¹ Feteo, mtumwa wama Yesu Kreso, kwa aghenji vo ufaghata, kwa anyohwaniwa, kwate a ponto onge, Galatia, Kapadokia, Asia, na Bithinia, ² utemea khaa ra Mungu, Tata, kwa uoywa na mwahune mweru, kwa uguimeyi wama Yesu Kreso, na kwa uminiwa saghami akwe. Ijaa etendeke ekene nyee, na majeghana anyu akiongeye. ³ Mungu Tata wama Mkuu witu Yesu kreso na atewe mboto. Kene ukuu wo urekea wakwe, akakufa ufafwa kwa ufya nanguu ya usaa ukreera ufetyo wama Yesu Kresto ufuma kwate akuyi, ⁴ Kwa usari ne utiunirinkea, utiutendeke wina uvaya na utiukefa. Weekiwe kirunde kusoko anyu. ⁵ kwa udoho wa Mungu mdeniwa nkeera unuvei wa ukhomoi nechu urefo kamwe ukunukuwa khate amakhondo aumpeo. ⁶ Yanji kwate aerei, nambefesamoi nekeonye kene, nyee kitegweya uvai khate autimwaa na mantu niyaniya. ⁷ Eyei, ne kusoko ukuvei wanyu udane ufiimwa, uhuvei neenu wina nguu ufwaya sahabu, neenu euyaghaa khate a moto neenu eutima unuvei wanyu. Eyei ekighea ne uhuvei wanyu udawe ufafa ukutwaa, ufoo, na mwiguuyo khwate au kunukwero wama Yesu Kreso. ⁸ Mwina muona mweso, nyeso mumyanjete, mtimkengee fanoi, nyeso mmnyanjete, mtimkengee fanoi nyenso munuvia kene mwenso na mwina nkumbu etiudaha uregheteya kwa kumbu ne ujuwe naufoo. ⁹ Fanoi mkoa aghonjo isucho ra uhuvei wanyu, ukhomio wa ufanga wanyu. ¹⁰ Aghanga vekafenja na uweya kwa ufunamwecha ukera ukhomoi urui, ukeera ija nechu are ekene nyee. ¹¹ Vekafenja umanya ukuomoi urui we ure nechu ujie vekafenja. No Umanja ne ikhondo raje ne nkhoo ama Kresto ne emunge awe eureghetya ntuni nayo naveso eyei are ekighea ikhando neare ukuvakhanea kwe ukeera makhaseko ana Kreso na weru nechu ujomsambeya. ¹² Ekakunukuwa kwa aghanga nechu are veuyatumamea mantu ayai na tikusoko, awe aghonjo, nechu kusoko anyu - masanyo amantu ayai uheera kwa vasaa neveureta injili kene nyee kwa njea amwehu ne mweru ne watumiwe vaseghete ukunukuwa kwa asaa. ¹³ Vari tungi yieno ya mahaa anyu, mtendeke mwarie khate a maghwemo anyu. Mtendeke mwina udaho neuningamie ukhate aijaa nechu ejoretwa kene nyee ikhondo ra ukumukuwa kene Yesu Kreso. ¹⁴ Kinya anginya ne ategheyi, mtatungwe aghonjo na ghusia nechu emwisambeye ikhondo neare mtikweti mawaa. ¹⁵ Nyeso mwino ne wamwitanie nechu mweru chwee, nanywe no tendeki waeru chwe ukhate. ¹⁶ Kusoko eandikiwe, ''Tendeki mwaeruchwe, kusoko nene ne mweru chwe.'' ¹⁷ Nane mpese mwe etane Tata'' uyuo ne ukuraamua utute kiningana na mweemo wa muntu, tumea chanya ka mhenjo wako na kwokirava. ¹⁸ Mumanyie nechu are ti kwa hela na sahabu - mantu ne ufireka nechu mwakhomewa ufuma untendo yangu ya uhau nechu mwakiranghi ufuma kene na tata vangu. ¹⁹ Nyeso mwatinomowe na saghamia a mwighuyo ama Kreso, kinya ne ankhoo ne etikwete uvei na idene. ²⁰ Kreso wahwaniywe neekee ntundo uchamya, nyeso fomoi matiku ayai au mpeo, wakuakuwa kene nyee. ²¹ Mumhuvie Mungu ukeera mwenso, nechu Mungu akamfetye ufuma kwa akuyi na nechu ahamfa nechu uhuvei wanyu na nguu utendeke kene Mungu. ²² Mwautenda ufanga wanyu utendeke uja kwa uringahiyo utetu eyeo, kwa ighonda ra kinyendughu ne reghookie, are kuyanji kwa ukwamecha ufuma unkhoo. ²³ Mwatenda mwafafiwe mwinjo wa kavee, ti kwa mbeyu ne efereha, nyeso ne ufuma kwatea mbeyu netiufireka, ukeera ufanga na ukhani wa Mungu neresakhie. ²⁴ Kusoko meere onge ne kinya mahwa, uja wayo wonge ne kinya sembe a ichwa. Ihwa runyara na sembe eugwa, ²⁵ nyeso ukhani wa mku ukusaghea nkhae na khae.'' eyei ne saya nechu areghwajwe kinya injili hene nyee.