¹ Kila nafsi naibhe nahwishe hwa bhabhali pamwanya, hwahuje noumo ouwahweimeileile hwahuje eifumile hwa Ngouloubhei. Ne mamlaka zyezihweli zibhehwelwe nou Ngouloubhei. ² Hwola waikhana eimamlaka eiyo akhana ndapizyo zya Ngouloubhei; na bhaala bhabhayikhana bhenza poshele ouloungwi humwanya yabho bheibho. ³ Hwa huje alongozi sebhatisizya hwabhala bhabhabhomba aminza, huje hwabhala bhabhabhomba embibhi. Huje oziliha kutohwogope abhe mamlaka? Bhombaga gagali miza, na bhenze huntufyee hwego. ⁴ Hwa huje ulitumwa wa Ngolobhe waho hwaajili yemiza. Nkashile obhabhombe gagali mabhibhi, ogopa; hwa huje sagabeba ipanga bila sababu. Hwa huje ulitumwa wa Ngolobhe, owalipe eshisasi hwikuni humwanya yola wabhomba embibhi. ⁵ Hwe lyo ohwaziwa ahwiyishe, sehwisababu yekuni, huje nahwe sababu yesebho. ⁶ Hwaajili yega olipa ekodi. Hwa huje bhebhali ne mamlaka bhatumwa bha Ngolobhe, ebho bhabha hwedelesha abhombe embombo ene. ⁷ Bhapeli kila omo hala habhadayi: nkakodi hwu kodi; nkaushuli hwaziwa ushulu; nkawoga uwaziwa waaga; nkanshinshi ehwaziwa nshinshi. ⁸ Mgajedaiwe no mutu ahantu hohoti, hahahwaziwa oluganano mwemwe hwa mwemwe. Hwa huje olawagene oparamani wakwe amalile ikalata. ⁹ Hwa huje, "Sagaobhabhombe umalaya, sagaobhagoje, sagaobhahwibhe, sagaobhazilishe," na kashile ehweli endajizo eyamwabho yope, emanyishe ashilile eli: "Obhahugane oparamani waho nashi wewe umwene." ¹⁰ OLugano sagabhibhi hwa paramani hwa muntu. Hwelyo ulugano malishilo hwe nkalata. ¹¹ Hwu sababu yeli, mmenye uwakati, huje hufishile wakati wafume muntulo. Huje olokole wetu ufishile papepe nu wakati wula owelweteshelo olwewandilo. ¹² Nusiku hwendeleye, nusanya upalamiye. Tibheshe ashenje amadala agenkisi, tikwate esilaha ezye lukhozyo. ¹³ Natibhalaje shinza shinza, nashi mlukhozyo saganashi eishikulukulu eishei mbibhi nashi akholwe. Natigajebhale humbibhi nashi azilishe saga ugawezya aimale, nashi ashilile ouwivu nei jeila. ¹⁴ Huje tikwate Ou gosi ou Yesu Kilisti, natiganje bheishe idala ashilile oubeilei, hunzilisyo zyakwe.