¹ Kuhanya ntani kake kuni Abrahamu, tata witu kwa jia ya mwili, wakikheiri? ² Kwa soko Abrahamu akavariwa tute tendo, nibeseari na soko akisifu, nyeso tii usoge a Mungu. ³ Yeso maandiko ehauya uri? "Abrahamu akamunyaja Mungu, na ekavariwa kune weso tutee." ⁴ Sese kiuya mtu ne ukutenda mwimo, uripoowakele atwiwarwa ni majighana, bese utendeka ni deni. ⁵ Nyeso kwa mtu naatuodenda mwimo nyeso umwamini veve nikuwariwa hki nitii mtu niwamini, uhuviri wakwe mtu usuu ukuwariywa wena tutee. ⁶ Daudi no ukuhanya mboto kuto a mutu uuyui wa Mungu amovariye tute netise tendo. ⁷ Akahauya, "Wahangie mboto mtu uyo nare mahutwe awe asamehewe na mbefa yawe yakunekirwe. ⁸ Wahagie mboto mtu uyo nare Bwana atina muwarea mahutwe." ⁹ Nare no mboto iyii ne kwao ni watoriwe ihungu kutufu na pa nawo ni watinalotwa ihungu? Kwa soko kuhanya, "Kuni Abrahamu tute akwe ikawarinywa na atute." ¹⁰ Nare ekawarinywa leri? Ikondo asi Abrahamu nare ukatowa ihungu au na akiinatowa ihunu? Areetikuuyi mkate aihungu, nare mkate a kutotowa ihungu. ¹¹ Abrahamu akafewa umauyekeo wa utowa ihungu. Uruyi nare umanyikeo wa tute a imani na umekweti arietepo emrindee na akiina towa ihungu. Mghero wa ishara iyei nare ikatendelea ni baba wa wong'e niwahuvere, ne hata vekatendeka watitoriwe ihungu. ¹² Iuyii kake ikakikhonywa na Abrahamu ne akatendeka tata wa ihungu natii wa awo wafumere na ihungu, na awo nare waisabenye mfaghowa tata witu Abrahamu. Naenyi yeso nese vinatowa ihungu. ¹³ Nyeso nare aretiiunyi kuna maraghiyo nate ahadi nikafunywa kuni Abrahamu na ufafo wakwe, ahadi iyei wetendeleo azari wa dunia. Ikweso azo, are ukera tute na imani. ¹⁴ Ne kweso kwa awo wa maragheyo veso asari, tute atendaka dede, na ahadi aremeka. ¹⁵ Kwa soko maragheyo ereta makuo, iyeso hapo nae kutie maragheyo,nare kutotii. ¹⁶ Kwa soko eyii ekatendeka kwa tute nonare bahati. Mwighero wakwe, ahadi ninafisi kwa ufapo woge. Nani wafapiwe ne ase vamauyi maragheyo, na woya ni tute ama Abrahamu. Na kweso ne tata wetu sese sog'e, ¹⁷ ne ikauya akaandikwa, "Nakutendi veve ni we tata wa uremi ne winge." Abrahamu akatendeka urepo na womokhwekiya, yeso Mungu kweso ukuwapa akunyi ufanga na ukuendana matu asaa atiifo ne areeukatendeke ulepo. ¹⁸ Licha ya hali yog'e yo hanya, Abrahamu kwa uchangamuka akamwamini Mungu kwa matiku niaji. Hivyo tata wa mataifa mingi, ukinig'an naro nalikaja haywa. "Yeso utakajotedeka ufofo wakwe." ¹⁹ Mweso kutii dhaifu mkhote akweli. Abrahamu akahanya akavaera kweso mwirii wakwe wahia kuya - arii mwina miaka mia moja. Kake akayaja na hali a kuya a daa la Sara. ²⁰ Eyeso kweso ahadia Mungu, Abrahamu atinahita mkhate kwo amini. Yeso akafewa nguu mkhate a tute na akamsifu Mungu. ²¹ Aree umanyie tute a kitu eko na Mungu akakeahidi, ate urefo mtu ni wiwa uwezo wonig'aneya. ²² Enekweso uo vii uo ikawarwa ukhakwe kime haki. ²³ Fanoi vinaandikwa tukwa faida akwe, yeso vekavarwa ukhakwe. ²⁴ Ikaandikwa kwa soko ituu uo, hane wasaeywe uwareuywa, sese neri kuamini mkhate weso akapetwe Bwana witu Yesu kufume kwa aku uyii. ²⁵ Uyune uyoo nere akafunywa kwa soko amahutwe itu na ufetwi ili kuhege kuwareuywa tute.