¹ Ou Paulo, outumwa ouwa Yesu Kilisiti, yakwiziwe abhe tumwa, nabagulwe hu ndoumbeileilo eizya Ngouloubhei. ² Einei yayeila eindoumbeileilo ya yiyanjile huhale ashilile hwakuwe bhakwe hunsimbo einzya Ngouloubhei. ³ Huje Oumwana wakwe, yapeipwe afume hushikholo sha Daudi hwidala lyeibeilei. ⁴ Oumwene atangaziwe aje Mwana wa Ngouloubhei hunguvu Oufinjile oumwinza hu zyouho eizyabhafwe, ou Yesu ou Kilisiti Ougosi weetu. ⁵ Ashilile oumwene tambilile eimpyana nouwutume eizyeshishi enyinza hwabhala bhasebha puta bhoti hwitawa lyakwe. ⁶ Huje bhasebhaputa eibha, namwe nantele mukwiziwe abhe bha Yesu Kilisiti. ⁷ Ebaluwa ene eli hwa bhantu bhonti bhabhali hu Lumi, aganwe no Ngolobhe, bhakwiziwe abhe wene ewene ebhehulimwe. Nowiza afume ha Ngolobhe Obaba wetu Ogosi oYesu Kilisiti. ⁸ Nantele, eihusalifwa Oungouloubhei wanei ashilile ouYesu Kilisiti hulimwe mweti hubhe ouwinza wenyu, einongwa ziyangwa einsi yonti. ⁹ Nantele Oungouloubhei shaidi wane, wehubhombela hu mwoyo gwane hu ndoumbeileilo zya Mwana wakwe shei dela abhasumule. ¹⁰ Nantele eilabha huje eimpuuto zyane aje hwidala lyalyoti eimanye oumalishilo wakwe abhe naminji eishi hulugano oulwa Ngouloubhei ahweinze hwenyu. ¹¹ Nantele esongwa abhalole, nkembapele nashi amwenyubha bhonti endole syo ezyefijili emanye abhakhazyeshinza. ¹² Yani, ehwenyezye azizwe omwoyo mwenti namwe hunyiza ezya weka owetu, agenyu nagalini. ¹³ Eshi mwaholo, sagehwanza mukose amanye aje, hinji ede njela ahwenze hulimwi, lakini ezijilwe nantele eshi ananzaga aje mubhenama dondolo hulimwena shisehweli hwa bhantu bha sebhaputa. ¹⁴ Edaiwa na Yunani na jenyi nantele, na sovunalema. ¹⁵ Huje hulini, ane endihani ayanje endombelelo hulimwe mwali hu Loma. ¹⁶ Nantele saga enzilolela esoni edombelelo huje uwezo wa Ngolobhe wauta owaule hwa yayoti yahweteha, ha Muyahudi kwanza na kwa Muyunani nantele. ¹⁷ Nantele enyiza zyazyonti ezya Ngolobhe zibhoneshe afume hunyinza nenyiza, "Owenyiza adela hunyiza." ¹⁸ Nantele ilyoyo elya Ngolobhe lilipazelu afume humwanya humbibhi ba bhibhi woti owatu, waufisa eyoli. ¹⁹ Ene huje goti gagali gabho neha hwa Ngolobhe galipazelu hwa bhena huje Ongolobhe abha lanjile. ²⁰ Huje enongwa zyakwe ziganje abhoneshe shinza gali pazelu ahwande sayabhombwelwe esi. Gabhonehana ashilile huvitu huvitu vyavibhombwelwe. Enongwa ezi zili hunguvu zyakwe ezye siku zyoti asili eyeshi ngolobhe. Afume hwakwe, abhutu ebha sagabhaulwe. ²¹ Ene huje, hata bhamenye huje Ongolobhe, subhatutumuye aje Ngolobhe, nantele sagabhapiye ensalifyo. Nantele aje bhali bhapambafu ashele husebho zyabho, na moyo gabho ageshilema gali mukisi. ²² Bhahwibhushele aje bhasovu, nantele bha bhalema. ²³ Bhagalu zenye otuntu musu wa Ngolobhe asagali mamabhibhi nashi hushifwani esha bhantu bhabhali nembibhi, nashi enyonyi ehanu zyazili namagaya gane evya mwabho evibhombe vyavijendala evyanda. ²⁴ Nantele Ongolobhi abhaleshile bhalondole idala elwe nyonyo zya moyo gabho hu chafu, humbele yabho hu gakenyesya hwa mwabho. ²⁵ Bhebho bhaigaluzenye elyoli ya Ngolobhe abhelilenga. Lyabhaliputanga navi tumishile elanganyo bhaleshile Yabhombi, yasombwa esikuzyonti. Amina. ²⁶ Nantele eshi, Ongolobhe abhaleshile bhalondole enyonyo zyabho ezye nsoni, hwahubhe abhashe bhabho bhagalulenye amabhombelo gabho ageshikulilo gala gagaloleha shinguga neshikulile. ²⁷ Bhope, alume nantele bhaleshile embumbelo ezyeshi kulilo hwa bhashe nabhene nyonyo zyabho bhene. Ebha bhali bhalume bhabha bhombile nalume amwabho gaseganaziwaga, na bhabha hambilila evisyo zyazya hanzilwe humbibhi zyabho. ²⁸ Nantele bhakhanile abhe no Ngolobhe hunjele zyabho, abhale shila bhale hunjele zyabho, hwanziwa azibhombele embombo zila zyasezi hwanziwa. ²⁹ Bhameimile eimbibhi bhoti, oubhibhi, nei nyonyo nou bhibhi. Bhameimile eijeila, ougouji, ibho, akhopele na huseibhele eimbibhi. ³⁰ Bhope nantele bhanalibho, abhomezi, nahuvitwe Oungouloubhei. Bhali na vulungu, neishi buli, nahwivune. Abhene bhahwanza amabhibhi bhase bhaneshishi hwayise bhabho. ³¹ Abhene sagabhali neinjele; bhaseibha humweiteishe, seibhali noulugano agei shikulilo sagabhali neinsajilo. ³² Bhahweilewa eikanuni eizya Ngouloubhi, nantele aje abhatu bhabhomba nashi eigo bhahwanziwa afwe nantele saga bhabhomba eigo. Abhene bhahweiteihana na bhaala bhabha bhomba eimbombo eizyo.