¹ Uari weeki umpeo ure wonge, ikhonga, kindanda, wiru, na uhonda. ² Kinya vana ne adeu, myaseghe mayu ne maja aukhoo, nechu mdawe ukua munge au kheo, nechu mdahe munge au khomii, ³ Mwino chu mwatonua nechu mkuu ne mfoo. ⁴ Njii kene mwenso ne igwe ne ijanga nerekekhaa nechu ra hitiwe na antu, nyeso resee ra kwaniywe na Mungu nane ranguu kene mweso. ⁵ Nyeno na mkinya magwe ne mafanga ne ujengwa kunto utendeka nyumba auntihoo, ne mtendeke udema nechu ukufunya sadaka yo khoo neyuyanjeywa na Mungu ukeera Yesu Kreso. ⁶ Iandeko ruhanya vii, ''Kavaa, naekaa ukhate a Sayuni igwe rompeo, neikuu na rahwaniywe nara nguu. Muu ne uhuhuvea hene mweso atijoona menyaa.'' ⁷ Ari ihurywa nerauyu hene nyenye ne mhuvie. Nyeso, "Igwe ne vahitiwe na anyojenga, erei ratendeka igwe ni ikuu rompeo"- ⁸ na, "igwe ro hutya na ng'ongo ohutya." Veso veuhutyaa, neveuuhitaa ukhani, kwa ereo nechu no are vahwaniywe kwa rasee. ⁹ Nyeso nyenye ne mwe ufafo ne uhwaniywe, udemi wa hitemi, taifa ni rifoo autu va utawala wa Mungu, nechu mdahe utamantya ntendo ya ughofya yawa uyuo ne wamwetanie ufuma uhiti uja hene weru wahwe wa ughofya. ¹⁰ Nyenye mwandyo are emti antu, nyeso famoi nyenye ne mwe antu vaMungu. Nyeuye ne mtiwahanga urehewa nyeso fanoi mwahanga urehewa. ¹¹ Auyoyanjwa, namwetaua hinya aghenyi na auyofendya uhiim ufeuwa ugwhusia ne mbee ya mahutye, nechu, ikikhua feta na nkhoo yauyu. ¹² Mnoneye utendeka mwina ntendo ni njinja khete amataifa nechu, mbese vajomhanya kimya nechu mtendaa mantu na mare, vajomeraava meeuo anyu ne meja na umkuta Mungu u matihku uja mweso. ¹³ Tegheya mu udaho wa mwanadamu huseko a mkuu, nechu mtemi hiuya mkuu, ¹⁴ nechu atawala nevatumiwe uvaonya anyotenda ne maveno vireya avoo ne veutendaa ne majo. ¹⁵ Kusoko ne mafenji a Mungu, nechu hwa utenda ne maja mkiya meeghetyo a kefutu a antu ne ahau. ¹⁶ Kiuya antu ne mehauya, mtatumie chauya kanyu kinya kekunenekeo kamave, nyeso mtendeke kinya atumami va Mungu. ¹⁷ Vategheyi anut vong'e, vyauji auya ndughu. Muoghofi Mungu mtegheyi Mtemi. ¹⁸ Atughwa, vakuri akuu vauu kwa mwighuyo wong'e, ti nese akuunevaja nane afoo, nyeso na nane ave. ¹⁹ Kusoko nekireywa hwa usuu ne ukughimeya mavai ikhondo ne ukukhaseha neti kwa tute kusoko a ufanga wakwekene Mungu. ²⁰ Uhuwanga ntuui nierefo nempese ukhonde utenda mahutye kange mufwaeye uonywa? Lakini kama mmefanya mema na ndipo mteseke kwa kuhukumiwa, hii ni sifa njema kwa Mungu. ²¹ Kwa erei mwaetemiwe, husoko Kresto no ahakhasywa kusoko auyu, wamrekea wikhoyi kusoko auyu usambeya nsambi yakwe. ²² Mweso atinatenda mahutye, nachu winakigwea uregheghe unge u mwomwo wakwe. ²³ Ikhondo ne mweso ekutuhwa, atinasuhaa matuki, ne ukukhaseka, inaoghofia nyeso akakifunya mghonjo kene mweso ne ukuramua kwa tate. ²⁴ Mweso mghonjo akayiucha mahutye itu kuate amwere wakwe umte, nechu kate kutatendeke kwina intu kange u mahutye, nachu kwikhae kusoko atute, kwa ughuua mweso nyenye mwafonie. ²⁵ Nyong'e neare mhetaa kiuy nkhoo ne eyaghee, nyeso fanoi mwasuka hene mdemi na mghoji wa nkoo yauyu.