¹ O Daudi lwali abhalile pamwanya ye kiitele shi gamba, oSiba oboyi wa Mefboshethi ahenza ahulaki ali ne puda zibhele zyali zibebile evipande mia mbili vye makati, evishanda mia moja vye mizeituni, evishanda mia moja evye tiini ifuko lye ngozi lyali memile ehombwa. ² Omwene abhozya oSiba, "Yeenu oletile eshi evintu?" O Siba ahagomola, "epunda kwa ajili ye familiya yaho atote amakati na matunda kwa ajili ye matumizi gasikari waho ne hombwa kwa ajili nabhazimile hu nyikani." ³ Omwene abhozya, "No maama wa gosi waho ali hwii?" O Siba agamola omwene, "Enya, omwene asagaliye hu Yelusalemu afuatane naje ajile, 'Sanyono enyumba ye Israeli ebhambwezezye oumwene wa daada wane." ⁴ Omwene abhozya oSiba, "Enya, gonti gagamilikiwe na Mefiboshethi esalezi ganza gaho." O Siba ahagomola, "Eundama na nyenyekele hwaho ogosi wane omwene. Ne empaate eshi bali hwitazi lyaho." ⁵ Omwene oDaudi lwazubhilila oBahulimu, ahenza omuntu afume hu shikholo sha Sauli, itawa lyakwe Shimei omwana wa Gera. Kadiri shali ajenda aali aleta mikhosi. ⁶ Awezezya oDaudi amawe na maofisa bha mwene, bila ajali asikari na linzi bha mwene bhabhali bhalila huu mongo hwa mwene. ⁷ O Shimei aleta mikhosi, "Bhalaga zyaho, afume epa, bhibhi we muntu wi danda! ⁸ Ongolobhe alipile gonti kwa ajili yi danda lye familia ya Sauli, ambaye walongozya baadala yakwe. Ongolobhe abheshele oumwene hu khono gwa Absalomu omwana waho. Esalezi oyangamiye kwa oli muntu wi danda." ⁹ O Abishai omwana wa Seruya, abhozya omwene, "Yeenu embwa enfwe ehupela amakhosi ogosi wane omwene? Nafuu ndeshe embale emwezye itwe lyakwe." ¹⁰ Lakini omwene ajile, "Embombo yeenu namwe amwe bhana bha Seluya? Pamo andetela amikhosi kwa kuwa Ongolobhe abhozezye, 'Pele amakhosi oDaudi wenu esalezi wawezizye ahubhozye, 'Yeenu ohupela amakhosi omwene." ¹¹ O Daudi abhozya oAbishai na aboyi bhakwe bhonti, "Enyaji, mwanawane wafumile mubele gwane ahwanza owomi wane. "Si zaidi tee mbenjamini ono azileshe agwe hwane? Leshi alete amakhosi, afuatanaje Ongolobhe abhozezye abhombe esho. ¹² Huenda labuda Ongolobhe agenya amalabha gane na genfungwilwe, nambwezezye aminza hu nanma shempewilwe amakhosi sanyono." ¹³ O Daudi na bhantu bhakw eahendelela mwidala wakati oShemei panshenje yakwe mumbazu mwi gamba, ahendeleye alete amakhosi nahuponyezye amankondi na mawe ohu abhala. ¹⁴ Omwene na bhantu bhakwe bhonti bhalita na toye owakati osiku nabhatoyele bhonti. ¹⁵ O Absalomu na bhantu bhonti bhe Israeli bhali pandwemo nabho bhahenza hu Yelusalemu no Ahithofeli ali pandwemo nawo. ¹⁶ O Hushai, Omwariki, owa mwabho, wakwe oDaudi, ahenza hwa Absalomu, wope abhozya oAbsalomu, "Aizyage wila! aizyaje wila. ¹⁷ O Absalomu abhozya oHushai, "Aje ou wo utiifu waho hwa wamwenyu waho? Yeenu sobhalile pandwemo nawo?" ¹⁸ O Hushai abhozya oAbsalomu, "Ndadi! badala yesho, ola ambaye Ongolobhe, na bhantu bhonti bhe Israeli bhabhasaluye oyo ndiyo we mbabhe oupande wakwe ndiye wembakhale nawo. ¹⁹ Kwani wenu wehwanziwa aje atumishilaje? Aje sehwanziwa atumishe hwitazi lya mwana? nkashele natumishe hwitazi lya ise waho shambabhombe hwitazi lyaho" ²⁰ O Absalomu abhozya oAhithofeli, "Tipele oushauli waho ahusu hati hwanziwa abhombe." ²¹ O Ahithofeli ahabhozya oAbsalomu, "Bhalaga ogone na shikaji bha ise waho bhabhaleshile atunza ekasiri, na bhe Israeli bhonti aje oli hantu hahabhoha hwa ise waho. Pamande amakhono ga bhonti bhabhali pandwemo nawe ganzabhe nelyomi." ²² Bhalenganya ihema kwa ajili ya Absalomu pamwanya ya kasri na oAbsalomu ahagona na shikaji bha aise wakwe hwitazi hwitazi lye bhe Israeli bhonti. ²³ Enyakati ezyo oushauli walije nkafumizye Ahithofeli hwali nanshi omuntu wahomvwa afume mwilomu lya Ngolobhe yooyo. Esho shesho oushauli wa Ahithofeli shawabhoeshe hwa Daudi no Absalomu