1 Samweli 31: 1-3 ¹ Afilisti bhalwiye dhidi ya Bhaisraeli. Bheisraeli bhashembeye hwitazi lya Filisti na bhagwiye pansi bhahafwa hwi gamba lye Gilboa. ² Afilisti bhazyongola oSauli no mwana wakwe hu peepe. Bhabhabuda abhanabhakwe oYonathani, Abinadabu, and Malkishua. ³ Ibhovyalemela oSauli nabhakhoma olukwe bhapete. Bhapete amamivu amakhali hu sababu yabho. 1 Samweli 31: 4-6 ⁴ O Sauli ahabhozya wanyemla esilaha, "Chomora ipanga lyaho ondase nabho. Nkase shashesho, ebha bhasewooshe bhayenza anyanyasye." Lakini anyemula esilaha wakwe segahatesho, afuatane ahogope tee. Esho oSauli ahejile ipanga lyakwe yooyo na aligwele. ⁵ Ola onyemla silaha ahalola aje oSauli afwiye, omwene wope shesho shesho aligwela ipanga lyakwe afwa pandwemo nawo. ⁶ Eshi oSauli afwiye abhana bhakwe bhatatu, na nyemla silaha yakwe - abhantu bhonti ebha bhafwiye bhafwiye pandwemo isiku lya lyelyo. 1 Samweli 31: 7-8 ⁷ Abhantu bhe Israeli bhabhali oupande wa mwabho we ntebha, nebho bhabhali hwi syela ye Yordani, nabhalole aje Abheisraeli bhashembeye, naje oSauli na bhana bhakwe afwiye, bhazileshi akhaya zyabho nanyile, na bhope Afilisti bhahenzele na khale omwo. ⁸ Isiku lyalyafuta, Afilisti bhahenza ahweje enyara za bhabhafwiye epo, nkabhahalola oSauli na bhana bhakwe bhatatu bhagwiye pamwanya yi gamba lye Giboa. 1 Samweli 31: 9-10 ⁹ Na bhope bhahadumula itwe lyakwe na hwefwe isilaha zyakwe, na bhahatuma ajumbe abhale epande zyonti munsi ya Filisti atangazye ehabari ezyo mmakanisa gabho ge sanamu na hwa bhantu. ¹⁰ Bhazibheha esilaha zyakwe mwikanisa lye Ashitoreethi, bhope bhahabandiha obele gwakwe mlubhomba lweensi ye Bethi Shani. 1 Samweli 13: 11-13 ¹¹ Na khaya bhe ya Yabeshi Giliadi nabhahomvwa hala Afilisti habhabhombeye oSauli, ¹² alwi izi bhonti bhabhoha na bhala osiku wonti bhagwefwa obele gwa Sauli na mabele ga bhana bhakwe afume mlubhomba lweensi ye Bethi Shinai. Bhope bhahabhala hu Yabeshi bhagapemba omwoto ego amabele ohwo. ¹³ Pamande bhahega amafupa gabho nagasyele pansi yikwi lye mkwaju ohwo hu Yabeshi, na bhafunga ensiku saba.