¹ Auno ni ughubulo wa Yesu Kirisito ambao Mlungu tzakamwin'ga ilikuwonesa iwatwana wake gamambo ambago latzima galawile habehi. Tzakatenda gajulikane kwa kumlaghitza malaika wake kwa mtwana wake ² Yohane. Yohane tzakalapfva ushuhuda wa chila chinu chone kuhusiana na dilonga ja Mlungu na kwa ushuhuda ulapfvigwe na Yesu Kirisito. ³ Kabarikiwa yeye yosoma kwa isauti na awala wose wogahulika gamalonga ga unabii auno na kutogola chandikigwe amo, kwa apfvila gumuda gwa habehi. ⁴ Yohane, kwa gamakanisa saba gali Asi: neema na ikale namwe na amani kulawa kuna yeye yalibaho, tzayalibaho, na yatzakutza, nakulawa kwa roho saba wali hambele ya ichigoga cha entzi, ⁵ na kulawa kwa Yesu Kirisito ambaye kakala ishahidi mwaminipfvu, Mtzaliwa wa mwande wa wadanganyike, na imtawala wa wandewa wa isi aino. Kuna yeye yatutendile na katwika huru kulawa mne tzambi tzetu kwa idamu yake, ⁶ tzakatutenda kuya undewa, makuhani wa Mlungu na Tata yake, kuna yeye kuwa wenzeluka na ngupfvu milele daima. Amina. ⁷ Lola kakutza na dikungugu; chila nenge itzomona,na hamwe wose wamuhomile wotzomona. Na tzikabila tzosi tza isi tzitzoomboletza kuna yeye,. Ndiyo, Amina. ⁸ "Nene ni alfa na umega," kolonga Mtwa Mlungu, "Yeye yalibaho, na tzayalibaho, na amabaye katzakutza, Yane ngupfvu." ⁹ Nene Yohane ndugu yenu na yumwe yoshiriki hamwe na mwemwe mne gamaganzo na undewa na upfvumilipfvu imara ulimne Yesu; tzanikala mne chisiwa chikemigwa Patimo kwa sababu ya dilonga ja Mlungu na ushuhuda kuhusu Yesu. ¹⁰ Tzanikala mna Roho ditzua ja Mtwa. Tzanihulika kuchisogo kwangu sauti ya mchanya kama mbeta, ¹¹ yolonga, "yandika mne ichitabu gaukona, na ugalaghitze kune gamakanisa saba, kugenda Efeso, kugenda Smami, kugenda Pergamo, kugenda Thiatira, kugenda Sardi, kugenda Philadelphia, na kugenda Laodikia." ¹² Tzanihunduka kulola ni sauti ya nani tzayan'gali olonga na nene, na tzahanihunduke mbona ichinara cha tzahabu cha tzitaa saba. ¹³ Katkati ya ichinara cha taa tzakakala yumwe kama Mwana wa Adamu, tzakapfvala gwanda refu ipfvikile hasi ya imigulu yake, na gumkanda gwa tzahabu kutzunguluka mne imambaga yake. ¹⁴ Ditwi jake na tzipfvili tzake tzikala nzelu kama sufu inzelu kama ditungwe, na tzinenge tzake tzatzikala kama kama gumwali gwa moto. ¹⁵ Gamatzayo gake gakala kama ishaba isuwigwe n'gani, kama ishaba ambayo iluta mne gumoto, na isauti yake tzaikala kama gamatzi mengi gohulumka kwa ngupfvu. ¹⁶ Tzakamilitza tzinondo saba mne gumoko gwake gwa kuchimale, na kulawa mne gumdomo gwake tzakukala na dipanga dine gamakali kosi kuwili. Chihanga chake tzachikala chimeletzeka kama gumwanga mkali gwa ditsua. ¹⁷ Hanimonile tzanyigwa hane imigulu yake kama imunu yafile. Tzakwka gumoko gwake kwa kuchimale mchanya yangu na kulonga, "Usipfvuke! Nene na wamwande na wa Mwisho, ¹⁸ na ambaye namghima. Tzanikala nidanganyika, lekeni lola, nokala milele! Na ninatzo funguo tza gamauti na kutzimu. ¹⁹ Kwa apfvo, gandike gugonile, gasembaha, na agala gotzolawila baada ya agano. ²⁰ Kwa maana ipfvisile kuhusu tzinondo saba tzutzonile mne gumoko gwangu gwa kuchimale, na achila chinara cha tzahabu cha tzitaa saba ni malaika wa agala gamakanisa saba , na chinara cha taa saba ni agala gamakanisa saba."