¹ Juu ya Moabu, Yahwe uwasikari, Ungulubhi uwa Israeli, ayanga ishi, "Ole hu Nembo, maana uli syimu. Kiriathaimu utekwilye na kenye nsizye. Ingome zyakwe bhazigwisizye na kenye ndhewe. ² Iheshima ya Moabu nimo nantele abhibhi bhakwe kati Heshboni bhaphanjile injamaa izya humwangamizye. Bhayanjile, 'Inzaji tubhangamiye nishi itaifa. Madmena yope inza wangamile - ipangalintangulila.' ³ Ntejelezyi! Isauti iyi lyobho iwinza afume Horonaimu. ⁴ Moabu ayanga mile. Ihoro zya bhana bhakwe vimanyiha. ⁵ Bhanzubha ahagamba ha Luhithi bhalila, idala lyundi abhale Horonaimu, iholo zimanyiha. ⁶ Nyilaji! okola amaisha ginyu nishi idundi lya letaji kati yi nyika. ⁷ Maana hu sababu yi matumaini lyinyu ishi mbombo nu tajili winyu, namwe pya munzayekwe. Ishi kemoshi anzawe gwe kati yabhatekwe, palushimo na adimi narongozi bhakwe. ⁸ Maana uwananganya afiha shila mji nagumo umji ugwaguwokolewe. Isho ibonde linza wa ngamile nitambalale inzangamile, nishi payanjile uYahwe. ⁹ Mpeli Moabu amagala, maana lazima alushe uhutali bila wasiwasi. Amiji gakwe nanzabhe manzila yumba, oasa pali nu mudtu uwakhala umwo. ¹⁰ Na alaniwe shila uwabha mworo kati ya bhombe imbombo ya Yahwe! Na alaniwe uwa lipinga ipanga lyakwe linganda awinte idanda! ¹¹ Moabu ali awiyuvha shinza awade pahali awenza. Umwene kama nishi ihobwa ayasa bha miminile afume musayi abhale musayi ulyinji. Hagabhalile humateka. Isho anone wakwe winza nishi huwandilo; anone wakwe sahu badiliha. ¹² Isho enya, insiku ziwinza - ayanga uYahwe - pihaitwalila abhanza hutobhele nawite amisayi gakwe gunti nabanzule amasai gakwe. ¹³ Ishi Moabu anzahukenyele Kemoshi nishi huje inyumba ya Israeli ishi hake nyile Betheli, urusubhilo. ¹⁴ Unzawezye bhuli ayanje, 'Tuli bhasikari, bhakhomane abhi nguvu'? ¹⁵ Moabu inzawangamiziwe na miji gakwe ashambuliwe. Maana asahala bhakwe abhinza bhishile kati yi eneo ilya winsinzilo. Ili litamuko lya falme! U Yahwe u wasikari ilyalyali tawa lyakwe. ¹⁶ Awangamile wa Moabu gabhela; ufyebhundigana. ¹⁷ Amwe mwinti mwali pipe na Moabu, nzondaji. Namwe mwa mmanya ufahali wakwe, khomaji ibwago ishi, 'Ole, usanzo ulyiguvu heshima, ibundulye.' ¹⁸ Ihaji afume mahali pinyu pi heshima na khale kati yi ndhi inyumu, awe lindu ubhukhala Dihoni. Maana uwangamizya ga Moabu ahushambulila, uwabhaszinanganye ingome zyaho. ¹⁹ Imilili mwidala na wenye, amwe mwa muyishila kati Aroeri. Bhabhuzyi abhabha nyila natoroshe. Yanga, 'Henu hafumile?' ²⁰ Moabu akenyile, maana abudulye lilaji hu sauti nu chungu; kholaji iholo alabhe usada. Bhabhulaji abhandtu abhali mushinji yi soho Arinoni huje Moabu ayangamile. ²¹ Basi uwangamile hufishile kati yindhi iyi hagamba, uwo Holoni, Yakza, na Mefethi, ²² uwo Diboni, Nebo na Bethi Dilbathaimu, ²³ uwo Kiriatahaimu, Beth Gamul, na Bethi Meoni, ²⁴ uwo Keriothi na Bozra, nakati yi miji gudti agawele kati yi ndhi Moabu - miji agagawile uhutali napepe. ²⁵ Iguvu zya Moabu zimalishe; ukhono gwakwe bhabudule - ayanga uYahwe. ²⁶ Mwelezyi, maana abhombi wi ngosi shi ngunga shane, Yahwe. Basi Moabu akhoma amakofi nagavisye humatapisi gakwe yuyo, isho ali gadtu hasesye. ²⁷ Maana Israeli haga ali hantu hasesye huliwe? Abhonishe miongoni mwabhibha huje uhayinzizye itwe lyaho wa mwene mara puhayanjile juu yamwene? ²⁸ Witenji na miji na bheshe ikambe kati umwa mwinushe, amwi mu bhandu bha Moabu. Abhe ni shi injibha uwabhubhatila pamwanya iyi lyango yilina kati yi miamba. ²⁹ Tuvhizye ishi buri sha Moabu - amajivuno gakwe, amaringo, ishiburi, awitufye binafsi nawizuvhe hu mwoyo. ³⁰ Hili ni tamuko lya Yahwe - ane nene iminye amaneno gakwe ukani, agasaga wavha hahundi, nishi imbo gakwe. ³¹ Isho inza vumisye anzonde kwajili ya Moabu, ihainzonda kwajili bhandu bha Kir Hereshi. ³² Ihalila sana kwa ajili yinyu kuliko ishi ha bhombile wa Yazeri, umuzabibu ugwa Sibma! Amasamba gaho gashizinye kati dhumbe iyi mwonyi nafishe hata Yazeri. Mwaribu ayobhile amadundu ginyu igilusanya nu muzabibu gwinyu. ³³ Isho shalehe na mojele wefezi we afume makwi ingimi dundu ni dhi ya Moabu. Ikhominye ihobwa afume mashinikizo gabho. Sabhaikhanya wilyobho izi furaha. Ilyobho lya lyundti salyundi ilya mojele. ³⁴ Afue wi lyobho ubho Heshiboni hata afishe Eleale, isauti yabho imanyiha hata Yahazi, efume Soari hata Horonaimu na Eglathi Shelishiya, hata amenze ga Nimrimu gamele. ³⁵ Maana ihaikomesya shila mundtu kati Moabu ufumya ivilyene mahali yi pamwanya nalunguluzye uvumba hu mangulubhi gakwe - ayanga uYahwe. ³⁶ Isho umwoyo gwane guhunzonda Moabu nishi zomari. Umwoyo gwane gunzonda nishi zomari kwa ajili ya bhandtu bha Kir Helesi. Utajili uwa bhajile bhumalishe. ³⁷ Maana shila litwe linishi pala nashila shilevu shisyengulye. Insale zili shila khono, amenda gima gunila masana gabho. ³⁸ Anzonde huli shila mahali, pamwanya pashila bhaigala iyi nyumba ya Moabu na kati yi manado ga Moabu. Maana ibudule Moabu nishi insonta iyisiwanziwa nantele - ayanga uYahwe. ³⁹ Shili bhuli unanganyiziwe! Jisi shabhahu khoma ilyobho kati ya nzonde wabho! Moabu angaluzinye hu nsoni! Isho Moabu anzabhehandu hasewe nabhogofye wabhundti abha hu zyungula." ⁴⁰ Maana uYahwe ayanga ishi, "Enya, ubhibhi ayinza aruha nishi tai, pawenezya amagala gakwe juu Moabu. ⁴¹ Keriothi utekwilye, na zigome zyakwe zikhetwe. Maana isiku ilyo muyoyo ya asikari wa Moabu ihayibhashi amoyo nishi agabhashi kati yi uchungu ulya wifungule. ⁴² Isho Moabu ayi nanganyiziwa nishi abhandtu, pipo wawivuna shinnsyonga nane, Yahwe. ⁴³ Hofu ni lina, ni tego vihuwinzela, abhadtu Moabu - ayanga uYahwe. ⁴⁴ Shila uwanyila hu sababu yi hofu ayigwa mwilina, na shila uwa fuma mwilina anza wonzye nitego, maana ihayigaleta iga juu yabho kati yi mwaha ugwa fusye wane juu yabho - ayanga uYahwe. ⁴⁵ Abhayila bhayima kati yi nzunda yi Heshboni bila yinguvu, maana umwoto gunza fume Heshboni, umwonga afume pahati Sihoni. Ubhalunguluzye isheni ishi maso wa Moabu na juu yi matwe gabhandtu abha wivuna. ⁴⁶ Ole waho, Moabu! abhandtu bha Kemoshi bhangamiziwe, Maana abhana bhaho bhabhejile nishi amateka nalindu bhaho bhabhatekile. ⁴⁷ Lelo ihayizibhuzya insiku inyinza izya Moabu kati yi nsiku izyazi winza nkhosi - ayanga uYahwe." Ulonzi uwa Moabu imalishila ipa.