1
Baada yega oAbsalomu ahandalile igarilye lye farasi kwa ajili yakwe pandwemo na bhantu hamusini na bhale hwitazi lyakwe.
2
Absalomu ali abhoha khasha na hwemelele panshenje yidala lyalyahelekelaga hu ndyango gwe mji. Omuntu wawonti wali ni shauli lya hwenze hwa mwene kwa ajili ya longwe, oAbsalomu akwizizye na hubhozye, "Ofuma hu mji bhole?" No muntu ola agomola, Oboyi waho afuma pandwemo ne kabila zye Israeli."
3
O Absalomu abhozya, "Enya, ishitaka lyaho linza na lye yooli, lakini nomo wapewilwe amamlaka no mwene atejezye ishitaka lyaho.
4
Absalomu onjezya, "Eziliha aje handa hwa aje embewahwamle mhati yensi aje shila muntu waali ni shitaka ahenzaga ahwenze huline nane ehenzaga ahupele elyooli yakwe.
5
Shabha shila muntu wahenzele ahumweshimu Absalomu omwene abhonesya okhono na hukhate na hubusu.
6
O Absalomu abhomba esho hwa Israeli bhonti bhabhahenzele hwa mwene kwa ajili ye ulonzi. O Absalomu anankanya amoyo gabhantu bhe Israeli.
7
Hwabha hu mwisho gwe mwaha ogwa uune oAbsalomu ahabhozya omwene, "Nafuu nduhusu embale entimizye enadhili zyanabeshele hwa Ngolobhe ohwo hu Hebroni.
8
Afuatane naje oboyi waho abheshele enadhiri lwali hu Geshuri hu Shamu ajile, 'Nkashe Ongolobhe yooli anzambwezye hu Yelusalemu, epo naihuputa omwene."
9
Omwene obhozya, "Bhalaga hulusongwo." Obsalomu ahabhoha na bhale hu Hebroni.
10
O Absalomu ahatuma apelelezi hwa jamaa bhonti bhe Israeli, aje, "Lwamuhomvwa esauti ye talumbeta tengaji, 'O Absalomu abhalongozye hu Hebroni."
11
Abhantu mia mbili bhali bhalihwe afume hu Yelusalemu bhahala no Absolomu. Bhahabhala huulema wabho bila amanye oAbisalomu hapanjile.
12
O Absalomu afumizye edhabihu, atumile abhantu hwa Ahithofeli hu mji gwakwe ohwo hu Gilo. Omwene ali no mshauri wa Daudi. Huwani wa Abdalomu wabha ni lyomi hwa bhantu bhabhafuatile bhahendeleye ahwonjelele.
13
Omjumbe ahenza hwa Daudi naje, "Amoyo ga bhantu bhe Israeli gakhatene no Absalomu."
14
O Daudi abhabhozya aboyi bhakwe bhabhali pandwemo nawo ohwo hu Yelusalemu, "Haya tibhoshe na shembele maana nomo hata omo wanzapone hu Absalomu. Hwi yandalaji asogole mara moja asije agataga hata agasababisya amadhara pamwanya yetu natishambulile omji huu khali wi panga."
15
Aboyi bha mwene bhabhozya, "Enya, aboyi bhaho bhali tiyari abhombe lyalyonti ogosi wetu omwene lyanza hwamule.
16
Omwene asogola ne familia yakwe yonti pandwemo nayo, lakini omwene ahabhaleha abhashe kumi bhabhali bha hawala bha mwene ili bhalisonje ikasri.
17
Baada ya mwene abhale na bhantu bhonti pandwemo nabho, bhahemelela munyumba ya mwisho.
18
Asikari bhakwe bhonti bhahala pandwemo nawo hwitazi lyakwe bhahabhala Akerethi na Pelethi, na Bhagiti mia sita bhonti bhali bhamwanzile afume hu Gathi.
19
Omwene abhozya oItai Mgiti, "Yeenu awe pia obhala nate? Wela okhale no mwene oAbsalomu awe kwa kuwa oli jenyu nantele oli fungwe. Wela apantu paho wewe.
20
Kwani igamo tu osogoye, yeenu ebheshe ozyongole nate paponti? Hata semenye hwo bhala. Eshe wela pandwemo na mwenyu. Ulweteshelo no uaminifu vikhale nawe."
21
O Itai agomola omwene naje, "Nanshi Ongolobhe shahwizya na nanshi ogosi wane omwene shahwizya huu lyooli apantu paponti ogosi omwene pabhale, oboyi waho pia papepo pabhabhale, aje lwizyo au nfwa."
22
O Daudi ahabhozya oItai haya tangulila obhale pandwemo nate." O Itai Omgiti ahabhala pandwemo no mwene, pandwemo na bhantu bhakwe bhoni ne familia zyabho zyonti.
23
Ensi yonti yahalila hu sauti kwa kadili ya bhantu bhabhali bhalobhoshe hu ntebha ye Kidroni, omwene wope pia alobhoha. Na bhantu bhonti bhahashola abhale hu nyikani.
24
Bhahali pia aSodoki na Lawo bhonti bhanyemuye empogoso ya Ngolohe ye mapatano. Bhaibheha empogoso ya Nngolobhe pansi oAbiathari aungana nabho. Bhagolela mpaka abhantu bhonti bhasogoye hu mjini nabhashila.
25
Ongolobhe abhozya oSadoki, "Owezye empogoso ya Ngolobhe hu mjini. Nkashe embalole eweene pamaso pa Ngolobhe obhambe wezezye na mbonesye empogoso na pantu pe khala.
26
Nkashe obhaje, sekhondezewa nawe,' enya ane endi epa, na ambombele gagali minza pamaso gakwe."
27
Omwene abhozya oSadoki odimi, "Aje awe soli mwonaji? Wela hu mjini na bhana bhaho bhabhele, hulusongwo Ahimaazi omwana waho no Yonathani omwana wa Abiathari.
28
Enya embahugolele huvilobhoshelo vye Araba paka lwaipata ineno afume hulimwe antaarifu."
29
O Sadoki no Abiathari bhawezya empogoso ya Ngolobhe hu Yelusalemu bhahakhala ohwo.
30
Lakini oDaudi ahabhala bila vilato ohu ahalila mpaka Hwigamba lye Mizeituni, wope ali akwinshiye itwe lyakwe. Shila muntu mhati yabho bhali pandwemo nawe ahakwinshila itwe lyakwe na bhope bhahabhala ohu bhahalila.
31
Omuntu omo abhozya oDaudi aje, "O Ahisofeli ali miongoni mwa waini bhabhali pandwemo no Absalomu." Esho oDaudi ahalabha, "Ngolobhe, nafuu badilisha oushauli wa Ahithofeli abhe ulema."
32
O Daudi lwahafiha pamwanya mwidala apantu Ongolobhe peli aputwa, oHushai Mwarki ahenza ahulaki emenda gakwe gazembuliwe na mankondi pitwe lyakwe.
33
O Daudi ahabhozya, "Nkashe obhabhombe nane obhabhe lizigo huline.
34
Lakini nkobhawele hu mjini na hubhozye oAbsalomu, 'Embabhe boyi wa mwene nanshi shanali boyi wa daada waho, ndivyo shanaibha ne boyi waho,' nsipo obhagagaluzanye amashauli ga Ahithofeli kwa ajili ya huline.
35
Aje soli pandwemo nawe oSadoki no Abiathari adimi? Shesho hahonti hohovwa hu kasri, obhabhozye oSadoki no Abiathari odimi.
36
Enya abhana bhaho pandwemo nabho abhana bhabho bhabhele, oAhimaasi, omwana wa Sadoki, no Yonathani omwana wa Abiathari. Mundetele ehabari pamwanya ya kila hamuhovwa."
37
Hushai, olafiki wa Daudi, ahenza hu mjini wakati Absalomu afiha na hwinjile hu Yelusalemu.