¹ Sasa, nukukuandikila uwee, muilogua iyii balua ya kabili kukulailia ku masala, ² kina usuume kukijuka nkani nalintambulue kili ni manabii eluu na kuhusu amli yaki Shekulu witu na muguni kua kutmila atumua. ³ Ulinge ilii kuandia, kina apilukii ikiiza ku ntondo za mpelo kukumupiluka inyee, ikaiyenenda kisa kisa ni matakua mao. ⁴ Na itambula "Ikoli pii ahadi nya kushoka? Tata itu aliakiile, Lakini intu tulu aliyili iyo kupunila umuandio wa uumbi. ⁵ Naitendia kuyiwa kina insii ni gulu aliyandilie kupunila ni mazi nu kukilila mazi kalii za kalii, ku lukani luaki Mukungile, ⁶ na kina kukilila lukani luakue ni mazi namatula unkumbigulu kua ntungo lyaso. anga ijuile mazi, nyononua. ⁷ Lakini inoo gulu nu unkumbigulu ntunzue ku lukani lulo lulo kunsooko ya moto. Iyikue kunsooko ya lutondo lua ulamuli ni malimansilio ma antu nasika aki Mukungile ⁸ Iyii sikushuma kushenga ujumbe wako, ilohua kina lutondo llumui kuaki Shekulu ingi kina miaka kihumbi kimui. Ni miaka kihumbi kimui ingi kina lutondo lumui. ⁹ Sika kina Shekulu utenda pole pole kutimilya ahadi, kina ishigua kutula, Lakini mwene ing muiumamtilia kunsooko yani, mwene sikutamanile sunga umui walimansile, Lakini ukutamani kupunia tungo tulu aligie kuyungama. ¹⁰ Ingawa, lutondo luaki Shekulu lukiiza kina mwiii, gulu likikila kua kukitunta kilanga. Intu ikilimansiligua ku moto. Nsii ni intu tulu naikoli ikikunukulua kualie. ¹¹ Kunsooko intu tulu ikilimansiligua ku nzila iyii, Mbii ukitul amuntu wa namna kii? Ukale kiwelu nu ukalii wa ki Mukungile. ¹² Yukujipiile kumana nu kulinga wangu wizilo wa lutondo luaki Mukungile. Lutondo luaso gulu likilimansiligua ku moto. Ni intu ikiyeyusigua ku upiu nautaki. ¹³ Lakini kupunila ni ahadi yakue, kulindilile gulu nipia ni nsii nampia, ni natite haki ikakikala. ¹⁴ Iyo ilogua kunsooko kutaljie intu iii, itaidi kutula makini nu kulekishokigua nu kutula ni amani palumui nunduyo. ¹⁵ Na ambila wiumatilia waki Shekulu witu ku ugunua, kina muilogua kaka witu Paulo, naliumuandikile inyee, kupunila ni hekima nalimupegue. ¹⁶ Paulo utambulila maso tulu ku balua yakue, ikoli intu na ingi ikaku kukukilinga Antu nagila adabu nu ukamu ayonona inu yaso, Na kina itenda ku maandiko. kuyukiila ulimansilia wao. ¹⁷ Iyo, ilogua kunsooko mumaizii maso. Ilindii akola kina mulepugamulua nu ukongani wa ukongua nu kulimilia usuili, ¹⁸ Lakini mukule ku ukende nu ulingi waki Shekulu nu mugunu Yesu Kilisito. Na inoo utukufu utite mwene inoo ni kalii na kalii. Amina.