¹ Waria wa uresi wandesomukyako Waisraeli na walosha wa uresi waasha da na ifo konu kya siiri wandee miloshie ya uresi nao waleaa nndumi ulya andewaara. Wakeekwendie yaaribika lya ree ringeu yaao woweni. ² Wengi wasoraa shia tao ta usutu na kiimba kya iiria kwao waleaa shia ya udeede. ³ Ko unyuku wawaangaa wandu weireraa firero fa uresi yiumisio lyao likyeeywa ukasha lwao luwasoraa. ⁴ Amu Iruva awareea malaika wala waaruka. Kake andewakumba kwa warimu amu awafinge minyororo lyawafikyia. ⁵ Amu Iruva asisiria isanga lia la mbellendi. Kake atunsa Nuhu ulya aoree iwaangwa lya deede andu emwi na wengi mfungare, kyeeri kilya aotoria gharika ringeu ya isanga lya mareko. ⁶ Iruva aumisia miri Sodoma na Gomora kirengo kya iwa ifuna ikashaa amu kyiwakaniswa kiimba kya ukasha kyeeri kya mikonu ishaa. ⁷ Kake ilo arunda kuro amuuta lutu nndu wa udeede .Ulya wawiso nn tabia mmitanie mikasha ya walya watasoraa mawawaso a ruka. ⁸ Kyiimba nndu to wa deede akaa nawo nkonu kwa nnkonu eetesaa nrima wamwi kyiimba kya fila eeta naifilolia. ⁹ Kwa ikyo nndumi eeshi shakasa aataa wandu wamwi kyeeri kya mateso na shakasa asisira warunda mareko kiimba kya yiumisyo lya nnkonu wa ifurumia. ¹⁰ Kiimba kya deede ilu nlo udeede kwa wala waendelea ikaa na imikaaye ya waaisi na ilanga mboni mikaaye ii waore nsalalo mirimei yaa ana weeree ilea weele. ¹¹ Kake kiimba malaika waore inaakyi na finya kitawandu,Kake wamakyi innde yiumisyo kari kawo kwa nndumi. ¹² Kake mafisi wo wataore urango watobirio kwa kyikuu na iwarwa na ireto. ¹³ Wakeewawishwa kwa nshara wa mareko ao. Nsanyiny tiri wakaa marekony weeshule ushafu na waisi. Weetikisaa waisi lwa ilemba ili weelaa kisuku nawe. ¹⁴ Miso ao afunikyio uaisi,watakeefika mwisho verunda mareko walembi weetulaa wandu taare wammanya kirero kisha marekony waare mirima iishule waisi na wana wadenge. ¹⁵ Waleaa shia ya deede wanreka shieny ya Balaam mwana Beori ulya afura ikooya mbesa ta aibu. ¹⁶ Kake anayiywa kiimba waisi lwamwi. Nshungu atei irera,karera shanndu, eerisha ukasha lwa mwaria. ¹⁷ Wandu wo nnsha mariko ataore usooko, nsha marumbe akeerikiswa mmburaato. Irumbe yeemeri lifisiyo kiimba kyao. ¹⁸ Arera kwa ikwishika dai . Watuulaa wandu kwa ilanga mvili walembaa wandu walya wakeetanya iwarisha walya wakee marekony. ¹⁹ Warekyiaa wandu sheeli warulywa nao woweni mmaketi wa mareko unini. Amu nndu atanwa iva iketi kiimba kya kilya kyiuware. ²⁰ Ito aleaa mareko a isanga koitumia urango lwa nndumi weeru Yesu Kristo, na mbaado kauia mareko wolingi, mikaaye yamwi ivee mikasha kita ya mbooko. ²¹ Kyisenyie wandu sheeo,watamanye shia ya udeede kitaiimanya na mbado irea mawawaso a masongori alya waniingwa. ²² Sumu ii iraa udeede kwao. Ikite lywiia ureeko lwayo na nguve yasanjwa yauya lingi ibwashing