¹ Bahene, vakhololwangu shendevi kishilila Umtwa. Nisikiwaga uwusumbufu kivayandishila khanji amajowo gagala. Aga amajowo gakhavapela uusalama. ² Mkhalaje kutali ni mbwa. Khalikutali na vasenga nsengo vavi. Khalikutali na vala vini vikiitema amavili ³ ganave.Kwa kiva ose ndio tohara. Ose ndio tikimwabudu Unguluvi kwa kusaidilwa nu Roho. Tikiyihara kishilila u Kristo Yesu, na vini tisina uukhangafu mu mvili. ⁴ Hata ndeno, kwa kuve na munu wa kuuhuvilila umuvili ugu, one nda nawesa kigaha ndeno mandu. ⁵ Kwani natahiliwagwa ulusiku lwa utai, nasawagwa mu khabila la Vaisaeli. Ni kwa khabila lya Benjamini. ni Mwebrania wa Vaebrania. Kishilila kiitimisa isheria ya Musa, nikhandi, ku Farisayo. ⁶ Kwa juhudi sangu nalilafyaga Ilitembe. Kwa kuipulisa ihaki ya sheria, nikhandi nsina ilawama shisheria. ⁷ Lakini kwa majowo gana nagagaga kija ga faida kunyangu one, nagavasaga ngaja ushafu kwa sababu ya kumumanya Ukristo. ⁸ Kwa kweli nikigavasa amajowo gona kwa hasara kwa sababu ya unofu wa kumumanya u Kristo Yesu Umtwa wangu. Kwa ajili yakwe nagalekha amajowo goona, nikigavasa ngaja ushafu ili nimpate u Kristo. ⁹ na niwoneshe mukhati yakwe. Nsina ihaki yangu yune kihuma mu sheria, ila ninayo ihaki yila yini yipatikhana kwa lihuvi kushilila Ukristo, yini yihuma kwa Nguluvi, umwene ndiyo msingi mulihuvi. ¹⁰ Ino nisakula kumumanya umwene ni ngufu ya ufufuwo wakwe na ushirikha wa malawo gakwe. Nisakula kusetulwa nu Kristo kwa mfano wa mfwa yakwe, ¹¹ angalau niwese kiva na mahivilila kishilila uufufuwo wa vini vafwile. ¹² Siyo kweli kija tayari nagapata amajowo ago, au kija nava mkhamilifu ku ago. Ila nikhasana ili niwese kipata shila sini niwesa kushipata kisahilila u Kristo Yesu. ¹³ Vakhololwangu, nisiyelewa kija tayari nagapata amajowo aga. Ila nisenga ilijowo limo: nisamwa gapamwaandi nikigalelela ga pamwandi. ¹⁴ Nikhasana kifishila amalengo kwa kusudi ili nipate isawadi juu ya uushemelo wa Nguluvi kishilila Ukristo Yesu. ¹⁵ Wona vini tiukulile ukulusaji, tisakunsiwa kihiva inamna iyi. Na nda yumonga akhahiva kwa namna ya tofauti kihusu ulujowo lolona, Unguluvi khanji akhaligubutula ilyo kunyenyu. ¹⁶ Hata ndeno, ihatua ifishile na kilutana mu mtindo ugo. ¹⁷ Vakholo lwangu, nileleleli one, Valeleli kwa unofu vala vini vijenda kwa mfano ngaja ose. ¹⁸ Vinji vinivikhala ni vala vini mara nyinji nivajovele, na isalisi nikivajovela kwa manyosi - vinji vikhala ngaja maadui wa msalaba gwa Kristo. ¹⁹ Umwisho gwanave ni unangaji. kwa kiva Unguluvi wanave yu utumbo, ni shidada shanave shili munsoni yanave. Vihivilila amajowo ga pa dunia. ²⁰ Ila uuraiya wesu uli kushanya, kwini tikimuhivilila umukulusaji wesu u Yesu Kristo. ²¹ Akhabadilisa amavili gesu amabofu kiva ngaja umuvili gwakwe gwa wutukufu; kwa uwesa wuwula winiukimusaidila kufisibiti ifinu fyona.