¹ Kake yiwe rera fila fisumani na kirero kwa ikusura. ² Vasuri vave na kirengo, wiindi, na sonu ikusura isha ikundeny na isisiria. ³ Vakyeku nao ngita vakoorise wo veni sha vakwiindiye ana vikerera vandundi. Na ngiti vateetwaru wari. ⁴ Kyawara vinaiye vana vasambura amu vamaji ikaa na womi vao na vana vao. ⁵ Vasenyiye ivalosha ira na sonu shisha vandu veeshi inla numba tao, na yindia womi vao veni kyawara varunde findo fiamu kirero kya Iruva kyita rumwa. ⁶ Kwashiayo niinge vasero nrima wa sonu. ⁷ Kuwaraany kwa shia toose muveni ilo liywa mashoreny masha, na mwiloshaa, orisei nrima wa udeede na wiindi. ⁸ Rerei rumi yoose finya na yitaare idova, kaara ulya akabanaa asutwa kyiimba ataare fikasha fa irera. ⁹ Maketi endie vanini vao kwa kila kindo. Vafurie ivendie na ikaa nao kya unambwe. ¹⁰ Kyiikundi vataive. Kake, Kyiima jayo vafarie vaarise ikusura loose inuru amu kwashia toose veetikise miloshie yeeru kyiimba kya Iruva weeru. ¹¹ Kyiimba mbora ya Iruva yanlolilwa kwa vandu vaasse. ¹² Kyatifunda ilia findo kita are nfa Iruva na ilanga findo fa isanga.Kyiketifunda irua, kwa sonu, na udeede, karika shia ta Iruva kwa feerifi. ¹³ Ilitiveria iwaria mboru shisha. Iloliywa lya uninilwa Iruva weeru nnini na nkira weeru Yesu Kiristo. ¹⁴ Yesu akuniingia muni kyiimba kyeru kaara atuite marekony na itisanja, kyiimba jamwi vandu vasumani na vaore nyura ya kazi shisha. ¹⁵ Rera na ikarisia findo fi. Lea kwa finya yoose. Kuteerikie ndu woose akusute.