¹ Kwakuto ,iheva tuve makini ili lee kati ya mwanu kuta vefo na mndu umi elolikana ilemwa ishikia ahadi yeendelea na ihitia pumziko la Abaa. ² Namu tuleva na habari ngishia ihusu pumsiko la Abaa lialiveliiambe kwa mwanu shakundu vaisraeli vaveli nalo,hatakuto ujumbe wo howo teulevaaria vaya ambao valeishwa bila iunganisha imani nayo. ³ Kwa motusue ,ambao timemeamini sue,nilo sue vandu vengi valikunu kwa motu twehitia katika ihuma lia,Sha leamba"Shakundu ngilehaba kwa isua lakwa,teveingia kwa ili vahume"Nialeamba ili holi ,japo rumate sose alerunda siveli simesia tangu mwanso wa uyariau. ⁴ Namu nialeamba handu ihusu mfiri wa saba, "Abaa nialehuma mfiri wa saba kwa aya ose alerunda. ⁵ Na sekese keamba ,"Teveingia katika ihuma lakwa". ⁶ Kwakuto icho hocho ,tangu ihuma lia la Abaa bado ni akiba kwa aajili ya vengi ihitia na tangu vaisraeli vengi ambao veleishwa habari ngishia ihusu ihuma lakwe tevalehila kitevo tevaleishwa. ⁷ Abaa nialevikia seke mfiri ulive ,veiamkwa ,"Linu"Fee nialeiongera mfiri le hou ihitia Daudi ambao nialeamba kwa weri uasha baaada ya aya aleamba hokimbeleni,"Linu kwa lolea mkaishwa sauti yakwe,mtaifanye ngoo sisa mwanu sivee ngidomari." ⁸ Namu kwalolea Yoshua nialekuningeni ihuma,Abaa taaveliamba seke doka ya mfiri ungi. ⁹ Kwakuto bado ni kwete sabato yehuma ile kwamwa kwa ajili ya vandu va Abaa. ¹⁰ Namu fee uya ehilia katika ihuma la Abaa fe mweni niahuma idukana na matendo akwe,shakundu Abaa alerunda katika fee mweni. ¹¹ Kwakuto tuve na hamu yehitia katika ihuma lia ili lee kutavefoo na mndu eva katika uvishwa uya valerunda. ¹² Namu iteta la Abaa lilihai na lete ngaro na lete unavii kuliko ibnaga loselia kuvili.Na lekora na hata ishika lisaasare moo nafsi na moo handu lakwe,na viungo katika uringo.Na leidima imanya mwanso naa nia yakwe. ¹³ Tekwete kileumbwa kilekwakwa katika chamu cha Abaa.Badala yakwe ,kila kindo cheva wasi kwa meso a mndu umi ambao ni lasima tudue hesabu kwakwe. ¹⁴ Tekamevaa na kuhani mtue alehitia fo doka kwa Abaa Yesu kona wa Abaa,kwa udomari turilie imanisa motu. ¹⁵ Kwakuto tetwete kuhani mtue ambao eteidima iishwa huruma kwaajili ilemwa la motu,hata kuto fee ambao kwa njia sose nialeva vemrieng'ana sha sue japo fe taavete mbiao. ¹⁶ Natushee kwa ukari katika kitengu cha enzi cha neeema ,ili lee tuirie rehema na ikolea neema yetuaria weri wa mahitaji.