¹ O Yoabu abhozya, "Enya, omwene alila na humwombolezezye oAbsalomu." ² Esho isiku lila oumene wagalushe malombolezyo hwi jeshi lyonti, afuatanajej ijeshi lya homvwehwa eyangwa isiku elyo, "Omwene omwene ahwombolezya kwa ajili ya mwana wakwe." ³ Isiku elyo asikari bhahinjiye hu mjini anyemelele kimya nanshi abhantu bhabhalola ega baada ya shembele ibho. ⁴ Omwene ahakwinshila amaso gakwe nalile hu sauti, "Mwanawane Absalomu, Absalomu, mwana wane, mwana wane!" ⁵ Ndipo oYoabu ahinjila mhati hwa mwene na hubhozye, "Sanyono agakenyensezye amoso ga bhabhafyozezye olwizyo lwaho, sanyono olwizo lwa bhana bhabho na bhale bhaho, olwizyo lwa bhashe bhaho, ⁶ no lwizyo lwa hawala bhaho, afuatane naje obhagene bhabhahuvitwa nabhagane bhabhagene. Sanyono obhonesezye aje amaakida na sikari sehahohuliwe. Emanya esalezi aje na mwaha oAbsalomu agasagaliye nate tenti handatafwiye hwelyo selyanzaga hu faraisye. ⁷ Esalezi basi, bhoha na obhale ayanje no sikari waho huu pole, kwani ehulapizya hwa Ngolobhe, nkashe sobhabhale nomo omuntu hata weka wanza sagale nawe osiku ou. Na ene ebhabhe mbibhi tee huliwe ashile amadhara gagonti gagawaile ahumwaje ahwande husahala waho." ⁸ Esho omwene abhoshele na khale pa ndyango gwe mji, abhantu bhonto bhabhozewe, "Enyaji, omwene akheye pandiango." Ndipo abhantu bhonti bhahenza hwitazi lya mwene. Lakini, Abheisraeli bhashembeye shila muntu akhaya yakwe. ⁹ Abhantu bhahojilana bhaebho hu bhebho mhati ye jamaa zyonti zye Israeli aje, "Omwene atifyozezye mmakhono ga bhibhi bhetu. Atifozezye mmakhono ga Filisti lakini esalezi asihembeye yenu ensi hwitazi lya Absalomu. ¹⁰ Na oAbsalomu wataponyizye amafuta pamwanya yetu afwiye hwibho. Eshi yeenu setiyanga pamwanya ahuwezezye omwene nantele?" ¹¹ Omwene oDaudi atumile hwa Sadoki na hwa Biathari odimi ayanje, "Yaanji na gogolo bhe Yuda aje, Yeenu amwe muli bha mwisho ahuwezye omwene hu kasili yakwe nantele afuatanaje enjango ya bhe Israeli bhonti bhahumwanza omwene awele hu kasri yakwe? ¹² Namwe bhaholo bhane, obele na mafupa gane. Yeenu basi mli bha mwisho ahuwezye omwene?' ¹³ Bhozi oAmasa, 'Aje awesoli bele na mafupa gane? Ongolobhe ambambole esho na puluhanye nante nkashe saganzabhe jemedari wi jeshi lyane ahwande esalezi na pamande apantu pa Yoabu. ¹⁴ Wope ahamene amoyo gonti ge bhe Yuda nanshi omuntu omo, hata bhahatuma hwa mwene ayanje, "Wela esalezi na bhantu bhaho bhonti." ¹⁵ Shesho omwene awela nawo ahenza hu Yordani. Na bhantu bhonti bha Yuda bhahenza hu Gilgali abhale ahulaki omwene aje ahulobhosye omwene pamwanya ye Yordani. ¹⁶ O Shimei omwana wa Gera, Benjamini, afume hu Bahuriimu, ahadigana ahwishe pandwemo na bhantu bhe Yuda ili ahulaki omwene oDaudi. ¹⁷ Hwali na bhantu elfu moja afume hu Benjamini bhabhali pandwemo nawo oSiba oboyi wa Sauli na bhana bhakwe kumi na bhasanu na boyi bhakwe ishirini bhabhali pandwemo nawo. Bhalobhoha hu Yordani hwitazi lya mwene. ¹⁸ Bhalobhoha aje bhailobhosye efamilia ya mwene ahubhombele lya lyonti lyalilolile linza. O Shimei omwana wa Gela aundama pansi hwitazi lya mwene lwa handaga alobhoshe hu Yordani. ¹⁹ O Shimei abhozya omwene, "Ogosi wane asahandole we hatia agabheshe mumwoyo ambago oboyi wakwe abhombile humasola ensi ogosi wane omwene lwa sogoye hu Yelusalemu. Nafuu, omwene na asabheshe hu mwoyo. ²⁰ Afwatanaje oboyi wane amenye aje akoseye. Enya, ndio maana enenzele sanyono wa hwande mu nyumba ya Yusufu ili ahulaki agosi wane omwene." ²¹ Lakini oAbishai omwana wa Seluya ahagomora naje, "Aje oShimei asafwe kwa ajili yeli hu shila shapiye amakhosi aponyezewa amafuta wa Ngolobhe?" ²² O Daudi ajile, "Nfuate yeenu amwe mubhana bha Seruya, paka sanyono mli bhabhibhi bhane? Aje omuntu wawonti anzabhabude sanyono hu Israeli? Kwani semenye nanshi sanyono ane ne mwene pamwanya ye Israeli? ²³ Omwene abhozya oShemei, "Sagaobhafwe." Omwene abhahaidi hu shilapo. ²⁴ O Mefiboshethi omwana wa Sauli ahishile ili ahulaki omwene. Sagali akwatizizye amagaga gakwe wala asyengule endevu zyakwe wala akhanze amenda gakwe ahwande isiku omwene lyasogoye hadi isiku lya welile hu lusongwo. ²⁵ Shesho lwafumile hu Yelusalemu ili ahulaki omwene, omwene abhabhozya, "Mefiboshethi Yeenu sewabhalile pandwemo nane?" ²⁶ Agomola, "Gosi wane mwene oboyi wane ahopeye, kwani najile embazubhe pamwanya ye punda aje embale no mwene, afuatane naje oboyi waho lemavu.' ²⁷ Oboyi wane oSiba ayanjiye elenka, oboyi waho, hwa gosi wane omwene. Lakini ogosi wane omwene nanshi ohalo ozelu wa Ngolobhe. Kwa hiyo bhomba lyalililinza pamaso gaho. ²⁸ Afuatane naje enyumba yonti ye daada bhali bhafwe hwitazi lya gosi wane omwene ila abheshele aboyi bhaho mhaya yao bhabhalya pameza yaho kwa hiyo endilile haki bhole ashile ya hwa mwene?" ²⁹ "Omwene abhozya, "Yeenu ahwelekezye gonti zaidi? Enamuy aje awe no Siba mubhaga bhana amagonda." ³⁰ O Mefiboshethi agomola omwene, "Sawa, leha ahweje hu shila ogosi wane omwene awe lile salama hu nyumba yakwe." ³¹ Pamande oBerzilai Omgileadi ahushile afume hu Rogelimu aje alobhoshe hu Yordani pandwemo no mwene, wope amwavizye omwene alobhoshe hu Yordani. ³² Basi oBerzilai ali gogolo tee we umri we maha themanini. Ali amwavwizye omwene hu mahitaji lwaali nane embahwandale kwa ajili ya huliwe ohwo hu Yelusalemu." ³³ Mfalme akamwambia Berzilai, njoo pamoja nami, nami nitaandaa kwa ajili yako huko Yerusalemu." ³⁴ Berzilai agomola omwene, "Huli yeenu nsiku zilenga zyazisageye mumaisha gane hata embale hwa mwene ohwo hu Yelusalemu? ³⁵ Endi no umri we maha themanini. Aje embwezizye atofautizye aminza na mabhibhi? Aje embwezizye ahomvwe esauti ashile alume na bhashe bhabhatela? Yeenu basi oboyi waho abhe lizigo hwa gosi wane omwene? ³⁶ Oboyi waho agasongwelwe tu alobhoshe huu Yordani pandwemo no mwene. Yeenu omwene andipo hu dhawabu nansi eyo? ³⁷ Nafuu olohusu oboyi waho awele akhaya, ili nkenfwe huu mji gwane hwi kaburi lya daada no maye wane. Lakini enya, ono epa oboyi waho oKimhamu, haya omwene alobhoshe no gosi wane omwene abhombele lyalyonti lyali bhahukhondele awe." ³⁸ Omwene agomola, "Kimhamu anzabhale pandwemo nane nane embahubhombele lyali bhoneha linza huliwe na lyalyonti eyoziliha afume huline ambehubhombele." ³⁹ Abhantu bhonti bhalobhoha hu Yordani, omwene wope alobhoha pamande omwene ahabusu oBerzilai na husaye pamande oBerzilai awela akhaya yakwe. ⁴⁰ Omwe alobhoha abhale hu Gilgali, na Kimhamu alobhoa pandwemo nawo. Ni jeshi lya Yuda lyonti ne nusu yi jeshi lye Israeli lyaleta omwene. ⁴¹ Abhantu bhonti bhe Israeli bhahandile ahwenze hwa mwene na hubhozye, "Yeenu bhaholo bhetu, bhantu bhe Yuda, bha mwibhile na hulete omwene ne familia yakwe pamwanya ye Yordani na bhantu bhonti bha Daudi pandwemo nawo? ⁴² Abhantu bhe Yuda bhagomola abhantu bhe Israeli, "Afuatanaje omwene ahusiane nate hupepe tee. Yeenu basi mvitilwe juu yeli? Aje ate tili ye hahonti ambaho omwene afumizye? Aje apete ezawadi yayonti? ⁴³ Abhantu bhe Israeli bhabhagomolo abhantu bhe Yuda, ate tili na makabela kumi ashile omwene esho tili ne sehemu ngosi hwa oDaudi ashile amwe. Kwa hiyo yeenu basi mwatisolenye? Aje setali wa hwande apendekezye ahuweze omwene wetu? Lakini amazu ga bhantu bhe Yuda gabha makhali ashila ga bhantu bhe Israeli.