¹ Kwa bulya sheria ni gheru ya makalaga jajregu jalya jojate, tii jaliya jogonye . sheri imunehikya ekamilisha balya bale basungurate Mugwe kwa nkondo ya Gerou jilya jilya bale Bekorani bendeleire ehumya kilemela na kilemla . ² Anga bulya buge goro jijyo jiyageuzegwa ekoma ehumigwa? kwa Kigezo kekio baehelete, basabigwe limwe , batile bakolwa na emanya muno baa ng'adaba . ³ Kola kwa ghorou jijyo hale etereriya bwa ng'adaba jilya jighirigwe kileme na kilemela . ⁴ Kwekola bitimene ghwasa kwa ndaghami jya ndaghami na mbori ekeriya ng'adaba . ⁵ Geroo Kristo ajire nseeno , abugire, mtyandi ekonda matoleo joonsee jee haribwa naga dhabihu mamuna yehee, Mwandaeere mbele kwa ajili yawa . ⁶ Mtyandi ekolwa na Thamani kwa matoleo joonse jee gharighariya naga dhabihu kwa ajili ya ng'adaba. ⁷ Ahika kabuga , "Bana, ohoo naghaya bujaregu bwaa, Mugwe bulya byandekirwe bubugire nie kwa gombo." ⁸ Abugire kola bulya habugerwe ayo egolo: "Atyandi mtumaini dhabihu, Matoleo naga sadaka jya gharaghararigwa kwa ajili ya ng'adaba, muhabe ebana eghamela ndane yehe" dhabibu jilya jahumirigwe ebokana na sheria . ⁹ Mbyo akabuga , "Bana , dohoo eghaya bujaregu bwayo." Aghaghare mbale karero jilya jile jya suhaa ebuga egharerya jilya kabele. ¹⁰ Kwa karero ya kabele . tusubire ekeregwa ne eaholwa Mugwe kwa Makondwa jihee eletiya ejikeriya kwa mbele jwa Yesu Kristo limwe Kwa ngero jionse. ¹¹ Nsaba kila Mwekorani emaga kwa makalaga jaa bwekorani nkya kwa nkya , ahumatiye grou elya eliya bolya kwa bionse , hamwe tyimehikya ejiekeriya ng'adaba. ¹² Ale bulya Kristo ahumire ghorou yehee limwe kwa ng'adaba kala na kala yoonse, aniterye kuboko kwa buliyo kwa Mugwe, ¹³ Akabetela malumaghadi jihee gitelwe nsee neghigwa horiga kwa ajili ya Magholo jehee. ¹⁴ Kwekola kwa nkondo ya humya limwe na bakamilishire kala na kala baliya bale bategitrwe kwa Mugwe . ¹⁵ Na nkolo Mseri naketumanyereriya kweto. kwe kola lya kwanza abugere, ¹⁶ "Lele ni agano likeghaya hamwe na boo baada ya kilya jijyo, abugire Mwegeri, kegitele sheria jyiawa nkolo nane jyobo, na kadeka kwa bughara bwobo". ¹⁷ Ahika akabuga , "Batimune tirya linge ng'adaba na eghaya lyobo libeju." ¹⁸ Riolo hantu ohoo na msamaha kwa babaa hati linge dhabihu yonsee kwa ajili ya Ng'adaba . ¹⁹ Kwa byo , mondogo , tule bughaba bweshala hantu haseri muno kwa ndaghami jya Yesu. ²⁰ Haibyo ni nkondo ya mbele juhee, Juambiya na buseriye eletiya kwa Pazia . ²¹ Kwekola tule Mwekorani mkolo egolo lya nyumba ya Mugwe . ²² Tumusungurei kwa nkolo ya saba kwa utimilifu bwa uhakika bwa edekerya tukolwe na Nkolo seeri ebokana ehonoka bwa Dhamiri na ekolwa mibele yeto nisabirigwe kwa Mai jaseri. ²³ Basi ngo tudabe kwa nguru kaka mda bano lya bughoome bwa Tumaini lieto , bila yeguka kwa bulya mugwe ahidire Mugwanu. ²⁴ Tugere ezidi etafakari mamuna bulya tuke ehejana nkolo nane kwa omwe akonde na makalalaga jajaregu. ²⁵ Tuhabe ehaba emogana hamwe , kola bulya baaghayagiya bange. mamuna yehee ehajana nkolo nane kila omwe lionsee bulya mbanate kya jibasungura. ²⁶ Bulya tughayagya n makusudi endelea eghaya ng'adaba mamuna yekola tubonde elimu ya sabaa, Dhabihu inge ya ng'adaba itimunetigwa linge. ²⁷ Mamuna yehe, gale matarajiyo joka jaa esidagia ja etishai na ukali bwa moki bolya bugesuba malumagadi baa mugwe. ²⁸ Woonse alegire sheria ya Musa akijaga hati Rehema mbushone bwa Ushuhuda mashahidi baa mabele anga badatu. ²⁹ Kiwango kee kya dhabihu ugerate kimstalite kila omwe olya na saralirwe Mwana wa Mugwe woonse aghairiye ndaghami jya agano bolya kwabibagitere Wakifu kwa Mugwe woonse balya arumere Nkolo ya bujaregu? ³⁰ Kwekola tuje omwe olya ambugere, "Lubialo lwawa, nigeriba" , na lenge, 'Mwegeri nagebasidagia bantu behee". ³¹ Ne ekalaga lya kuogopeha hale monto egwa nse kwa miboko jya Mugwe olya serie! ³² Namuna yaekumbuka kya jilya hetire baada egitelwa kwenyu nadabiye, boo Mwahikire ebiberia mineko dolo. ³³ Mwagiterwe hashee kwa dhihaka yekolana netirirwa , na Mwakorwe mdabanate hamwe na balya bahetire matirirwa kola jajyo. ³⁴ Kwekola mwale na nkolo ya marero kwa babyo bale baabohowa, na mwabapokere kweghamela njooko jya bugabi bwenyu , manyate ebuga enye bene mwale na bugabi bweregu na bwetola kala . ³⁵ Kwa bibyo mhabe eta bughomi bwenyu bulya bwale zawadi nkoloo. ³⁶ Kwekola mkondate , ebuga mbane eheebwa kilya Mugwe ababiere, mamuna ya kola msubire eghaya bukondwa jehee. ³⁷ Kwekola baada ya hantu hariri , omwe ajate , nakeja hakika atikondwe. jieto. ³⁸ Monto wawa wa sabaa naketola kwa edekerya. akala nakejoka suhaa timuneeghamerigwa nuwo". ³⁹ Ale eshee tutikama balya bajoka suhaa kwesira ale ehee eshee ni balya tule na edekerya ya yezidi kolo