¹ All nkeekutisiria iwenkunde barua ii ya kawili amu ikwante karika urango. ² Amu kumakyii ikumbua firero fila, farero mbooko uwaria, wasongori iwawaso lya nndumi weeru. ³ Imanye mbele, sheeli mvandu mikonu yamirere iwaaruka ini, weesoraa shia tawo. ⁴ Weenumbuoo sheeli kyikee kwi kirekyo. Wasuri weru wafe. Kake findo foose fiikee kuro kuuka mbooko ya iumba. ⁵ Wakakurekyio eekwaruoo sheeli isanga na uruveli fabooka kuuka murenyfikawa isanga kwa nyeeri kyo iishule mura kyeeri kya mbele kwa kwa kirero kya iruva. ⁶ Na sheeli kwiria kirero kyamwi na mra ikawa isanga kwa mutika wo ilyo iishulee mura yakasheeswa. ⁷ Kake kwa alli isanga na iruveu fifisio kwa kirere kyo ikyo kiimba kya muro fifisio kiimba kya nkonu wa yiumisio na ikasneeswa ya wandu watakee wa iruva. ⁸ Ikyi kimakyii itoloka nrumi yafo, wakunde, sheeli nkonu umwi kwa nndumi nsasawa na miaka kyiku. Na miaka kyiku nsha nkonu umwi. ⁹ Nikai Ndumi akeerunda mbuo mbuo amu ifikie kirekyio, sheeli kyikusa ryo kyiwa, Kake yemuni ni nsisiria kyiimba kyanu, yemuni afurie isisiria kiimba kyenu, Yemuni afurie nta umwi, akasheeswa ndi, Kake afurie iningia feeri wamu woose wakoe ikundra' ¹⁰ Sheeli nkonu wa Iruva ushaa sha inini, Isanga lyiraa kwa iroosa ununga. Vindo foose fiimamisio muronyi. Isanga na findo foose fiifo firaoo kwelwa. ¹¹ Kiimba findo foose vyamamisyo kwa shia ii, Alli kuwa nndu aina kyi? Kaafo na isongori na ikaa na iruva. ¹² Kisumani imanya na imanya ree isha lyawa iruva. Nkonu to iruveni lyimamia na muro. Na findo fimamia na nrike mvaave. ¹³ Kake kuuka kirekyion kyamwi. Tiverie isanga iia na iruveni iia ifo wala wasumazi wakaa. ¹⁴ Kwa ikyo wakunde kiimba tiwerie findo fi kutomarise na ikaa kisha kutaore ilomi na iwa na unambwe andu emwi naye. ¹⁵ Nkesingatia isisiria lya Ndumi weeru kari ka itaulwa , sheel nkunde weeri na nnini weeru Paulo, awatisiria ini, kuuka kari ka imanya lia aniingwa. ¹⁶ Paulo akeerera ifo foose kari ka nrumi tamwi toose. Fiifo na findo fingi fiumu ifimanya. Wando wataore wiindi na nsalalo wammaribu findo fo, Na sheel wakeerunda kwa itisira weenda kimamiony kyao. ¹⁷ Kiimba kya i kyi wakunde kiimba mwiishi ifo. Kuringeny muweni amu mtareto na ilembwa na ulembi lwa wareti na ireta usumani. ¹⁸ Kake ngineng kwa Neema na imanya lya Ndumi na nkira weeru Yesu Kristo. Na alli unini lyore yemuni kuuka alli na mirere. Aame