¹ Paulo, Usinga la Iruva na mtume wa Yesu Kristo, kwa ikusura la wasongori wa Iruva na urango lya udede indee ufu. ² Vefoo kari ka ikusura la muu wa mirere amu Iruva amu Iruva atamakijii irera uresi anderekyia mbooko. ³ Kwa feeri fa ifurumia, andefunua kirero kyamwi kari ka mrimi andeshininga nni irera kyisumari irunda kuri kwa ivavasso la Iruva nkira weeru. ⁴ Kwa Tito mwana waudede kari ka ikusura leeru. Mboora, uoho na unambwe kuka kwa Iruva ndee na Yesu Kristo Nkira weeru. ⁵ Kyiimba kya ukyi ndekureo jikasha tobiria mboni toose temalisio itobiriyo na ivarwao vasuri wa siri kwa kila mwuri sheli nndekuvavasha. ⁶ Vasuri wa siri lasima atave na fwaa, Ndumi na nnka umwi, ake na vana usurwuo, vatare, kyio vikacha na vaare. ⁷ Kyisenyie kwa rinkyi, sha msalalia wa numba ya Iruva, atave na fwaa. Atave nndu wa kiroronjwo ana atakekyii ikwiirisha. kyawara atave na wangu iwa nyashii, atave nnangwa , atave nndu wainde mwaandu, na atave are ilanga. ⁹ Numa yamwi ave nndu vyaiwavia; afurie asavii. Kita ava nnde aare arango, usha, aareudede, ave nndu eeshi Iruva, akuitoriyo emwuni. ⁸ Ave nsalalia wa miloshie ya udede andeloshwo, kyiimba amekyii ivaninga mirima ya molishie minuru na amakyii inyailasha vaafe vakenlea. ¹⁰ Kyiimba luvyo weerei uunji, Kyiimba kya vala vyarine. Virero fao nfa uvingani. Nivyalemba na mumbele na ireta vandu. ¹¹ Kyasiya kwirishe vandu sheva. Vyakelosha vyindo vyitasenyie fitahore mbusha ta usutu na iaribu ufari toose. ¹² Umwi kari kao, nndu aare sonnu, andenumbua, ''Wakrete vaare uresi lutaove ifurumia, wakasha na mafissi mavave vyakoro na vandeu.'' ¹³ Firero nfa udede ,kyiimba kya ikyo vereshe kwa finya kyiimba vyamakyii irera udede kari ka ikusura. ¹⁴ Kutwakaate usarenyi lutaore udede nndi ta kiyaaduana ivavaso la vandu, nao vyawira udede numa. ¹⁵ Kwa vyala vyase vyake vyelwo, vindo foose nfelwa. Kake kwa woose vyala washafu na vyatakusurie, Kyiifo kyeelwa nndi. Kyiimba makusaro awo na mirima yao ntanshafuliwa au nshishafu. ¹⁶ Wakerambua imanya Iruva, kake kwa mitanie yao vakenlea. Vyao vya reti na vyataore wiinda. Vandeshiliyo kyiimba mitanie yoose misha nndi.