¹ Panoi sese ne kwina nguu kuseghetwe uhora udhaifu wa awo ne adhaifu , na kutiseghe twesa kukiyanjesha aghonjo. ² Mumutu witu amuyajishe jirani wakwe neate na itu rija, kwa soko aajenga. ³ Ne are hata Kristo atinakiyajisha mweso ughajo. Badala ayo, ekatendeka kiuya nareeandikwe, matuki awo ne wamutukie ag'angi nene." ⁴ Kwa ong'e ong'e neatongee uandikwa, kikaandikwa soko aunighaneya, makusuudi soko okera uvumilivu na ukera upewa moyo na maandiko are kuhanga ujasiri. ⁵ Pani Mungu wa uvumilivu na wa ufunya moyo awape utendeka na nia sawa kwa kila mtu umwemwe ukikhoyana Yesu Kristo. ⁶ Adaheutenda uyii kwa nia imwendu mudahe umkute kwa miomo ayuu Mungu na Tata wa Bwana witu Yesu Kristo. ⁷ Enyeso mpokeei ila mtu umwendwu, na mweso Kristo avampokee, kwa utukufu wa Mungu. ⁸ Enyeso nehauya kamwe Kristo watendiwe mtumishi wa ihungu kwa niaba a tutea Mungu. Akatenda uyii soko adahe kudhibitisha ahadi nareyafunyiwe kune watata, ⁹ na mataifa atukuze Mungu kwa neema yakwe, kuuya nare eandiki. "Ekweso nefuufa sifa kune veve na mkhate a mataifa nevekuembera sifa mkhate a rina rako." ¹⁰ Kake ehanya, yaji, "Nyenye atu wamataifa pamoja na atu wakwe." ¹¹ Na kake, "Msifuni Bwana, nyenye mataifa ong'e reki atu wa mataifa wamusifu mweso." ¹² Kake Isaya ukuhauya, "Kujotendeka kuna itina la Yese, na umwendu ujohumbuwa na utawala kutoo a mataifa. Mataifa wajotendeka tumaini rawe kune mweso." ¹³ Pani Mungu wa uaminiwe awaijuye na uyaujo wang'e na amani kwa uamini, ne soko nidahe udaha mkhate a tumaini kwa nguu ya Roho Mtakatifu. ¹⁴ Nene mghonjo kake nawapema nange, auya dughu wane. Nawapema soko nauye aghoujo muijuuywe na uuja. Muijuuywe na mahaa ong'e. Nawapema soko nanye mudahe na kiere kila mtu na muyakwe. ¹⁵ Yeso neundika kwa ujasiri ino kuneuyee kutoo a matu fulani ili niwakumbushe kake, soko anguu ninapeiwa na Mungu. ¹⁶ Nguu iyii nae soko nedahe utendeka mtumishi wama Yesu Kristo nareutumiwa umataifa, ukifunya kenya kuhani wa injili a Mungu. Narekundaha utenda uyii ili ukifunya kwane umataifa kutendeke kuyanjitwe, kurekanuwe na Mungu kwa njia a Roho Mtakatifu. ¹⁷ Uunyii uyanjo wane wepo mkhate kune Kristo Yesu na mkhate a matue a Mungu. ¹⁸ Nyeso tiuudahe ueugheya uhanya lolote enyeso soko Kristo uning'aere ukera kune nene utii wa mataifa. Are matu anig'aneywa kwa neno au tendo, ¹⁹ Kwa nguu na ishara na maajabu na kwa nguu ya Roho Mtakatifu. Iree nare soko kufuma Iyerusalemu, na upima kwenge keuya, nedahe umehoa uji kwa umening'aneya injili ya Kristo. ²⁰ Soko a njia enyei, ighemo lane latendeka umetangaza injili, lakini tii kune Kristo umanyiwe kwa rina, ne soko tajojenga kutoo a msingi wa mtu ungeja. ²¹ Kiuya ne andikiwe: "Neari kune mweso watina habari yakwe aree kaja vakanuwo na avoo vyekamutegheya wachomumanya." ²² Ekweso nekatendeka nikaghiuywa kutufu kutufu kainge uja kune nyeee. ²³ Ila panoi, tikweti kake sehemu mkhate mikoa eii, na nitendeki niyajetie kwa miakhaa mingi uja kune nyee. ²⁴ Unyii kutufu yonge neeuda Hispania, niamini kuwaona ninakera, na nidaha utowa unjia ana nauyee, khare nare niyajite ushirika na nyee na wakati. ²⁵ Yeso panoi neniuje Yerusalemu uwatumameu aumini. ²⁶ Kwa soko ikavauyajisha atu wa u Makedonia na Akaya utenda ichangizo malumu kwa atuki mkhate awe ni aumini wa Uyerusalemu. ²⁷ Uuyii, ikatendeka kwa uyanjo wawe, nane tutii, watendeki wayadeni wao. Kusoko nare mataifa watenda matu awe a kiroho, vyedai na veso na kuvatumi ve mkhate amahitajia vitu. ²⁸ Yeso no, mda nina kamilishwa ayai na utendeka nina vinge na mbesha euyei kune veso, nene nichoenda mujia song'e kwinautu mpaka Hispania. ²⁹ Nimanyie soko mda nikja kunauyee, nijie mkhatea unig'aneyo wa baraka yama Kristo. ³⁰ Panoi nuwaroba ndughu, kune Bwana wituu Yesu Kristo, na kwa uyaiyo wa khoo, kweso mshirika itamibiwa nane mkhate a marombi aifuu kune Mungu kwa soko ane. ³¹ Robi soko nedahe kuokolewa kune atu ne atina utii katika Yudea, na soko huduma ane kuko Yerusalemu endahe upoklewa na aumini. ³² Robi soko nidahete uja kune uyeuye kwa furaha kukereya mapenji a Mungu, na kwa soko nidahate utende kwitabe nanye, uhanga utuufa. ³³ Na Mungu wa majighano atendeke we itaube nanye nyong'e. Amina.