¹ Kululo umugila kansooko, uwe nukulamula, ku ndogolelio ku maso nukulamulaa umua ingile muutiulia mwene. ku ndogolelio uwe nukulamula utendaa mantu mago mago. ² Lakini kumanile kina ulamulii waki Mukungile ingi wa kulukulu kyanya yao nakutndaa kina maso. ³ Lakini uwee siiga ilii, uwee nuluamula ioo naitendaa mantu maso ingawa nunduwe utendaa mantu mago mago. Mbii ukipona ulamuli waki Mukungile? ⁴ Hau ushiiga inino zigi kyanya ya wingii wa ukende wakue, kutinia ku liango likue, nu wiumatilia wakue? Mbii, sikawizi kina ukende wakue ujipiile kukulingia ku uungamii? ⁵ Bali ku kadila ya ukaku wako nu ku moo wako naugila kauungami ukiikilia uwee akiba ya ikuo ku lutondo uloo luikuo, yaani, lutondo uloo lua ukunukulua wa ulamulii wa haki yaki Mukungile. ⁶ Mwene alukupiile kils muntu kilingasilio saw ni ntendo zakue: ⁷ Ku ioo na akamu a ntendo nanziza aduma ukuligua, heshima na nukulekiononeka, ukakiapela upangaa wa kalii na kalii. ⁸ Lakini ku ioo na binafisi, nasikaakutiata kulukulu bali akutiata zuluma, gazabu ni kuo tyakii likiiza. ⁹ Mukungile ukileta ziki ni shida kyanya ya kila muntu nutendile udobu, ku Myahudi kuandia nu kuaki myunani gaa. ¹⁰ Lakini ukiligua, heshima, ni amani ikiiza ku kila muntu nukutenda namaza, ku Myahudi kuandia, nu ku Myunani gaa. ¹¹ Ku ndogolelio kutilii ukuilia kuaki Mukungile. ¹² Ku ndogolelio kina iyo ingii natiulie pasipo shalia ikilimila pasipo shalia, na kina iyoo ingii naliatiulile kuliganila ni shalia ikilamulua ku shalia. ¹³ Ndogolelio ategelii a shalia natiite haki ntongela zaki Mukungile, bali ingi ioo nakumitendaa ishalia ikiyaliligua haki. ¹⁴ Ku ndogolelio antu a nsii nagila ka shalia, itendaa ku yukii mantu ma shalia, iene, atula shalia ku nafisi zao, ingaw ioo agila ka shalia. ¹⁵ Ku ilii ilagila kina ntendo nazijipiile ku mujibu wa shalia mandikue mukati ya mioo yao. zamiri zao zukuashudila enee, ni massgo mao akola anga makuatakagia hau makualindile enee akola. ¹⁶ iyo gaa kuaki Mukungile. iga mikipunila ku lutondo u Mukungile kinaukilamula unkunku wa antu tulu, sawasawa ni mpola zyane, ku nzila yaki Yesu Kilisito. ¹⁷ Kutambule kina ukiita uwee Myahudi, nukalile mu shalia, lumbilia kua kukikulia mu Mukungile, ¹⁸ Mamane mapnzi makue, nu kulingasilia mantu namisia nimaso, pembele kualagiligua ni shalia. ¹⁹ Na kutambule kina utite ugimia kina uwee mukola umutongelii wa apoku, welu kua naili mukiiti, ²⁰ musaisha wa alele, mwalimu wa alisha, na kina utiite ku shalia jins ya nya elimu ni kulukulu. ²¹ Uwee gua, nukumutanantilagia mua,Mbii, sikaukimania uwee? Uwee nukutanantagia kulekiia,mbii, uwee sikuiiane? ²² Uwee nukutambula ulekizini, mbii uzinine? Uwee nusukilue sanamu, mbii ukuiaa mu hekalu? ²³ Uwee nukisifu ku shalia,mbii sikaukumu kolia nsoni Mukungile ku uuna shalia? ²⁴ Kundogolelio "lina liaki Mukungile likoligua nsoni katia ya antu a nsii kunsooko yani," kina naliyandikue. ²⁵ Kundogolelio kutualua ikumbi kulukulu ifalie kina angumitiate i shalia, lakini kina uwee ingi umuuna shalia, kutualua ikumbi kumuako itula sikakutualua. ²⁶ Iyo, anga, muntu nasikamutualue ikumbi ulongolekile kuyamba matakua ma shalia, mbii kulekutualua ikumbi kumuakue sikaikisholelua kina mutualue ikumbi? ²⁷ Nu mwene nasika mutualue ikumbiku yukii sikaukakukulamula kina utiatile shalia? Iyii ingi kunsooko utite mandikoo naliamandikue ni tohara gaa lakini kilii u muuna shalia! ²⁸ Ku ndogolelio mwene sika Myahudi nuili ku hali nya kunzii: wala kutualua kumbi si uko nakunzii du ku mwili. ²⁹ Lakini mwene Myahudi nuili mukati, ni tohara ingi ya moo, ku nkolo, sika liandiko. sifa nya muntu namna nyaso sikipunile ku antu bali ipunile kuaki Mkungile.