¹ Baada ja ghasia kujomoka, Paulo avakemite vanafunzi na kuvalekea ntima. Kisha kuwaaga na akavoka kujenda Makedonia. ² Na jwene akiishakupita mikoa yeneyo na avile akivalekela ntima vaamuni, akajingila Uyunani. ³ Baada ja jwene kuvyapenapo kwa muda va miei hitatu, njama vaunditi dhidi jaki na Vayahudi pavile pakaribiai kusafi kwa ndele ja bahari kujeleke Shamu, hivyo aliazimu kuvuja kupetela Makedonia. ⁴ Vaandamini najwene hadi Asia vavile Sopatro, mwana va Pirho kuhuma Berea; Aristariko na Sekundo, woa kuhuma vaamini va Wathesalonike; Gayo va Derbe; Timotheo; Tikiko na Trofimo kutuma Asia. ⁵ Lakini vandu ava vajomwile kulongelela na vavile vatulindalela kola Troa. ⁶ Kwa ndela ja bahari kuhuma filipi baada ja machova ga mikati jangalekela chachu, na katika machova nhanu tukavaikila akwo Trao. Tukatama huko kwa machova saba. ⁷ Hata lichova lyakwanza ja juma, patavile tukusanyike pamonga ili kuumega mkati, Paulo alongile na vaamini. Avile apanga kuwuka chilau jake, hivyo akajendelela kulongela hadi kilu wa manane. ⁸ Kwavile na taa jamahele katika chumba cha panani ambapu twavile tukusanyiki pamonga. ⁹ Katika lidirisha avile atamite msomgolo mmonga lihina lyaki Utiko, ambayi alemiwi na lugono mzitu. Hata Paulo pavile akihutubu kwa muda mlefu, nsongolo ajo, avi agonite, agwile pai kuhuma kughorofa ja tatu na vannokwite avile awile. ¹⁰ Lakini Paulo ahurwike pai, ajinyulwie jwene panani jaki akankumbatila. Kisha akalongela, "Nkoto kukata tamaa, kwa kuvya yu hai." ¹¹ Kisha akakwela kavena kughorofa na akamega mkati, akalyega. Baada jakulongela nau kwa muda mlefu hadi alfajiri, akawoka. ¹² Vakanneta jola msongolo akiwa hai vaka falajika sana. ¹³ Twenga tavete jwalongile kulogolo ja Paul kwa meli na twaelikie Aso, ambapo twenga tupangite kuntola Paul akwo. Ache ndichu jwene mwene apalite kuhenga, kwa sababu apangite kujaula kupetela chilambu chijumu. ¹⁴ Patuhikilai akwo Aso, twampakie kwenye Meli tukajaula mitilene. ¹⁵ Kisha twenga tukatweka kuhuma akwo na lichova lya pili wa kisiwa cha Kio. Lichova lyafatilahi tukavasili kisiwa cha Samo, na chilau jaki twahikiti Pabomani pa Mileto. ¹⁶ Kwa sababu Paulo avile aamwile kusafili kupitwla Efeso, ili kwamba akotokutumila muda wowoti katika Asia; kwa maana avile na haraka ja kuwahi Yerusalemu kwa ajili ja sikukuu ja Pentekoste, ngati ngavaiwezikini jwene kuhenga yene. ¹⁷ Kuhuma Mileto akavatuma vandu hadi Efeso na akavakemela akanahota va kanisa. ¹⁸ Pavahikai kwaki, akavalongelela, mwanguta mwenga mavene mmanyite tangu lichova lya kwanza nilipokanyaga hapa Asia. jinsi chanavile kwinu muda woa. ¹⁹ Nimemtumikia Bambo kwa unyenyekevu woa na kwa maholi, na matesu ganagapatite nenga kwa hila za Vayahudi. ²⁰ Mmanyilila jinsi ambavyo najizwilejeka kutangaza kwinu chindu chochoti chavile muhimu, na jinsi nenga chanavafundisha wazi wazi na pia kujenda nyumba kwa nyumba. ²¹ Mmanyite jinsi nenga chanyendelile kuvaonya Vayahudi na vayunani pai toba kwa Chapanga na imani katika Bambo witu Yesu. ²² Na henu njangalilai, nenga, chimiai na ntii Ntima mtakatifu kujelekea Yerusalemu, nangamanya mambo ambayo gamukila nenga akwo. ²³ Ila kwa kuvya Ntima mtakatifu anshuhudila nenga katika kila bomani na alongela kwamba minyororo na matesu ndivyo vinendela. ²⁴ Lakini nenga nafikirijeka kwamba mahisha gangu ni kwa ndela yoyoti jathamani kwanenga, ili niweza kujomola mwendu vangu huduma jambokili kuhuma kwa Bambo Yesu, kuhishudila injili ja neema ja Chapanga. ²⁵ Na henu, nnola manyite kwamba woa, miongoni mwa vale najawile kuwahubiri ufalme, chimmonayika pamiho kavena. ²⁶ Kwayeneyo navashuhudila leleno hii, kwamba njeta hatia kwa mihai ja mundu yoyoti. ²⁷ Kwa maana najizuile jeka kuvatangazila mapenzi goa ga Chapanga. ²⁸ Kwa yeneyo iweni vaangalifu panani yinu mwangota mwenga mavene, na panani ja likundi loloti ambalo Ntima Mtakatifu avavekite mwangota mwenga kuwa vaangalizi. Muweni vaangalifu kulichunga kusanyiko lya Bambo, ambalo alihemile kwa mihai jaki mwene. ²⁹ Manyite kwamba baada ja kuwoka kwanenga, libwa mwitu vakali chavajingila kwinu, na vasilihurumile likundi. ³⁰ Manyite kwamba hata miongoni mwinu mavene baadhi ja vandu vahika na kulongela mambo gapotovu, ili kuvafata vanafunzi vao. ³¹ Kwa hiyo muwe miho. Nkombokai kwamba kwa miaka idatu nawezitejeka kuleka kuvafundisha kila mmonga winu kwa maholi kilu na mui. ³² Na henu nenga navakabidhi kwa Chapanga, na kwa lilovi lya neema yaki, ambalo liweza kuvajenga na kuvapikia urithi pamonga nao woa vavavekite wakfu kwa Chapanga. ³³ Nataminijeka hela, dhahabu, au mavazi. ³⁴ Mmanyite mwangota mwenga mavene kwamba mawoko hii imbekie mahitaji gangu na mwene na mahitaji gavile vavavile pamonga nami. ³⁵ Katika mambo goa navapekie mfanu vajinsi inavyopasa kuvajangatila vanyonge kwa kuhenga mahengo, jinsi mnavyopaswa kukomboka malovi ga Bambo Yesu, malovi ambayo jwene mavene alongile: ''Ni heri kuwoa kuliko kupokela.'' ³⁶ Baada ja kulongela namna hii, apigite magoti akajupa pamonga nao. ³⁷ Woa vakalela sana na kungwelela Paulo pahingo na kumbusu. ³⁸ Vahuzunike zaidi ja woa kwa sababu ja chila ambacho avile galongile, kwamba kamwe chimuwonayi pamiho paki kavena. Kisha vakamsindikiza merikebuni.