¹ Nantele saga ouhwiwuzizye, awe woulonga eishi hwagala goulonga ouwenje ahwibheshele mnyobho munyabho mwene. Huje awe woulonga oubhomba einongwa zizila. ² Nantele timeinye huje ouwulonzi ouwa Ngouloubhei weilyoli hwa bhaala bhabha bhomba aminza gabho. ³ Eshi awe sebha eli wolongo bhala bhabha bhomba enongwa nashi ezye nawe obhomba embombo zyezyo. Eshi obhohwiyefwe hulonzi wa Ngolobhe? ⁴ Huje osebha hashesana huwiji we winza wakwe, akhabhile humayemba gakwe naji mbizye hwakwe? Eshi saga omenye aje owinza wakwe uhwanzi wa hulanganyizye hu ndambo? ⁵ Nantele shohweli okhome wemwoyo gwaho ogaje lole edambo ohibhishela wewe eshanga eshemayemba hwisikulila elyemaye mba, nantele, isiku lila elye kwinkule owelenzi owelyoli wa Ngolobhe. ⁶ Omwene aihuposhezya kila mtu eshipimilo eshalengane ne mbombo zyakwe: ⁷ hwa bhala bhabhali lyoli hu mbombo enyinza nanganyishe bhaibhapela owomi wewilawila. ⁸ Nantele hwabhala bhali bhene, bhaseyogopa elyoli nantele bhayogopa ezuluma, ilyoyo nekuni ehali ehainya. ⁹ Ongolobhe aitaleta etabu na malabha hu kila nafusi zya bhatu yabhombila amabhibhi, hwa Muyahudi owahwande no Muyunani nantele. ¹⁰ Eishi einsombo, neinshinshi nou winza waihweinza kwa shila muntu yabhomba einyinza, hwa Muyahudi hwande na hwa Muyunani nantele. ¹¹ Huje nahumo apendelele hwa Ngouloubhei. ¹² Huje nashi abhinji bhabhawulila paseipali nei neindajizyo bhanzateje pasepali neindajizyo, nantele nashi abhinji bhabhatulile alengane neindajizyo bhailongwa hu hundajizyo. ¹³ Huje sebhahovwa edajizyo bhali nelyoli hwitagalila lwa Ngolobhe, nantele bhabhala bhabhaibhomba edajizyo bhaibhaziwa hu haki. ¹⁴ Huje abhatu bhase Bhaputa bhaseli nedajizyo, bhabhomba hushikalilo embombo ezye ndajizyo zyabho, bhagalushe ndajizyo humoyo gabho, nantele abhene sagabhali nedajizyo. ¹⁵ Hweli balolesya aje embombo zyazi hwanziwa hu mijibu owe ndajizyo zisimbwilwe muhati mmoyo gabho. Ezamili zyabho zisumula aje, ne jele zyabho bhibho aje bhashitakiwa au zibhalinda abhene bhebho ¹⁶ nantele hwa Ngolobhe. Ega gafumila hwi siku elya Ongolobhe paizilonga esili ezya bhatu bhoti, sawasawa nedombelelo zyane, hwi tawa elya Yesu Kilisiti. ¹⁷ Tiyanje aje ohwikwizya wewe Muyahudi, yakheye yu dajizyo, shima ahwisombe hwa Ngolobhe, ¹⁸ manya ogane wakwe, na genye gala gase gabhalilana nago, baada yala jiziwenendajizyo. ¹⁹ Eshi tiyanye aje olijivi wewe hu mwenee olilongozi wabhasebhalola apazelu hwabhala bhabahli hukisi, ²⁰ yasahihiswa alema, omwalimu wabhana nahuje oliyo huje edajizyo ezyemanyizu awe lyoli. ²¹ Awe basi, wuhugajila aweje, sahwimanyizya wewe? Wulombelela aje mugaje hwibhe awe sohwibha? ²² Awe oiga, muganjebhebhegu? Awe, wovitwa eshilolesyo eshi, ohwibha mwi kanisa? ²³ Awe wohwisovya hu ndajizyo, eshi sokenyensyewa na Ngolobhe huje onagenye endajizyo? ²⁴ Hwa huje "itawa elya Ngolobhe likenyesewa hwa bhatu bhasebhaputa ashile hulimwe," nashisesibwilwe. ²⁵ Awe atahilwe lyoli shinza nkoyogope edajizyo nantele nkashile awe oligalugalu wedajizyo, atahilwe hwaho hubhaje sotahiliwe. ²⁶ Eshi, nkashele, omtu yasagatahilwe ahwendelela akhate amazu age dajizyo, eshi asintetahiliwe kwakwe sehwaiye jelwa huje atahiliwe? ²⁷ Wope yasatahiliwe hushikulilo sagadahulonje nkashele abhatimizye edajizyo? Ene hwa huje olinesimbo zyazisimbwilwe ne tohala huje osele ali galuhani hudajizyo! ²⁸ Nantele oumwene saga Muyahudi yali huhali eiya hwonze; hubhe hutahilwe sagahwahula wahuli hwahwonze wene hu hubeilei. ²⁹ Nantele oumwene Muyahudi yalimuhati, nei tohala eiyaha mwoyo, hu finjile. Saga hunsimbo eisombo eizya muntu ouweisho sagafumila hwa bhatu gafuma hwa Ngouloubhei.