho, na bichanyi ni kumwicha. ²⁴ Aliko Imana yalamteluje, alabukulaho ubuchafu bwu lupfu gwiwe, kukubela ntivyashoboche wene kumugu mya. ²⁵ Uyo Daudi yalavuze kuvyelekenye wene, ndala mbonye umwami imisi yose imbele ya maso yaje, wene ali mukuboko kwaje kubudyo nivyo mbasi aindokwigizwayo. ²⁶ Nicho kutuma umutima waje gwali gufishe umunezelo nu lulinii gwaje gwali lunezelewe yuko umubili waje gulabaho kubela ubushobozi. ²⁷ Nulouleka umutima waje gugede mukuzimu kadi ntulole kula umwelanda wawe abone kubola. ²⁸ Wewe walamumenyesheje kwage inzila ubuzima ulokola nduzule umunezelo imbele ya maso yawe. ²⁹ Bene wachu ndoshobola kuvuga iwanyu kubushobozi kuvyelekeye daha wachu Daudi wene yalapfuye na balamuzika ni kabuli dyiwe lilihamwe natwe nunyu musi. ³⁰ Nuko yalumu vugishwana yalamenya kuba Imana yalalahiye ni kulahila kwiwe, yuko alomushila umwe kubela uluvyalo gwiwe kukitembe chubwami. ³¹ Yabonye ili kale ni kuvuga kuvyelekeye kuzuka kwa Klisto kadi ntiyakusize ukuzimu umubili gwiwe ntigwaboze. ³² Uyu Yesu Imana yalamuzuye, nuko twenge bose tulivyabona. ³³ Nuko amaze kutelugwa mukuboko ku budyo kwimana abaye ayakiye ihadi yu mtima mwelanda kuva kwadaha wene yalamwizeye iyi ni ahadi yuko mwebwe mubona ni kumpfa. ³⁴ Kubela iki Daudi ataguluche kugenda mwijulu alika alavuga umwami alavuga umwami. ³⁵ Ikala mukuboko kwonge kubudyo maka hondokola abasi bawe ikitembe kibe cha magulu yawe. ³⁶ Ni kwiyo izu yosi yi Isilaeli na muimenye kubuhakika yuko Imana yakoze wene kuba umwami na Klisto uyu yesu umwe mwabamba. ³⁷ Ubu baluvishije ivyo, balatuligwa kubela imitima yabo, balamubwila Petro numuvugishwa yundi "Bwene wachu tulokale iki?" ³⁸ Na Petro alababwila, "Mtubu na mubatizwe, kila yumwe wanyu kubela izina dya Yesu Klisto kukubela ikigogwe ikigogwe chivyaha vyanyu, na mlokwakila akashimwe kumtima mwelanda. ³⁹ Kubela iwanyu ni kubana banyu kwa badya bose bali kule, abantu beshikwi kadili yumwami Imana yachu aliko ilohamagala. ⁴⁰ Kumajambo meshi yala shuhidiye kwiginga yalavuzemwikize muve muluvyalo yulu lumbi. ⁴¹ Nhio bakila amajambo yiwe ni kuba tizwa aho balogezeka kubela umusi uyo nuko imitima elfu tatu. ⁴² Balagenda mnyigisho yi ntumwa ni kufashanya, kukubela kuumanyula umkate ni kubela amaombi. ⁴³ Kutinya kulaza hejulu yu mtima ni bigelagezo vyishi ni mbimenyesho bikogwa kuchila untumwa. ⁴⁴ Bose bizeye bali hamwe ni kuba ni bintu vyabo hamwe. ⁴⁵ Ndababaza ibintu ni miliki zabo kugabanya kwa bose kungana nihitaji dya kila mumwe. ⁴⁶ Kadi umusi hanyuma yumusi balagiye bafishe ilengo limwe kubela ikanisa na balamanyuye umkate badya banya kanisa kudya kumunezelo ni kwitonda kumtima. ⁴⁷ Bala shimiye Imana ni kuba nikita bulisho na bantu bose. Umwami ya labogoyeje umusi kumusi niko baguma balokoka.