¹ Lelo oupatanshi halinaho ou Muyahudi? Nantele eifaida yeitahiliwe yeenuu? ² Shinza sana hwidala. Hweiga gonti, Ayahudi bha hambilila ouwunyoubholeilo afume hwa Ngouloubhei. ³ Eshi, ebhabhe wiele nkashele bhamo bhamo sagabhali no winza huje asinte hweteshele hwabhene hubhalenganye owinza wa Ngolobhe aje mbibhi? ⁴ Ha aa. Nantele hwakwe, leshe Ongolobhe abhoneshe aje lyoli hatankashile kila mtu ali ni lenga. Afume shayahali yasimbwilwe, "Huja awezye abhoneshe aje omwene alinehaki hunongwa zyaho, aje owezye ashi dane potoha hulonzi." ⁵ Nantele nkashile obhibhi wetu ulanga elyoli ya Ngolobhe, tiyanje yenu? Ongolobhe saga mwalangani pafumya ilyoyo lyakwe, huje ali esho? Eyanga alengane ne nongwa ezya bhantu. ⁶ Ha aa! Shabha wele Ongolobhe aiilonga esi? ⁷ Nantele nkashile lyoli eya Ngolobhe ashilile hwile ga lyane efumya esombo zinyiji hwa mwene, yenu nkashele esele elongwa nashi yali nembibhi? ⁸ Yenu tisiyanje, aje bhatandile wena nashi abhaje bhabhabhoneha aje bhayanga, "Tibhombe ebibhi ili aminza genze"? Olonzi hubhene we lyoli. ⁹ Yeenu eishii? Tilamba tibhene? Nemo kabisa. Hwa huje atei tayali tibhandiiye Ayahudi na Yunani bhoti peeka, aje bhali pansi yei mbibhi. ¹⁰ Eili nashi salisimbwilwe: "Noumo yali nei haki hata oumo. ¹¹ Nomo omtu yali ahwelewa. Nomo omtu gahamwanza Ongolobhe. ¹² Bhoti bhagalushe. Bhene hwa bhoti bhali sebhane maana. Nomo yabhomba aminza, la, hata omo. ¹³ Amakhalo gabho nkonywayeli nyazi. Emele zyabho zikhopelwe. Esumu eyenzoha eli mmalomu gabho. ¹⁴ Amalomu gabho gamemile oyejelo no bhawe. ¹⁵ Amanama gabho gashebela ahwite edanda. ¹⁶ Onankanye na mayemba gahweli ashilile mwidala lyabho. ¹⁷ Abhatu ebha sagabhali menye idala ilinza. ¹⁸ Sagabhali nowaga wo Ngolobhe hwitagalila lye maso gawo." ¹⁹ Eeshi limenyu huje hahonti edajizyo naziyanga eyangana bhala bhabhali pasi pendajizyo. Eshi hubhe shila lilomu limimanywe, nantele huje esi yoti eweze aajibishe hwa Ngolobhe. ²⁰ Eshi huje nagumo obele ngwa gwa bhaziwa lyoli hu mbombo eye ndajizyo hwitangalila hu maso gawe. Hwa huje ashele ne endajizyo zihwenza enjele ezebibhi. ²¹ Huje eshi bila yendajizyo, ehaki ya Ngolobhe emanyisho. Eyajilwe hudajizyo ezyakuva, ²² eyo haki ya Ngolobhe, ashele enyinza ezwa Yesu Kilisiti hwa bhala bhoti bhabha humweteha. Mana nemo tofauti. ²³ Hwa huje bhoti mbile embibhi napongoshelwe na tutumu wa Ngolobhe. ²⁴ Bhabhaziwe ehaki eyewene huwene wakwe huje hwidala elye fwozi wali ashilile Kilisiti oYesu. ²⁵ Huje nantele Ongolobhe afumizye oKilisiti oYesu abhe patanyi hwidala elinza ashele hu danda yakwe. Afumizye oKilisiti abhe shahidi owe haki yakwe huje azileshe owehaki yakwe huje azileshe embibhi zyazishelelile ²⁶ aje ajimbizye hwakwe. Ega gonti gafumiye alolosye ehaki yakwe husiku ezyeshi eli lyali aje bhahwibheshe pazelu yoyo abhe haki, na lanje aje hubhazizye elyoli omtu yayoti hu nyinza shelele oYesu. ²⁷ Huli hwi ahwisavye? Hubagulwe humusingi gwalihuu? Omusingi gwe mbombo? Adii, eshi omusingi ogwe nyinza. ²⁸ Eshi timalezya aje omtu abhaziwa elyoli hu nyiza pase pali nembombo ezye ndajizyo. ²⁹ Aje Oungouloubhei huje Ngouloubhei wa Yahudi bhene? Eishi oumwene saga Ngouloubheiwa bhantu bheinsi bhope? Eina, bheinsi bhaputa bhope. ³⁰ Nkashile lyoli Oungouloubhei ali oumo, aibha bhazizya eilyoli bha bhali bhetohala einyinza, nabhaseibhatahilwe hwidala eilyei nyinza. ³¹ Aje atei tigalulanya eindajizyo huwutendanu ndali eishingunga eisheigo, atei tizibheisheile pazelu eindajizyo.