¹ Nda kuve kuna kuyinulwa inumbula kushilila Ukristo. Nda kuve kuna faraja kihuma mu ugani wakwe. Nda kuve kuna ushirika wa Roho. Nda kuve kuna rehema nulusungu. ² Ikhamilisaji ulushendefu lwangu kwa kuyitikhana papamo mwiva nu ugani wumo, mwiva vamo kushilila inumbula, na kiva ni kusudi lya pamo. ³ Msikhasengaga kwa ubinafsi na kuihala. Ila kwa kinyenyekela nda muvaje avanji kija vanofu kishila omwe. ⁴ Shila mumonga wenyu asikhalelelaga tu amahitaji gakwe binafsi, ila khanji ahive amahitaji ga vanji ⁵ Muve ni nia ngaja yini anayo u kristo yesu. ⁶ lakini umwene ni sawa nu Nguluvi. Lakini asikhahivile kiva sawa nu Nguluvi ni shinu shakukhatana nasho. ⁷ Badala yakwe, waiyisaga yu mwene. Watolaga iliumbo lya mtumishi. Waihumyaga kwa mfano gwa mwanadamu. Wawonekhaga mwanadamu. ⁸ Umwene wainyenyekesaga na kiva mtii mpakha mufwa, ifwa ya msalaba. ⁹ Ndenu basi Unguluvi wamtukusaga sana. Wampelaga ilitawa ilikhome lini lishila shila litawa. ¹⁰ Wagahaga ndeno ili kija kishilila ilitawa lya Yesu shila lifugamilo sharti limugondamile. Amafugamilo ga vini valikushanya na vini vali pashanya ya nyii na pansi ya nyii. ¹¹ Na wagahaga ndeno ili kija shila lumili sharti ulogole kija u Yesu Kristo yu Mtwa, kwa wutukufu wa Nguluvi Wihesu. ¹² Lino bas,i vagani vangu ngaja shini mtii insiku sona, si tu kwa uwepo wangu lakini isalisi ni saidi mandu hata bila uwepo wangu, wajibikhaji uukulusaji wenyu yu we kwa kitila na kitetema. ¹³ Kwa kiva Unguluvi mwini isenga insengo kunyenyu ili kivasaidila kihiva na kisenga amajowo gala gini gikimpendesa umwene. ¹⁴ Senji amajowo gona bila malalamikho wala kidalikhana. ¹⁵ Gahi ndeno ili kija msikhalalamishilwagwa na vana va Nguluvi waaminifu vini vasina ilawama. Gahi ndeno ili kija muve tala ya dunia, ku shisasi sha unansi na mavi. ¹⁶ Khati sana iliswi lya usimailim kija nive ni sababu ya kuitikusa insiku ya Kristo. Khanji niyelewe kija nisikhatovile ulusigo bure wala nisikhalavile bure. ¹⁷ Lakini hata kama niyaminilwa ngaja sadakha pashanya ya sabihu ni huduma ya lihuvi lyenyu, nishendeva, na nishendeva pamo nomwe wona. ¹⁸ Shishila na yumwe khanji mushendeva, na mshendeva papamo na yune. ¹⁹ Lakini nihivilila kushilila Umutwa u Yesu kumufilikha u Timotheo kunyanyu luhavi lwa kholela, ili kija niwese kuyinulwa inumbula pini nikhamanya amajowo genyu. ²⁰ Kwa kiva nsina yumonga mwini ana mahiva ngaja gakwe, mwini anamahiva ga kweli kwa ajili yenyu. ²¹ Avamonga woona vini ningavafilikha kunyenyu visakula amajowo ga vavene tu, na sio amajowo ga Yesu Kristo. ²² Lakini muimenye ithamani yakwe, kwa kiva ngaja umwanishe pini ikimusunga uwihe, ndio shini wasenga pamo none mu mola. ²³ Kwa hiyo nihivilila kumufilikha nyangu pini nikhamanya shishi shikapolela kunyangu. ²⁴ Lakini nina uhakika kishilila Umtwa kija one yune khanji nikhayinsa luhavi lwa nkolela. ²⁵ Lakini nihiva ni muhimu kumtiniya kunyenyu u Epafraditi. Umwene yu kholo lwangu na msenga nsengo muyangu na asikhari muyangu, mujumbe na mtumishi wenyu kwa ajili ya mahitaji gangu. ²⁶ Kwa kiva akhandi itila na akhandi idobokha kiva nomwe woona, kwa kiva mwapulikhaga kija akhandi mutamu. ²⁷ Maana kweli akhandi mutamu mandu nusu ya kifwa. Lakini Unguluvi wamuwonelaga lusungu, na uwema uwo usikhandi kunyakwe tu, lakini pia ukhandi kunyangu, ili kija nisikhavesaga nulusungu juu ya lusungu. ²⁸ Kwa hiyo nikimtiniya kunyenyu nyangu shini yiwesekhana, Ili kija pini ambimukumwaga khanji mpate kushendeva na yune ambi niva nawusiva u wasi wasi. ²⁹ Mkhalibisi u Epafradito kwa kishilila Umtwa kwa lushendefu lona. Vakhalibisaji avanu ngaja mwene. ³⁰ Kwa kiva yikhandi kwa ajili ya nsengo ya Kristo kija akhandikholela kifwa. Wakulusaga amakhalo gakwe ili kinikulusa one na wasenga shila shini mkhandi msiwesa kusenga katika kinihudumila one kija mkhandi kutali none.