¹ Nuvafeya kwanyu Fibi munchaa witru, Ni chuu mutrumami wa ikanisa ni roo Kenkrea, ² ne chuu mudaha umufokhea kene Bwana. Thendi uyi kene kicho kagharama ka ahuvei, na muimike ithambeimwe nayo kene intu. Aso neukuthendeka urehitaji, soko mwenso mughonjo wahendeka muthumwami wa vaingi, na kwa soko ane mughonjo. ³ Mramwoche Priska na Akila, anyothrenda mwemo ithambe imwedo nanee kuni Kristo Yesu, ⁴ ambae kwa maisha anee vekayahatarisha maisha awe aghonjo, nufunya asii kwawe, na ntii nene nimwene, nyeso na kwa makhanisa ong'ee amataifa. ⁵ Reramuchi ikhanisa nero khawe. Muramuchi Epanieto muyanji wane, ni chomufafwa wamwandio kene Kristo kene Asia. ⁶ Mramuchi Mariamu newathendie mwemo kwa nguu kwa soko anyu. ⁷ Mramuchi Androniko na Yunia, aruna vane, na athungwa ithambe imwe nanee. Ne kuvategemee ithambe imwe na athumami, ni chuu avathongee umumanya Kristo kabla ane. ⁸ Mramuche Ampliato, muyanji wane kine Bwana. ⁹ Mramuche Urbano, mtendi mwemo ithrambe imwe nanee keneKristo, na Stakisi myanji wane. ¹⁰ Mramuchi Apele, munyoyanjewa kene Kristo. Vwaramuci vyong'e ni vyonyumba ama Aristobulo. ¹¹ Muramuchi Herodioni, jamaa wane. Varamuchi vyong'e ni vyonyumba ama Narkiso, ne vepho kene Bwana. ¹² Varamuche Trifaina vena Trifosa, athenda mwemo kwa nguu Bwana. Mramuche Persisi myanji, ne wathendie mwemo inoo kene Bwana, ¹³ Mramuche Rufo, ne wahoaniywe kene Bwana na nyinyawakwe na wane. ¹⁴ Mramuche Asinkrito, Flegon, Herme, Patroba, Herma, vena aruna vyong'e ni viithambe imwe nayo. ¹⁵ Mramuche Filologo na Yulia, Nerea na dada wakwe, na Olimpa, na ahuvei vyong'e ni viitambe imwe nayo. ¹⁶ Mramuchi mwoomwe gwe busu takatifu. Makhanisa ong'e kene Kristo vuvaramucha. ¹⁷ Fanii nivyaomba, anyandughu, ughemaneya unto aavoo neate vhusaha mwoaghareko na ipangamizi. Voenda hiya na maseyo ni aremwadahie usiywa. Kikengeyi muheghe kene vyenso. ¹⁸ Kosoko antu kinya vasavya vyatromuthomekea Kristo Bwana, netrindaa yawe aghonjo. Kwa nkani yawe ne ntotiuu na ukhutwa kwa uregheghe vyokhonga khooroo ya nivyathina mahutrie. ¹⁹ Kwa ikhorii ra ughemeyi wanyu mwomoghee momuntu. Gwauyi niyanjetre unto anyu, nyeso nkosegha nyenye muhendeke na chaa kene hali aujaa, na udeahanga mahutye usonge amahutye. ²⁰ Mungu wa amani atrutrinya umuyaghaya shetani fang'e asambe anyu. Ujaa wama Bwana Yesu Kristo ihendeke ithamberimwe nanyee. ²¹ Timoteo, mnyothenda mwemo ithambe imwe nanee, ukhuvyara mucha, na Lukio, Yasoni na Sospeter, jamaa vyane. ²² Mimi, Tertio, nineuandika waraka uroyi, nivyaramucha kene rina rama Bwana. ²³ Gayo, niwantunzie na kwa ikhanisa rong'e rovyaramucha, Erasto, mtunza hazina wong'ee, ukuvaramucha, itambe rimwe na Kwarto nimunyandughu. ²⁴ (Ravya: kene nakala halisi amwandio, mustari urii utrifo. Ravya Warumi 16:20. "Ujaa wama Bwana Yesu Kristo uekhae nanyee nyong'e. Amina.") ²⁵ Fanoyi kene mwenso ni unaudaho wohenda muimeke ukhikhwaa na injili na maseyo ama Yesu Kristo, ukhikhwaa na urughwi ro wa siri niafihiwe kwa muda urifu, ²⁶ nyeso fanii adahikie ukurukiwa na uthendwa umanyika na maandiko a unabii ukikhwaa na maragheyo ama Mungu wakhae na khae, kwa ughimiyi wa uhivwe mukhatre amataifa ong'e? ²⁷ Kene Mungu wimwene munya ihaa, ukira Yesu Kristo, kuhendeke na utukufu khare ong'e. Amina