¹ Ryolo enjagha agano lya mbele lyale na hantu ha ghorou oho Duniani na ngendelu jya Ghorou . ² Kwa halya hale ghorou shumba ighagharwe , shumba kya kaane kyaterwe hantu haseri . Na hantu oho hale na kinara kya Taa , meza na mikate jya wonyesho. ³ Na suha ya Pazia lya kabele hale hale na shumba kinge , hatyarwe hantu haseri lyonse muno. ⁴ Kwale madhahabu jwa Goro kwe kuyukizia ufumba , enjagha kwale sanduku lya agano , bobulya lyagharerigwe/ lyabokirwe na goro yoka . Kwa ndane kwale nabakuri ya goro lile na mana , msengi jwa Haruni jwa merere manyeka na jilya jya mabwe jya Agano . ⁵ Egolo ya Sanduku lya agano(mambo) maseraji ja buseri jasubukerya mabaswa jobo mbele ya horiga ya bwojania , bobulya kwa ryolo bobyo tutimune ehikya ekalagela kwa Muno. ⁶ Baada ya binto bibi ekola byasira eandaliwa mbaghorowa kuonse eshala shumba kya kaane kya hema ehumya huduma jyobo. ⁷ Ale mughorowa mkolo ashalaga shumba kilya kya kabele weka kila limwe kwa Mwaka na elegekolwa ehaba ehumya dhabihu kwa bulya yehe kibehe na kwa Ng'adaba jya bantu baghaire elegeghagharya. ⁸ Nkolo nseri eshuhudia bulya kondo ya hantu hanseri kwekola bando lityandi higolwa hema lya mbele bando ndemire. ⁹ Keke ni kielelezo kya Mugero jojo jya ryolo. byonse ni zawadi na dhabihu bobulya bihumigatwe ryolo atihiketye esuberya dhamiri ya olya ehelate. ¹⁰ Ni mbosho na binywaji byoka biunishirigwe kwa Taratibu ghorou jye esebya . Byonse bibi byale taratibu jya mbele jya subire eandaliwa mbaka jije amuri jya mbya jilya jile eghagha hantu hehe. ¹¹ Kristo ajire kola Mghorowa mkolo wa makalaga jajaregu olya njajire . Kwe pitia bukolo na bukamilifu bwa hema nkolo bobulya ityandi ghaigwa na miboko jya bantu bobulya ti jya nseno ighairigwe . ¹² Yale tiyo ndaghami ya mbori na ghorou ila kwa ndaghami yehe weke bulya Kristo ashare hantu hasari muno limwe kwa kila omwe na etuha kilaishrya buhonokya bweto bwa Kala na kala. ¹³ Kola kwa ndaghami ya mbori na Mafahari na etekwa ebu ebu ebu lya ghajau katika bobyo bati baseri batengirwe kwa Mugwe na eghajya mibele jyobo jisere, ¹⁴ Ale timuno lyonse ndaghami ya Kristo bolya etirya nkolo ya kala na kala ehumirie woka bila mawaa kwa Mugwe esabia dhamiri jyeto eboka makala mafu etumikiela Mugwe ale majyiegi? ¹⁵ Kwa bulya eyyo , Kristo ni Mjumbe wa agano lya mbya. Eno nyo bulya lokyo lwa bahaba kuholo bonse balya ba agano lya mbele eboka kwe esidagia ya ng'adaba jyiobo . Bo bulya bonse babugerwe na Mugwe bahikie ehebwa bugabi bwobo bwa kala na kala . ¹⁶ Akola ng'ale agano litolaga ndazima n liraberigwe kwa lokyo lwa monto ulya aghairye. ¹⁷ Bulya agano likolatwe na nguru hantu kwa huma lokyio kwa bulya hati nguruwaq mugero kwaghairigwew atole . ¹⁸ Ryolo enjagha ti agano lya mbele lyagiterwe kwelege ekolwa wa ndaghami. ¹⁹ Lilya Musa ahumirie kila butomwa bwa sheria kwa bantu bonse , atorire ndaghami ya mbori na ng'ombe , enjagha na mai, kitambaya kitune na Hisopo na ebetetela gombo lyoka na bantu bonse . ²⁰ Asika akabuga , "Eno ni ndaghami ya Agano bobulya Mugwe abaha amuri kwenyu." ²¹ Enjagha hale eyo eyo aetire ndaghami hema egolo na biombo byonse bilya bya tumiirwe kwehudumia bwekorani. ²² Na elingana na sheria karibia na binto byonse bya sabirigwe kwa ndaghami . Bila eta ndaghami hati esamehwa. ²³ Kwa bibyo yale ndazima na kala jya binto jwa Kwegolo ndazima bisabigwe kwa dhabihu eyo yabanyama . Enjagha lee , binto bya Kwegolo bienyewe biale bieye sabigwa kwa dhabihu injaregu muno. ²⁴ Kwekola Kristo atiandi eshala hantu haseri muno haghairigwew na miboko olya ni nakala ya kinto kine anamuna yehe ashararire kwegolo kyoka hantu halya ryolo ale ni bushone bwa Mugwe kwa ajili yeto. ²⁵ Atiati eshala kulya kwa ajili yehumya Sadaka kwa ajili yahekilangara kwa bulya aghayagya mwekorani Mkolo olya ashalaga hantu haseri muno kilemelo mamuna ya kilemela hamwe na ndaghami ya unge, ²⁶ Akola lelyo lyale ndyasaba , basi lilyale ndasoma kwehe eteswa mara janeni faida eboka mbele ya Nseeno. Ale ryolo ni mara enwe eboka hadi Mwisho jwa ghamela bilia esubire ejekerya ng'adaba kwa dhabihu yehe weka. ²⁷ Bulia kwale kila montro ekya mara emwe na baada ye eyo ejagahukomi, ²⁸ Mbyo bobio Kristo nene ahumirigwe limwe ejohumya kwa magusudi jeghareria ng'adaba , kola erasheri kwa baliya bambeta kwa saburi.