¹ Amwei, bhaholo ougolosu abhantu bhabhakwiziwe bhahumwanya, sebhaji ouYesu, outumwa nou puuti ougosi ouwahuposhele weetu. ² Aligoolosi hwa Ngolobhe wasalulilwe, nashi ou Musa aligoulousu nantele na mwibhanza na munyumba ya Ngouloubhe. ³ Peipo ou Yesu abhaziwe huje heshima Gousi ashile yeili hwa Musa, hwahuje oula wazenga einyumba abhaziwa abhe neinshinshi eingousi ashile einyumba eiyoo. ⁴ Shila nyumba eizengwa noumuntu fulani oula waizenga kilahatu you Ngouloubhei. ⁵ Lyoli ou Musa aligoulousu nashi outumwa munyumba younti eiya Ngouloubhei, afumya ouluseimeshizyo ahusu gaiyanga einsiku zyeizi hweza. ⁶ Ouyo ou Klisti mwana wahwenye einyumba ya Ngouloubhei atei tilinyumba yakwe. Nkashile tibhakhatilile katibhadigane na daaje shiza adaajee. ⁷ Hwahuje nashi Oumpepo Oufinjile sayanga sanyounou nkamubhahouvwe izwi lyakwe, ⁸ ougaje oubheishe oumwoyo gwaho abhe khome nashi Izilaeli sabhabhombile eimbibhi nashi eisala eila yeinajelwagwa hwisengo. ⁹ Ougu gwali muda gwa ayise bhenyu pabhabhombile edimbibhi sababu yanjele, noumuda, gweinsiku zila alobaini, wagalole amadala ganei. ¹⁰ Nanei seinasougweilwe eimpapo eilaa. Nayanjile, 'Bhatega wilawila mumoyo gabho na sigabhameinye amadala ganei. ¹¹ Nashishila sanalapile hwikuni lyanei sagabhaihwinjila mulusoubheizyo lwanei." ¹² Mwenyaje, bhaholo, ousije mugabha noumwoyo oubhibhi gwaseigupousheila oumo wenyu, oumwoyo gwegwa ibhala hutali nanei nei Ngouloubhei wali nouwoumi. ¹³ Eimbalabha mukoumbousanye wilawila kila muntu muwamwabho ili kila lisiku lyamukwizya wa lelo mzilihaje huje ouwamwetu oumo asibhe khome hwilenga eilyei mbibhi. ¹⁴ Hwahuje atei tilibhana bhakristi katibhakhatane tenti neinguvu afumile huwandilo hadi hu mwisho. ¹⁵ Hweli einjajile sanyounou nkamutejezye izu lyanei muganje bheshe amoyo genyu makhome, nashi abha Izilaeli sabhabhombile eimbibhi. ¹⁶ Bhaananu bhamwovwezye Ou Ngolobhe nahulesha sagabhali bhabhala ou Musa abhalogozyaga afume hu Misri? ¹⁷ Na bhaananu Ou Ngouloubhei abhavitilwe humaha arobaini? Seihwali pandwemo nabhaala bhabhabhombile eimbibhi, bhaala amabeilei gabho gafwiye nagone hula hujangwani? ¹⁸ Bhaananu bhabhalapiye Ou Ngolobhe huje saga bheinzahwinjile muwinza wakwe nkashile seibhabhaala bhasagabhapousheiye? ¹⁹ Tilola huje sagabhajiye awinjile muwinza wakwe sagabhapousheiye.