¹ O Daudi abhazya askari bhabhali pandwemo nawo na bhabheha aakida elfu na akida we mia pamwanya yabho. ² O Daudi atwala ijeshi, thelusi emo pansi ya Yoabu ethelusi zya mwabho pansi ya Abishai omwana wa Seruya, oholo wa Yoabu, ne thelusi ya mwabho nantele pansi ya Hai Mgiti. Omwene ambozezye ijeshi, "yooli ane nene pia embabhale pandwemo namwe. ³ Abhantu bhajile, "Awe osahabhale hwibho nkashe tibhashembele sebhanzatisaje ate, au enusu yetu nkabhafwe sebhanzabhasaje. Awe oli ashile elfu kumi yetu ate! Kwa hiyo nafu nkobhatavwe lwoli hu mjini." ⁴ Omwene abhagomora, "Embabhombe lyalyonti lyali bhoneshe linza pamaso genyu." Omwene ahemeleye pahati yendiango gwe mji wakati asikari na bhasogoye hu mamia na humaelfu. ⁵ Omwene abhalajizya Ayoabu, Abishai na Itai aje, "Mubhombole oyo osahala oAbusalomu, huu pole kwa ajili yaline." Abhantu bhoti bhahmvwa shila omwene shalajizizye amaakida ahusu oAbsalomu. ⁶ Asikari bhahabhala hwipoli ashile abhe Israeli; ibho lya henera hwisengo lye Ifrahimu. ⁷ Asikari bhe Israeli bhahamenwa hwitazi lya sikari bha Daudi; hwali no hwasinzile ohugosi hwa bhantu elfu ishirini elyo. ⁸ Ibho lya sambala mwieneo lyonti na bhantu abhinji bhahabudwa ni poli ashile ipanga. ⁹ Yahafumila aje oAbsalomu akhomana na sikari bha Daudi. O Absalomu aliapende pamwanya ye nyumba wakwe na enyumba ehashila pansi ye matawi gikwi lye mwaloni, ni twe lyakwe lyakhatwa munsamba zyikwi. Ahalehwa alembela kati ye nsi ne mwanya wakati enyumba ehwendelela hwitazi. ¹⁰ Omuntu omo ahalola lyalyafumye na ahabhozya oYoabu, "Enya, nalolile oAbsalomu alembela mwi mwaloni!" ¹¹ O Yoabu ahabhozya wabhozezye ahusu oAbsalomu, "Enya! Waalolile! Yenu sewakhomile hata pansi handanapiye eshekeli kumi zye hela no mkanda." ¹² Ola omuntu ahagomola oYoabu, "Hata nkashe engapewilwe eshikeli kumi zye hela sehahenzaga abhosye amaso gane pamwanya ya mwana wa mwene, afuatane naje ate tenti tahomvwezye omwene na bhalajizya awe, oAbishai no Itai aje, omuntu asaguse oyo osahala oAbsalomu.' ¹³ Nkashe engahatarisizye olwizyo lwane hwi lenka(na nalimo ijambo lyalyenzafisishe hwa mwene), handa ohahwitenjile nane." ¹⁴ O Yoabu ajile, "senaihugolela." Pamande ahega amishale gatatu mkhono gwakwe ahalusya hu mwoyo gwa Absalomu owakati wali mwomi na alembela mu mwaloni. ¹⁵ Pande asahala kumi bhabhali ne silaha zya Yoabu bhahazyongola oAbsalomu, bhahakhoma bhahabuda. ¹⁶ O Yoabu akhomile etarumbeta na sikari bhawela afume abhalondole bhe Israeli, shesho oYoabu abhawezya asikari. ¹⁷ Bhamwega oAbsalomu na hutaje mwilende igosi mwipoli; bhakwinshila obele gwakwe pansi ye lundo igosi lye mawe, owakati abhe Israeli bhonti bhashembeye shila muntu akhaya yakwe. ¹⁸ Wakati oAbsalomu lwali ali mwomi ahwizenjeye enguzo engosi yiwe hu Ntebha ya Mwene, kwani ajiel, "Sendi no mwana wa hweje olu komboho lwi tawa lyane." Ehwetwa tanula enguzo hwitawa lyakwe, ehwetwa munara wa Bsalomu paka sanyono. ¹⁹ O Ahimaasi omwana wa Sadoki ajile, "Nduhusu embale hwa mwene ne habari enyinza, jinsi Ongolobhe shafyosezye afume mmakhono ga bhibhi bhakwe." ²⁰ O Yoabu agomoye, "Awe sobhabhe mwega habari sanyono; waibhomba esho isiku lyamwabho. Sanyono sobhahweje ehabari yayonti afuatanaje omwana wa mwene afwiye." ²¹ Ndipo oYoabu abhozya oMkushi, "Bhalaga obhozye omwene hahalolile." Omkushi ahozya oYoabu na pamande ashembela. ²² O Ahimasi omwana wa Sadoki abhozya oYoabu, "Pandwemo na gonti gagawezezye afumile nafuu nduhusu ane embale efuate Omukushi." O Yoabu agomora, "Mwana wane yeenu ohwanza ahabhale, "Sobhapate ethawabu yayonti kwa ajili ye habari ene?" ²³ "Shashonti shashibhabha ndeshe embale," O Ahimaasi agomola. Esho oYoabu agomola, "Bhalaga." Ndipo oAhimasi ahashembela hwidala lye ntebha na ahashila Omukushi. ²⁴ O Daudi ali akheye mundingo gwa muhati no ndiago gwa honze. No linzi pamwanya yendiango palubhomba wope abhosya amaso gakwe. Ali ahwenya, ahalola omuntu azubhila ohu ashembela yoyo mwene. ²⁵ Olinzi akwizya hu sauti engosi abhozya omwene. Ndipo omwene abhozya, "Nkashe ali mwene ali ne habari mwilomu lyakwe." Washembela azubholie omji. ²⁶ Olinzi ahalola omuntu wamwabho waali ashembela wope abhozya obawabu; aje, "Enya, huli omuntu wamwabho ashembela mwene." Omwene ajile, "Omwene pila aileta ehabari." ²⁷ Omlinzi ayanga, Nadani ashembele hwakwe omuntu wali hwitazi huli nanshi ashembele hwakwe Ahimaasi omwana wa Sadoki." Omwene ayanga, "Omwene muntu mwinza wope ahwenza ne habari enyinza." ²⁸ Ahimasi akwizya na hubhozye omwene, "Gonti minza." Pamande ahaundama omwene yooyo amaso gakwe pansi hwitazi lya mwene naje, Amwamihwe Ongolobhe Ongolobhe waho wabhefwizye, abhantu bhabhabhosezye amakhoshinguga sha gosi wane omwene." ²⁹ Omwene abhozya, "Aje oyo osahala oAbsalomu mwinza?" O Ahimaasi agomola, "Owakati oYoabu lwantumaga huliwe mwene, ane neboyi wa mwene nalolile efujo engosi tee lakini senamenye aje ehusu yeenu." ³⁰ Omwene abhozya, "Galuha oyemelele panshenje." Esho oAhamaasi agaluha na hwemelel. ³¹ Omukushi ahafiha naje, "Huli ehabari enyinza hwa gosi wane omwene afuatane naje sanyono Ongolobhe asombile eshisasi hwa bhala bhonti bhabhabhoshele shingunga shaho." ³² Omwene abhozya, "Aje ono osahala o Absalomu mwinza?" Omkushi agomola, "Abhibi bha gosi wane omwene na bhonti bhabhabhoha ahuduku awe nanshi oyo osahala." ³³ Omwene asikitiziwa tee wope ahabhala ampanda pamwanya ye ndiango ondelo. Kadili shabhalile alombolozezye, mwana wane, Absalomu, mwana wane, mwana wane Absalomu! nafuu handanafwanga badala yahuliwe, Absalomu, mwana wane, mwana wane!"