¹ Vinu naguwakumbusiya ashina kaka na ashina dada, kumpindi ya injili yanuwahubiriliti, ambayu yamuyankiti na kugoloka kwayu. ² Mu inili ayi wawolopofa, handa pamulukola imara shisoweru shanuwahubiriti mwenga, paiwera ndili muaminiti hela. ³ Handa mwanzu ntambu ya mwankiti kwa mwankiti kwa umuhimu niijekiti kwa mwenga handa iweriti: kwamba kulawa na maandiku, Kristo kafuiti kwa ajili ya madoda getu, ⁴ Kulawana na maandiku wamziki, na kwamba kafufukiti shaka lya tatu. ⁵ Na kwamba kamlawiti Kefa, su kwa walii kumi na wawili. ⁶ Kisha kawalaviliti kwa lishaka wumu washina kukana washina dada zaidi ya mia tanu. Wavua waubadu hai, Lakini baadhi yau wagonja mpoto. ⁷ Kisha kumlaviiti Yakobo, kisha wamitumi woseri. ⁸ Mwishu gwa goseri, kandaviiti neni, handa vilii kwa mwana yakazalikiti mu wakati wa sahihi ndili. ⁹ Kwa kuwera neni ni mtotonu kati ya mitumi. Nustahili ndili kunshema mtumi, kwa toziya nilitesiti likanisa la M lungu. ¹⁰ Lakini kwa neema ya Mlungu napalapa handa weriti na neema yakuyi kwa neni iweriti ndili bure. Badala yakuyi, ntenditi bidii kuliku woseri. Lakini iweriti ndili neni, bali neema ya Mlungu iweriti mnumba mwangu. ¹¹ Kwa hangu handa ni neni au womberi, twangu hubili hangu na twanguamini hangu. ¹² Vinu gambira Kristo kahubiritwi handa yakafufukiti kwa wafu, iweri ashi baadhi ya mwenga mzumbi kwahela ufufuu mu wafu? ¹³ Lakini handa kwahela ufufuu wa wafu, basi hata Kristo vilavi kafufukitindili. ¹⁴ Na handa Kristo kafufukandili, hangu mahubiri getu ni buri, na imani yatwenga ni hera. ¹⁵ Na tupatikana kuwera mashahidi wa uwongu kumuhusu Mlungu, kwa toziya tumshuhudiiti Mlungu kumberi, kulonga kamfufuiti Kristo, lishaka kamfufuitindili. ¹⁶ Handa wafu wafufuliwa, ndili Yesu wamfufuitwi ndili vilavi. ¹⁷ Na handa Kristo wamfufuitindili, imani ya mwenga ni buri na badu mwa mukudoda kwenu. ¹⁸ Hangu hata walii wafuiti mu Kristo vilavi wagamila. ¹⁹ Paiwera kwa maisha aga gweka yakuyi twana ujasiri kwa lishaka wizau mnumba mwa Kristo, wantu woseri twenga ni wakutuhurumia zaidi ya wantu woseri. ²⁰ Lakini vinu Kristo, kafufuka kulawa kwa wafu matunda mwanzu wwa ga wafuiti. ²¹ Kwa kuwera kuhowa kwiziti kupitila mwanadamu, vilavi kupitila mwanadamu ufufuo wa wafuiti. ²² Kwa kuwera handa Adam woseri wanguhowa, hangu vilavi mu kristo woseri hawatendi hai. ²³ Lakini kila yumu mu mpangu gwakuyi: Kristo matunda ga Kwakwanja, na kisha walii wawriti wa Kristo hawawatendi hai lishaka la kwiza kwakuyi. ²⁴ Ndipu hauwri mwishu, palii Kristo pakakabidhi ufalmi kwa kwa Mlungu Tati. Ayi ni pali pakakomaziya utawala woseri na mamlaka goseri na makakala. ²⁵ Kwa kuwera lazima katawali mpaka pakatakula maadui zakuyi woseri pasi ya nyayu zakuyi. ²⁶ Adui wa kumwishu kubongonyolwa ni kuhowa. ²⁷ Kwa kuwera," Katula kila shintu pasi ya nyayu zakuyi." Lkini pakazumba," Ktula kila shintu ," ni mwazi kwamba ayi ihusisha ndili walii watuliti kila shintu pasi yakuyi mweni. ²⁸ Lishaka vintu vyoseri wavitula pasi yakuyi, su mwana mweni hawamtuli pasi kwakuyi yombeli ambayi kavittuliti vintu vyoseri pasi yakui. Ayi hailawili ili kwamba Mlungu Tati kaweri vyoseri mu vyoseri. ²⁹ Au vilavi hawatendi shishi walii wabatizizwiti kwa ajili ya wafua? Handa wafu wawafufula ndili kabisa, kwa shishi wangubatiza kayi kwa ajili ya womberi? ³⁰ Na kwa shishi twamuhatari kila saa? ³¹ Kaka na dada wangu, kupitila kulikwisa kwa neni mu mwenga, ambayu nanayi mu kristo Yesu Mtua gwetu nangutangaza hangu: nangufua kila mashaka. ³² Yangufaidia shishi, mu mtazamu gwa wanadamu, handa nilikomiti na wanganyama wakalita aku Efeso, handa wafua wawafufula ndili? " Guleki basi tulii na kulanda kwa kuwera shirau twangufua." ³³ Nawawazyanga:" Makundi madoda hubongonyola tabia iherepa. " ³⁴ Muweri na shiasi! mulikali mu haki namwenderea kutenda madoda. Kwa kuwera wamonga wenu wahera maarifa ga Mlungu. Nanguzumba avi kwa soni zenu. ³⁵ Lakini mtu yumonga hakazumbi," Ntambu ga wafua wawafula? Nau hawizi na ntambu ga ya nshimba?" ³⁶ Gwenga gwa mzigizigi sana! Shilii shaguyaliti bshidaha ndili kwanja kukula paiwera ndili shifua. ³⁷ Na shilii shakayala nshimba ndili ambau haikali, bali ni mbeyu ishipuliti . Idaha kuwera ngano au shintu shimonga. ³⁸ Lakini Mlungu hakuipanana nshimba ntambu yakafila, na mu kila mbeyu nshimba yakuyi mweni. ³⁹ Nshimba zoseri zilifana ndili. paiwera, kwana nshimba yumu gwa wanadamu, na nshimba yamonga ya wanyama, na nshimba yamongawa wampongu, na yamonga kwa ajili ya somba. ⁴¹ Vilavi kwana nshimba za kumbinguni na nshimba za kudunia. Lakini ukwisu wa nshimba za kumbingu ni aina yimu na ukwisu wa mudunia ni wamonga. ⁴⁰ Kwana ukwisu wumu wa mshenji na ukwisu wamonga wa mwzi, na ukwisu wamonga wa nyota. Kwa kuwera nyota yimu ilitofautiana na nyota yamonga mu ukwisa. ⁴² Hangu ndivyu uwerititi vilavi ufufuu wa wafua. Shawayala shibongonyoka, na shimelasu shangubongonyoka ndili. ⁴³ Washiyalamu matumizi ga kawaida, wangushimelezia mu ukwisu. Washiyala mu udhaifu washimeleziya mu makakala. ⁴⁴ Washiyala mu nshimba za asili, wangushimeleziya mu nshimba gwa kiroho. Handa kwana nshimba ya asili, kwana nshimba gwa kiroho pia. ⁴⁵ Hangu vilavi ilembwiti," Muntu gwa kwanja Adamu katendekiti roho ilikalaya." Adamu gwa mwishu katendekiti roho ilaviayu uhai. ⁴⁶ Lakini gwa kiroho kizandili kwanja bali gwa asili, na kisha gwa kiroho ⁴⁷ Mtu wa kwanja ni gwa dunia, wamnyawiti kwa mavumbi. Mtu gwa pili kangulawa kumbinguni. ⁴⁸ Handa vilii yulii yawamnyawiti kwa mavumbi, hangu vilavi walii wawanyawiti kwa mavumbi.Handa vilavi walii wa mbinguni kaweriti, hangu vbilavi walii wa mbinguni. ⁴⁹ Handa ambavyu tubeba mfanu gwa muntu gwa mavumbi, tubeba vilavi mfanu gwa muntu gwa mbinguni. ⁵⁰ Vinu nanguwagambila, kaka na dada zangu, kwamba nshimba na mwazi vidahandili kuurithi ufalme wa Mlungu. Wala wakubongonyoka. ⁵¹ Guloli! Niwagambila mwenga siri ya kweli: Hatufuandili woseri, bali woseri hawatubadizii. ⁵² Hawatubadizii mu lishaka, mu kugonyia na kufumbula kwa masu, mu tarumbeta ya mwishu. Kwa kuwera tarumbeta hailii, na wafua hawawafufui na hali ya kubongonyoka na hawatubadizii. ⁵³ Kwani au wa kubongonyoka lazima uvali wa kutokubongonyoka , nna au wakufua lazima uvali wakuto kufua. ⁵⁴ Lakini lshaka au wa kubongonyoka pawauvalaziya wa kubongonyoka,na au wakufaandili pauvala wakufuandili, su pawiza msemu ambu wauremba," Kuhowa wakumila mu ushindi." " ⁵⁵ Kuhowa, ushindi wakukoshi? Kufua, wakoshi uchungu waku"? ⁵⁶ Uchungu wa kufua ni vidoda, na makakala ga vidoda ni sheria . ⁵⁷ Lakini shukrani kwa Mlungu, yakatupanana twenga ushindi kupitila Mtua gwetu Yesu Kristo! ⁵⁸ Kwa hangu, wafirwa kaka na dada wangu, muweri imara na namtikanyika. daima muitendi lihengu lya Mtua, kwa kuwera muvimana kuwera lihengu mu Mtuwa burii ndili.