¹ Fanui ne faida ke newinayo Myahudi? Na faida a ihungu ni tani? ² Ne kuja ino ne kila ukero. Mwandyo wa ong'e, Ayahudi vekafewa urughweto kufuma kune Mungu. ³ Ekweso, ekatendeka re nare ukejii wa Ayahudi nawatikweti ne imani? Nare udiomiui veso kumtenda uuyacho wa Mungu utendeka tii weso? ⁴ Kutii kamwe. Ekweso ayo, reki Mungu akighe utendeka tulee, nabese kil mtu ni mwegheghe. Kiuya na etendeka landikwa, "ni kiuyanutendeke ukughera kune muya mkhate akhani yako, na utendeke ukushinda ukuhefea mkate hukumu." ⁵ Ekweso ni atendeka uvii witu ukiiraghera uhaki a Mungu, kuhanye tani? Mungu netapeli nikufunya makuo akwe, je ukuja wiyu na? nereghitiye kufuma na mwilekeo wa kibinadamu. ⁶ Ifee kutiie! Ne kiuya tani eari Mungu ukuuhukum utemi? ⁷ Nyeso niatendeka tute a Mungu ukera uregheghe wane ukufunya uja wige kwa soko akwe, soko ke nikekere nihukumewa na muya mahutwe? ⁸ Soko ke kutahanye ni kusigizewa na kinya ageja nimvekutendeya atesese kuhanya, "Kutende uree mahute, nani mema yaje"? Hukumu kuto aweni ahaki. ⁹ No toni kweso? Kukitetea aghojo? Kutii kamwe. Kwa soko sese tayari kwawatuhumi na Ayunani wog'e itaberimwe, n kusoko warepo pang'i ya mahutwe. ¹⁰ Erii kiuya nirandikiwe: "Kutii munya tute, no umwendo. ¹¹ Kutii mtu neumanyie. Kutii ne ukumfeja Mungu. Wog'e wagwire. ¹² Veso kwa wog'e watendekie watikweti ubahuu. Kutii uokutendamaja baaumwe. ¹³ Memio aweni belelo ni uuchanya. Ndeme yawe yaregheghie. Sumu a jokhaa irepo pang'i meremo awe. ¹⁴ Meromo awe ijuree kitao na ululu. ¹⁵ Mighuu awe ina uduri kuhunwa saghawi. ¹⁶ Umiagi na makhaziko arafo mkate anjia yao. ¹⁷ Atu awai watimanyie njia a ufoo. ¹⁸ Kutiie kwada a Mungu usonge amiho awe." ¹⁹ Fanoi kumanyie nichu erreroni maragheyo, ehanya, nawo ni vefang'e, na uyi ni chu uremi wog'e udahe utenda kune Mungu. ²⁰ Erii ni kusoko kutie mwiri niukuvariywa tute kwa tendo ya maragheyo usonge a miko akae. Kwa soko ukira umaragheyo ujie umauyo wa mahutwe. ²¹ Yeso panoi niti maragheyo, tute a Mungu imanyike. Uiehanywe na maragheyo ama nambii, ²² isi ni, tute a Mungu ukiriya uhumeo mkhate am mtwuri Kristo kwa awi wog'e navemuyaja. Kwa soko kutie. ²³ Nekweso wog'e watendi mahutye nokefewa uja wa Mungu. ²⁴ Wawariywe tute dede kwa bahati anjia okhomowi neurifo mkhate ama Kristo Yesu. ²⁵ Ni umanye Mungu akamufunya Kristo Yesu atendeke ukukuanganisha kwa njia a tute mkhate a saghami akwe. Akamufunya Kristo kiuya ne mwareuyi wa tute akwe, kwa soko akuilekea mahute ne akire ²⁶ mkate a utureyo wake. Na ayi ong'e neandiye niukuraghea tute akwe mkhate arii na pani. Iriiarii adahe kukighea mghojo nitute, ne uwaraghea kwa soko mumovariya haki mtu kikaku kwa soko a imani mkhanti katika Yesu. ²⁷ Kwi kufe basi kukiona? Kwasutiwe. Kwa misingi epe? Misingi atendo? Kutie ekweso misingi a tute. ²⁸ Uyi kuhakikisha ni mtu ukuwariywa haki na imani nereka tendo ya maragheyo. ²⁹ Ni Mungu ni Mungu wa Ayahudi kutupu? Je mwasotii Mungu wa atu wa Uremi na?fono, waa uremi kamwe. ³⁰ Niatendeka kwa tute Mungu ni umwendo, atuwariya tute aoo wa ihungu kwa tute, nevinaenda ihungu kwa njia a tute. ³¹ Na sese kubadilisha maragheyo aa tute? Ni kuirie kiyume kayo, sese kwa mihakikisha maragheyo.