¹ Manabii a ulongo naipunila kua Aizlaeli, ni amwalimu a ulongo ikiiza gaa kumiani. Ku unkunku ikileta mamanio ma ulongo nindio ikakumukana u Shekulu naliwagulile. Ikiletela wononi wa wangu kyanaya yao akola. ² Ingii ikitiata nzila zao za nsoni nu kukilila enee ikakumikufulu nzila nya kulukulu, ³ Ku ulaku ikakuaonka antu iitumila nkani za ulongo Ulamuli wao sikaukitinia, wononi ukakuatiata. ⁴ Ndogolelio sikanualeka malaika naliakengeuka. Bali nuataga kuzimu atungue migila mpaka ulamuli kinaukauaizila. ⁵ Wala Mukungile sikanuiumatilia unkumbigulu wa kalii. bali, numutnza u Nuhu, nutite witua wa haki, palumui ninaingii mupungati, tungo kinanulekela ikinuenue kyanya ya unkumbigulu nawatiulagia. ⁶ Mukungile nuilamula miji ya Sodoma ni Gomola ngela ya kutla mau nu wononi itula mpiani kunsooko ua adobu ku ntondo za piipi. ⁷ Lakini kinanutenda lyaso, numuguna Lutu muntu wa haki, nalimusunsuligue ni tabia nshapu za nasikaitiata shalia zaki Mukungile. ⁸ Kunsooko nuaso muntu wa haki, nalukalile nindio ntondo ku ntondo nukumiagia nafisi yakue kunsooko ya igoo nalumigilie nu kukumaona. ⁹ Kululo Shekulu ulingile namna ya kukuaguna antu wakue tungo lya wagii ni namna ya kukiumatilia kua nadobu kunsooko ya ulamuli ku lutondo lua mpelo. ¹⁰ Ku taii iyii yai kulukulu ku ioo naendelile kukikala mu tamaaa za mwili uu na kumela imamlaka. Antu a namna iyii atite ugimia ku masigi mao, Sikaiyopokakukuakufulu atukufu. ¹¹ Palumui amalaika aitie usuumi ni ngulu kukila ana antu, lakini sikaishuma kuleta ulamuli zidi yao kuaki Shekulu ¹² Lakini inimu izi nangila masala azipigie ku yukii lya kuguilua nu kulimansiligua. ¹³ Iyalaligua ku ujila wa udobu wao. Munsi pii akikala nianasa. Ijuile ushapu nu udobu. Akulumbilagia anasa za ukongani kinaiina nunduwe. ¹⁴ Miso mao makumbue nu ukosii; sika akukondagia kutenda milandi. Akuakongaa nu kukuagusha aumini na atakata, ni alisha nazumue. ¹⁵ Amilekaa nzila nya kulukulu. apugamuka n aamitiata nzila ya Balaam muana waki Beori, nalimulogue kuligia malipo m auzalimu. ¹⁶ Lakini alimukenelue kunsooko ya utiulya wakue. Ndogui nali yi bubu nitambula ku lulii lya muanamuntu, nugili kisali kyaki nabii. ¹⁷ Antu iaa ingi kina ishiizi naigila ka mazi. ingi kina malunde namulegiggua ni nzega. Lunde luto yikue kunsooko yao. ¹⁸ Akutambula kua kukidaya nkanda. Aukagusagia antu ku tamaa za miili. Akuakongaa antu naigema kukuamanka ioo nakikala ku utiulya. ¹⁹ Akuahidi antu uhulu tungo ioo akola ingi asese amilandu ya upisadi. Ndogolelio muanamuntu ukutendagua kutla musese wa ikio nakyumutawalile. ²⁰ Mwene nukuepusagia nu ushapu wa unkumbigulu kua kutumila maalifa maki Shekulu na muguni Yesu Kilisito, Na nkangi anga washokela ushapu waso kanki , hali yakue yukutenda mbii kukila iyo nya muandio. ²¹ Ifaile antu aso kia aleakekulinga nzila ya haki kukila kumimana na nkangi kanki kuleka iamli nanzelu naliapegue. ²² Mithali iyii kulaa itite kulukulu kimao. "mbua zukushokela malukiu mauke. Ni nguluma nanogigue yukushokela kanki ku malolo."