¹ Vari kate kutie uramui wa ukwasywa kuuto awe ne vehene Kristo Yesu. ² Kwa soko weemeko wa nkhoo aufanga uruo newekene Kristo Yesu wantendie nene ne mwari kure na weemeko wa mahutye na ikuya. ³ Kwa soko ekeo nechu sarea ekaremwa utenda kwa soko are ehegheheghe khate a mwere, Mungu akatenda. Akamtuma mwanakwe wa iyene kwa mwiningano wa mwere wa mahutye atendeke sadaka amahutye, na akaryramua mahutye khate a mweere. ⁴ Akatenda vii nechu maragheyo a sarea afihiywe mung'e itu, sese nekutiuenenda kwa usambeya manut a mweere, hate kusombeya mautu aunkhoo. ⁵ Avoyo nevausambeye mweere veuyaseghaneya mantu a mweere, nyeso avoyo nevamesambeye nkhoo veuseghaneya mantu aunkhoo. ⁶ Kwa soko ighemo ra mweere ne ikuya, kweso ighemo rankhoo ne ufanga na majeghana. ⁷ Eyei ne kwasoko ighemo ereo ra mweere ne urughu kunto a Mungu, kwa soko retuimetegheya sarea a Mungu, kamwe retuidaha umefegheya. ⁸ Avoyo nevausambeye mweere vatiudaha umnoneya Mungu. ⁹ Mbese uyi, mtifo, khate a mweere kate khate ankhoo, ne mbese ne tute nechu nkhoo a Mungu ekhaa mung'e anyu, nyeso mbese mutu atikwete nkhoo ama Yesu Kristo, wasuuti wakwe. ¹⁰ Mbese Kristo we mung'e anyu, mweere ukure kwa mautu amahutye, rweso nkhoo ne mpanga kwa mantu atute. ¹¹ Nechu nkhoo ama uyuo newamfitye Yesu ufuma kwa akuyi chekhaa mung'e auyu, mweso uyuyo newamtutye Kristo ufuma kwa akuyi ajomefaa no meere auyu a ikuya ufanga kwa njea ankhoo akwe, ne ekekha mung'e anyu. ¹² Ari kange, anyaudughu vane, sese kwina hire, nyeso ti kwa mweere nechu kwekhae kinya mwere. ¹³ Soko ne mwekhakinya mweere, mwefife ukuya, nyeso ne mbese kwa nkhoo myiya ntendo ya mweere, nauyee mkekhaa. ¹⁴ Soko mwino chu vainge vatongewe na nkhoo a Mungu, avai ne vana vaMungu. ¹⁵ Kwa soko mwinamefokea nkhoo autumwa kauge tisemwoghofe kwesokwayo, mkafokea nkhoo autendwa mwe vana, nechu kwa nyeso kurea, "Abba, Tata!" ¹⁶ Nkhoo nyeso eukumua itambe rimwe na nkhoo yitu nechu kwe vana va Mungu. ¹⁷ Nechukwe vana, chukwanyo saraa no, asari va Mungu. Na sese kwasari itambe rimwe na Kristo, ne mbese kwa tute rukhaseka na mweso neekudahe uhumbuwa itambe rimwe na mweso. ¹⁸ Kwa soko nguyavarya makhaseko a ikhondo erei nechu tikeutu nenakikhoya na weru newakumukuwe kene sese. ¹⁹ Kwa soko ntunto yong'e no iraavie kwa nkumbu ne nyinge uhumukuwa kwa va wava Mungu. ²⁰ Kwa soko utunda no kukkaekwa fange aufireka tikwa iyauje rayo, nyeso kwasoko akwe mweso ne akayaeka. ²¹ Nechu utenda kwayo no ujorughwerwa na ufunywa khate a utughwa wa urueka, na uhefeywa kati auchauya kaweru wa vana va Mungu. ²² Kwasoko kumanyie nechu utunda kwayo no kuvara na ukhaseka kwa uvai itambe rimwe taka fanoi. ²³ Ti uyi ui, ne sese aghonjo ne kwina mbesya yo Nkhoo - sese no kuvaara khati ankoo yitu, nekurindie utendwa vana, yu ukhomoi wa meere itu. ²⁴ Kwa soko ne kwa igheda erei kwakhomowe. Nyeso intu nereghediwe ne rakighea kutie ugheda kange, kwasoko ne auyu neukukegheudaa ekeo newakeona? ²⁵ Nyeso nekwagheda intu nekutirekengee, kurerindia kwa ughimeyi. ²⁶ Mwino viui viui, mwahu mweso ukukwareya khate a hegheheghe itu. Kwa soko kutimanyie uromba mwirio ekunoneye, nyeso mwahu wayo ukukurombea kwa uvaara ne kutiudawhwa uhanywa. ²⁷ Na mweso ne ukumefimaa nkhoo uremanyie ihaa ra nkhoo, kwa soko ukurombaa soko awe nevahuvie kining'ana na mafenji a Mungu. ²⁸ Seno kumanyie nechu kwa vong'e nevauyanjite Mungu, mweso ukutendaa mantu ong'e itembe rumwe kwa ujaa, kwa avoyo vong'e nevaetaniwe kwa ighemo rakwe. ²⁹ Kwa soko avoyo vong'e neuvamanyie ufuma mwandyo no akavahwania ufuma mwandyo vakikhoywe na mwining'ano wa mwanakwe, neemweso atendeke mnyofafwa wa mbee khate auyandughu ne vainge. ³⁰ Na avoyo ne akavahwania ufuma mwandyo, vasaa akavaetawano. Na avoyo ne wavaetanie, vasaa akavavareya tute na avoyo ne akavavareya tute, vasaa no akavahumbua. ³¹ Kuhanye ntuni kate a mantu ayai? Mungu newatendeka uku ufaude witu, ne anyu ne uku uuto itu? ³² Mweso neatuimrekea mwanakwe mghonjo chu akamfumya kusoko itu sese song'e ukureka ure ukufa mantu ong'e itambe rimwe na mwese? ³³ Ne auya neukuvasifaka anyohwaniwa va Mungu? Mungu mweso chu ukuvavareya tute. ³⁴ Ne auyu neukuvatendeya mbefa? Kristo Yesu chu akakuya kusoko itu na nguu asaya, mweso no akafetywa. Na mweso utawalie itamberimwe rina Mungu kene mwighuyo, na kange mweso ukukurombeera sese. ³⁵ Ne anyu ne ukukubaghua na uyanjo wama Kristo? ne uurya nampa sida, nampa makhaseko, nampa njaa, nampa nkhonde, nampa feta nampa ufaanga? ³⁶ Mwino chu eandikiwe, "Kwa uhanga kwako kuuraghwa mumwe nywee. Kukavarareywa kiuya nkhoo ya kikitwa." ³⁷ Khate a mantu ayai ong'e sese kumanikie kwa ahumi kene mweso neukuyanjete. ³⁸ Kwa soko nayanjisywa nechu ti ikuya, nati ufanga, nati maleeka, nati udaho, nati mantu ne arefo, nati mantu ne ajie, nati nguu, ³⁹ ti neekumto, neti ne efang'e, nati ntundo engeja, kitiuda na umbaghua na uyanjo wa Mungu, nechu ne Kristo Yesu Tata witu.