¹ Tzanilola wakati Mwanakondoo han'gali opfvugula imwe ya aila imihuri saba, tzanihulika yumwe wa awala wane ughima wane nakolonga kwa isauti tzaikalile kama radi, "Itzaa!" ² Tzanilola na tzakukala na ifarasi mtzelu!cTzayamkwilile tzakakala na na dibakuli, na tzaken'gigwa taji. Tzakalawila kama mshindi yoshinda ili ashinde. ³ Wakati mwanakondoo hapfvugule gumuhuri gwa keli, tzanihulike yakalile na ughima wa keli tzakalonga, "Itzaa!" ⁴ Kuya farasi yungine tzakalawila, mdun'gu kama gumoto. Tzayampandile ken'gigwa ruhusa ya kusa iamani mne isi, ili kuwa iwanu wachinjigwe. Ayuno yampandile tzaken'gigwa dipanga kulu. ⁵ Wakati mwanakondoo tzahapfvugule agula gumuhuri gwa kadatu, tzanimuhulika yakalile na ughima wa kadatu, kalonga,"Itzaa!" Tzambona ifarasi mtitu, na tzayampandile kana imitzani mne imimoko yake. ⁶ Tzanihulika isauti yake tzailongile ya yumwe wa awala wane ughima tzailonga, "chibaba cha ingano kwa idinari imwe na pfvibaba pfvidatu pfva shayiri kwa dinari imwe. Lakini usinange gamafuta na divai." ⁷ Wakati mwanakondoo tzahapfvugule gumuhuri gwa kane, tzanihulika isauti ya wane ughima wanne tzailonga"Itzaa!" ⁸ Kuya tzambona ifarasi wa ichijipfvu. Tzayamkwilile tzakalangigwa tagwa jake mauti, na kutzimu tzain'gali imuiwitza. tzawen'gigwa gamamlaka machanya ya irobo ya isi, kukoma kwa dipanga, kwa inzala, na kwa utamu, na kwa iwanyama wa kumuhulo mne isi. ⁹ Wakati imwanakondoo hapfvugule gumuhuri gwa tano, tzambona hasi ya gamatzabahu tziroho tza awala tzawakalile wakomigwa kwa ajili ya dilonga ja Mlungu kutokana na ushuhuda tzawamile sabiti. ¹⁰ Tzawalila kwa isauti n'gulu, "mpaka tzuachi, Mtawala wa Pfvose, mwenzeluka na mkweli, kotzohukumu iwokala mchanya ya isi, na kulihitza ichisasi damu yetu? " ¹¹ Kuya chila yumwe tzaken'gigwa digwanda tzelu na tzawalongeligwa kuwa wobamigwa kubeta chidogo hata haitzotimia ihesabu kamili ya watwana wayao na wandugu tzao wa chionga na wamale haitzotumia ambao, watauwa, kama apfvila ambafvo wao tzawakala wadanganika. ¹² Wakati mwanakondoo hapfvugule muhuri gwa sita, tzanilola na tzahakala na tetemeko kulu. Tzua tzadikala ne ichisi kama diguni aja singa, na gumwetzi mghima tzagukala kama damu. ¹³ Tzinondo tza kulanga tzatzigwa mne isi, kama apfvila gumbiki pfvagulagatza gamatunda ghake ga wakati wa dibeho hagumalitzika na ichimbunga. ¹⁴ Lilanga tzajuka kama gombo dipfvingilisigwe. Chila chiduda na chisiwa ihannu hake. ¹⁵ Kuya wandewa wa isi na iwanu maarufu na majemadari, matajiri, wane ingupfvu, na chila yumwe tzayakalile mtwana na huru, tzawepfvisa mne gamadago na mne gamahambalawe ge ipfvidunda. ¹⁶ Tzawailongela ipfvidunda na gamabwe, "Tugwileni na kutupfvisa tzidi ya ichihanga chake yokala mne ichigoga cha enzi na kulwa kwa gamaya ga Mwanakondoo. ¹⁷ Kwa apfvila ditzua dikulu ja gamaya gao ipfvikila, na ni nani yodaha kwima?"