¹ Eishi hwahuje tibheshe hwitazi tee hugaala gatovwezye ili tisahakhale hutali nago. ² Nkashe einongwa zyayangwilwe na antumi zyei lyoli, na shila likosa nouwubhibhi guposhela einsombo, ³ taiwezya weile apone nkashe seiti wulenganya ouwooziwa ou Ogosi? Ouwoziwa ambao ahwande watangaziwe nou Gousi gwa hakikisiwe hulite na bhala bhabhahonvwezye. ⁴ Ou Ngouloubhe pia ahakikisizye humbonesyo na mayele na humbombo eingosi nyinji nyinji, na humpeisya zya Mpepo oufinje zyazigabhenye aleingane na songwe hwakwe youyo. ⁵ Ou Ngouloubhe saga abhashele einsi yeihwenza, ambayo tiyanga habari zyakwe, pansi ya antumi. ⁶ Lelo oumuntu oumo oumo ashuhudiye humohumo aje, "Oumuntu weenu, hata awenzye ahukoumboushe? Au oumwana wa muntu, hata ousounje? ⁷ Oumuntu aje doodo ashile antumi; oukwatizizye eitaji yei oumwamu neinshishi. (Khatililaga einongwa na oubheshe pamwanya yei mbombo yaho na pamakhono gaho. "Na gamo mumputo zyaho zyei hale.) ⁸ Obheshele kila hantu pansi pamagaga gaho." Oungouloubhei abheisheile kila hantu pansi ya muntu. Sagaahaleshile ahantu hahonti ambaho na hamo pansi yakwe. Ila eisalezi eishi seitilola bado kila hantu hali yakwe. ⁹ Ata sheishi, tilola sheihwabhombeishe huu muda, pansi shile antumi ou Yesu, ambaye nantele mayeimao gakwe neinfwa yakwe akwatiziwe itaji yei woumi nei nshishi. Eisho humpyana ya Ngouloubhei, Ou Yesu abhonjile einfwa sababu ye kila muntu. ¹⁰ Yali sawa aje Oungolobhe, kila hantu hali sababu yakwe oumwene, akhondeye abhalete abhana abhinji huwoumi, na huje ahanziwaga ahubhombe longozi hu woziwa wa aje ukamilishe ashilile amayeimba gakwe. ¹¹ Afuatanaje bhonti bhabheilei oula wabheiha ha pashipuuto na bhaala bhabhabhehwa pashipuuto hwa Ngouloubhei saglola einsoni abhakwizye bhaholo. ¹² Aiga, ambayanje itawa lyaho hwaholo bhanei, eimbatele muhati yei mpouga." ¹³ Nantele ayiga, "Eimbahweiteisheile ashilile hwa mwene." Nantele, "Ouyenye, eipa eindi na bhana Oungouloubhei bhampiye." ¹⁴ Eishi, peipo abhana bha Ngouloubhei bhonti bhashiriki oubeilei ni-idanda, wope ou Yesu ashilikile eivintu vyavila ili ashilile einfwa apate anyong'onyezye oula wali na mamlaka ahusu einfwa, ambayo you seetano. ¹⁵ Einei yali eisho ili abhabheshe sawa bhaala bhonti bhabhashiliye einjento yei yeinfwa bhakhalaga oulwizyo lwabho lyonti huwutumwa. ¹⁶ Lyoli siga you ntumi wabhavwa. Lelo, eihavwa eimpapo ya Abrahamu. ¹⁷ Eishi,ahanziwaga huje abhei nashi aholo bhakwe huma-dala gounti,huje nkabhe you diimi ougousi wali nei eipyana nouwugoulousu huvintu vya Ngouloubhei,na huje abhe ni-ikhone lyasajile hu mbibhi zya bhantu. ¹⁸ Afuatanaje Ou Yesu youyo ayeimbeile, najelwe ouwezo wa abhabhavwe bhala bhabhajeelwa.